Məhkəmə

Zabil Qəhrəmanovun vəkilinin vəsatətləri təmin olunmayıb

10 İyul, 2026

Sosial media

İyulun 10-da Gəncə Şəhər Məhkəməsində həbsdə olan vəkil Zabil Qəhrəmanovun ittiham olunduğu iş üzrə hazırlıq iclası keçirilib.

APA-nın xəbərinə görə, hakim Ülkər Babazadənin sədrliyi ilə keçirilən prosesdə təqsirləndirilən şəxsin vəkili Səadət Seyidlinin verdiyi vəsatətlərə baxılıb.

S.Seyidli əvvəlki prosesdə cinayət işinə xitam verilməsi, bu olmadığı təqdirdə Z.Qəhrəmanov barəsində həbs qətimkan tədbirinin dəyişdirilməsi xahişilə vəsatətlər vermişdi.

Məhkəmə vəsatətləri təmin etməyib.

Cinayət işi məhkəmə baxışına verilib. Baxış iclası iyulun 23-nə təyin edilib.

Zabil Qəhrəmanov ötən ilin oktyabrın 23-də avtoyuma məntəqəsində bir nəfərə xəsarət yetirməkdə şübhəli bilinərək saxlanılıb. Sonradan ona qarşı əlavə ittihamlar irəli sürülüb.

Hazırda Zabil Qəhrəmanov Cinayət Məcəlləsinin 4 maddəsi - 221.2.2-ci (xuliqanlıq - ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərmək), 178.2.2-ci (Dələduzluq, təkrar törədildikdə), 178.2.3-cü (Dələduzluq, şəxs tərəfindən öz qulluq mövqeyindən istifadə etməklə törədildikdə), 178.2.4-cü (Dələduzluq, xeyli miqdarda ziyan vurmaqla törədildikdə) ilə ittiham olunur.

Daha öncə - oktyabrın 8-də Vəkillər Kollegiyası Zabil Qəhrəmanovun fəaliyyətinin dayandırılması barədə qərar qəbul edib. Qərara əsasən, vəkil 6 ay fəaliyyət göstərə bilməyəcəkdi.

Z.Qəhrəmanov Tovuz rayonunda 11 yaşlı Nərmin Quliyevanın oğurlanıb öldürülməsində ittiham olunan İlkin Süleymanovun vəkili kimi tanınır. O, həmçinin, AXCP Daşkəsən rayon şöbəsinin sədri Sahib Məmmədzadənin, partiyanın Gəncə şöbəsinin üzvü Şahin Hacıyevin və başqa fəalların da hüquqlarını qoruyub.

Hüquq müdafiəçiləri Z.Qəhrəmanovu siyasi məhbus kimi tanıyır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

NATO Baltik səmasında təhlükə yaradan hərbi təyyarələrin vurulmasına icazə verdi

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Qanuna yeni dəyişiklik: "Əxlaqsız ifadələr"ə yer verən saytlara giriş bloklanacaq

İqbal Əbilovun "kars"a salındığı deyilir

Yaxınları: "Bəhruz Səmədovun görmə qabiliyyəti zəifləyib"

Nərgiz Muxtarovaya 7 il yarım müddətinə şərti cəza verilib

Redaktorun Tövsiyələri

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Nazir universitetlərdə təhsil haqlarının artırılmasını istəyir?

Dövlət borcunun görünməyən tərəfi: Təminat Fondunun resursları niyə tükənir?

Məhkəmə

Nərgiz Muxtarovaya 7 il yarım müddətinə şərti cəza verilib

9 İyul 2026

Əkinçi

İyulun 9-da Bakı Ağır Cinayətlər Məhkəməsində “QHT işi” üzrə ittiham olunan vətəndaş cəmiyyəti fəalı Nərgiz Muxtarovanın ittiham olunduğu iş üzrə yekun məhkəmə prosesi keçirilib. APA-nın xəbərinə görə, hakim Leyla Əsgərova-Məmmədovanın sədrliyi ilə keçirilən prosesdə təqsirləndirilən şəxsə hökm oxunub. Hökmə əsasən, Nərgiz Muxtarovaya 3 ili sınaq müddəti olmaqla 7 il 6 ay müddətinə şərti həbs cəzası verilib. O, Cinayət Məcəlləsinin 193-1.3.2 (cinayət yolu ilə əldə edilmiş xeyli miqdarda əmlakı leqallaşdırma) və 308.1-ci (Vəzifə səlahiyyətlərindən sui-istifadə, dövlətin qanunla qorunan mənafelərinə mühüm zərər vurduqda) maddələri ilə təqsirli bilinib. Fəala qarşı daha əvvəl irəli sürülən 313-cü (Vəzifə saxtakarlığı) maddəyə isə xitam verilib. "QHT işi” üzrə...

Davamını oxu

Məhkəmə

Qraffitiyə görə həbs olunan gənc ev dustaqlığına buraxılmayıb

9 İyul 2026

Sosial media

"Nizami" kinoteatrının divarındakı qraffitilərlə bağlı cinayət işi çərçivəsində həbs olunmuş Ardeşir Seypfur Saad Abadinin şikayəti üzrə məhkəmə prosesi keçirilib. Yaxınlarının yaydığı məlumata görə, iyulun 8-də Nəsimi Rayon Məhkəməsində Abadinin barəsindəki həbs qətimkan tədbirindən verdiyi şikayətə baxılıb. Müdafiə tərəfi həbs qətimkan tədbirinin ev dustaqlığı ilə əvəz olunmasını istəsə də, məhkəmə vəsatəti təmin etməyib. “Bu qərar bizi dərindən məyus etdi. Biz hesab edirik ki, 19 yaşlı bir tələbənin barəsindəki həbs qətimkan tədbirinin ev dustaqlığı ilə əvəz olunması xahişinə baxmayaraq, müvəqqəti həbsin davam etdirilməsi nə mütənasiblik prinsipinə, nə də humanist yanaşmaya uyğundur. Biz hüquqi mübarizəmizi səbr, ardıcıllıq və qanuna hörmət...

Davamını oxu