Məhkəmə

Ülvi Həsənlinin aclıq aksiyasına qoşulan “Abzas”çılara təzyiq olunduğu deyilir

4 İyul, 2025

109

Foto: sosial media

“Abzas Media"nın həbsdə olan jurnalistləri Sevinc Vaqifqızı, Nərgiz Absalamova və Elnarə Qasımova həbsdə olan direktor Ülvi Həsənlinin aclıq aksiyasına qoşulublar.

“Abzas Media" iyulun 3-də xəbər verir ki, Vaqifqizi və Qasımova aclıq etmələri və buna görə zorakılığa məruz qalmaları ilə bağlı ailələrinə xəbər verdikləri zaman telefon zəngi kəsilib.

"Onlar Ülvi Həsənlinin qanunsuz olaraq Umbakı həbsxanasına köçürülməsinə etiraz edirlər, onun Bakı İstintaq Təcridxanasına geri qaytarılmasını tələb edirlər. Onlar aclıq aksiyasına başlayan kimi təkadamlıq kameralara köçürülüblər və əşyaları zorla əllərindən alınıb", - yaxınları nəşrə bildirib.

Həsənli daha öncə vəkilinə iyunun 26-dan cərimə kamerasında (karser) saxlanıldığını və həmin gündən aclıq etdiyini bildirmişdi.

O, həyat yoldaşı və iki yaşlı qızı ilə görüşə icazə verilmədiyi üçün aclığı davam etdirəcəyini bəyan edib. Bundan əlavə, Həsənli, haqqındakı məhkəmə hökmü qanuni qüvvəyə minməmiş Bakı İstintaq Təcridxanasından Umbakı təcridxanasına köçürülməsinə etiraz edir.

İyunun 20-də Bakı Ağır Cinayətlər Məhkəməsində baş tutan iclasda “Abzas Media işi” üzrə təqsirləndirilən şəxslərə hökm oxunub.

Hakimin qərarı ilə “Abzas Media”nın direktoru Ülvi Həsənli, baş redaktor Sevinc Vaqifqızı, araşdırmaçı jurnalist Hafiz Babalı və “Azadlıq Radiosu"nun jurnalisti, iqtisadçı Fərid Mehralızadə 9 il, jurnalistlər Nərgiz Absalamova və Elnarə Qasımova 8 il, “Abzas Media"nın koordinatoru Məhəmməd Kekalov isə 7 il 6 ay azadlıqdan məhrum edilib.

Onlar qaçaqmalçılıq da daxil olmaqla bir neçə maddədə ittiham ediliblər. Lakin jurnalistlər və müdafiəçiləri istintaqın ortaya tutarlı sübutlar qoymadığını bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Məhkəmə 28 gündür aclıq edən Hacı Vəliyevi ev dustaqlığına buraxmayıb

Çexiyada kommunizm təbliğatı cinayət hesab olunacaq

“Cinsi ayrı-seçkiliyə yol açan” fikirlərə görə “Xəzər TV“-yə xəbərdarlıq olundu

İsrail Qəzzada katolik kilsəsinə etdiyi hücumdan “xeyli təəssüflənib”

ABŞ diplomatlara başqa ölkələrdəki seçkiləri qiymətləndirməməyi tapşırıb

ABŞ kəşfiyyatı: Pezeşkian İsrailin hücumu zamanı yaralanıb

Redaktorun Tövsiyələri

Rayonlar üzrə müəllim sayı niyə “dövlət sirri” kimi gizli saxlanır?

Konstitusiya dəyişiklikləri Naxçıvanın suverenlik prinsiplərinə ziddir? - Təhlil

Azərbaycan və Rusiya: ayrılsaq da, bərabərik...

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

Məhkəmə

Məhkəmə 28 gündür aclıq edən Hacı Vəliyevi ev dustaqlığına buraxmayıb

18 İyul 2025

Foto: sosial media

İyulun 18-də Xətai Rayon Məhkəməsində ictimai fəal və İkinci Qarabağ Müharibəsi iştirakçısı Hacı Vəliyevin həbs qətimkan tədbirinin ev dustaqlığı ilə əvəz edilməsi barədə verilmiş vəsatətə baxılıb. Vəliyevin yaxınlarının yaydığı xəbərə görə, məhkəmə vəsatəti təmin etməyib. Məlumatda ailəsi və yaxınlarının 28 gündür aclıq edən Vəliyevin səhhətindən ciddi şəkildə narahat olduqları qeyd olunub. Onların sözlərinə görə, artıq uzun müddətdir aclıq aksiyası keçirən qazinin səhhəti sürətlə pisləşir. “Aidiyyatı qurumlar məsuliyyətli davranmalı, Qazi Hacı Vəliyevin həyat və sağlamlığına laqeyd yanaşmamalıdır”, - bəyanatda qeyd olunub. Vəliyev iyunun 21-dən “ədalətsiz mühakiməsinə qarşı” aclıq aksiyası keçirir. Daha əvvəl vəkilləri onun yeriməkdə çətinlik çəkdiyin, habelə qalan gözünü itirmək...

Davamını oxu

Məhkəmə

Bəşir Süleymanlı Ombudsman və Məhkəmə Hüquq Şurasına şikayət edəcək

18 İyul 2025

Foto: açıq mənbə

Vətəndaş Hüquqları İnstitutunun rəhbəri Bəşir Süleymanlı həbsdə üzləşdiyi çətinliklərlə bağlı yaxınları vasitəsilə açıqlama yayıb. O, həm hüquqlarının məhdudlaşdırıldığını, həm də saxlanma şəraitinin qeyri-insani olduğunu bildirib. Bəşir Süleymanlı iyulun 16-da Bakı Apellyasiya Məhkəməsində həbs müddətinin uzadılması ilə bağlı keçirilən iclasda hakimin davranışlarından narazı qaldığını bildirib. Onun sözlərinə görə, hakim Emin Əliyev proses boyunca aqressiv davranıb: “Hakim aqressiv davranaraq bir neçə dəfə sözümü kəsdi və çıxışıma imkan vermədi. Bu ifadə azadlığımın və özünü müdafiə etmək hüququmun kobud şəkildə pozulmasıdır.” Bəşir Süleymanlı bu səbəbdən Məhkəmə Hüquq Şurasına və Ombudsman Aparatına rəsmi şikayət ünvanlayacağını bildirib. Hüquq müdafiəçisi eyni zamanda məhkəmə zallarında məhkumların saxlanıldığı yerlərdə...

Davamını oxu