Siyasət

ABŞ-nin ən yüksək rütbəli antiterror rəsmisi istefa verib

18 Mart, 2026

223

Foto: Bloomberg

ABŞ-nin Terrorçuluqla Mübarizə Milli Mərkəzinin direktoru Co Kent ölkəsinin İrana qarşı hücumlarına etiraz olaraq istefa verib.

O, martın 17-də "X" səhifəsində paylaşdığı, ABŞ prezidenti Donald Trampa ünvanlanmış istefa ərizəsində "vicdanına sığmadığına görə" İrana hərbi müdaxiləni dəstəkləmədiyini yazıb.

“İran ölkəmiz üçün heç bir təcili təhlükə yaratmırdı və aydındır ki, biz bu müharibəni İsrailin və onun Amerikadakı güclü lobbisinin təzyiqi altında başladıq", - o qeyd edib.

Kent Trampın namizədlik kampaniyası dövründə xarici müdaxilələri dayandıracağı ilə bağlı vədlərini xatırladıb:

“Siz anlayırdınız ki, Yaxın Şərqdəki müharibələr bir tələ idi- vətənpərvərlərimizin həyatlarını əlimizdən aldı, ölkəmizin sərvətini və rifahını isə tükətdi".

Kent məktubunda Trampı İrana qarşı siyasətini yenidən nəzərdən keçirməyə və münaqişəni dayandırmağa çağırıb.

Ağ Evdə jurnalistin sualına cavab olaraq Kentin istefasına münasibət bildirən Tramp isə bundan təəssüflənmədiyini deyib.

"Yaxşı oğlana oxşayırdı. Amma məktubunu oxuyanda dedim ki, yaxşı ki gedib. İran təhlükə deyil? Hər bir ölkə İranın nə boyda təhlükə olduğunu anlayırdı. Bizə belə adamlar lazım deyil", - o qeyd edib.

Fevralın 28-dən bəri ABŞ və İsrail İrana havadan hücumlar həyata keçirir.

Tramp bunu İranın nüvə silahı əldə etməyə çox yaxın olması ilə əsaslandırır. İran isə iddianı rədd edir.

Tənqidçilər deyir ki, Tramp İsrail baş naziri Benyamin Netanyahunun təzyiqi ilə İrana hücum qərarı verib, əsl məqsəd isə rejimi devirmək və ölkənin neft yataqlarını ələ keçirməkdir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Azərbaycan hökuməti Əli Əliyevə 5200 avro təzminat ödəməyə razılaşıb

Həbsdə olan jurnalist hicab qadağasına etiraz olaraq aclığa başlayıb

Avropa Məhkəməsi Rauf Mirqədirova qarşı hüquq pozuntusunu tanıyıb

İsrail şirkəti Azərbaycanda silah zavodu açdığını deyir

Nobel Sülh Mükafatı İsrailin soyqırımı törətdiyini deyən hakimə verilib

Milli Məclis: "Avropa Parlamentində deputatlar pulla ələ alınır"

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Siyasət

Azərbaycan hökuməti Əli Əliyevə 5200 avro təzminat ödəməyə razılaşıb

9 Oktyabr 2026

sosial media

Fəaliyyətini dayandırmış Vətəndaş və İnkişaf Partiyasının (VİP) keçmiş sədri Əli Əliyev Avropa İnsan Hüquqları Məhkəməsinə (AİHM) göndərdiyi şikayətlə bağlı Azərbaycan hökuməti ilə razılığa gəlib. "Azadlıq Radiosu"nun xəbərinə görə, AİHM ötən ay tərəflərin razılığı əsasında şikayəti baxılan işlər siyahısından çıxarsa da, bu barədə qərar oktyabrın 8-də yayılıb. Razılaşmaya əsasən, Ə.Əliyev şikayətini geri götürüb, hökumət isə öz növbəsində ona mənəvi zərərə görə 4700, hüquqi xərclərə görə 500 avro təzminat ödəməyi öhdəsinə götürüb. Ə.Əliyev AİHM-ə ərizəsində 2022-ci ildə həbs olunarkən şəxsinə qarşı Avropa İnsan Hüquqları Konvensiyasının 6-cı (ədalətli məhkəmə araşdırması hüququ) və 18-ci (kənar məqsədlərlə hüquq və azadlıqların məhdudlaşdırılmasının yolverilməzliyi) maddələri üzrə pozuntuların...

Davamını oxu

Siyasət

Həbsdə olan jurnalist hicab qadağasına etiraz olaraq aclığa başlayıb

9 Oktyabr 2026

sosial media

Həbsdə olan jurnalist Polad Aslanov məktəblərdə hicablı şagirdlər və müəllimlərə qadağa qoyulmasına etiraz olaraq oktyabrın 8-dən aclıq aksiyasına başlayıb. Jurnalistin bu barədə ictimaiyyətə müraciətini həyat yoldaşı Gülmirə Aslanova sosial media hesabında paylaşıb. P.Aslanov bir neçə gün əvvəl hicab qadağası ilə bağlı Qafqaz Müsəlmanları İdarəsinin sədri Allahşükür Paşazadəyə açıq müraciət etdiyini xatırladıb. "Təəssüf ki, keçən müddət ərzində müraciətimə heç bir reaksiya verilmədi, heç bir cavab və münasibət bildirilmədi. Sükut və laqeydlik qarşısında susmaq mümkün deyil. Mən, şərlənərək həbs olunmuş jurnalist, siyasi məhbus Polad Aslanov — bu gündən [8 oktyabr - red.] etibarən öz övladımın və onun kimi təhsil almaq hüququ məhdudlaşdırılan...

Davamını oxu