Siyasət

Helsinki Komitəsi: “Azərbaycan hakimiyyəti vaxt itirmədən səhhəti pisləşən Aynur Elgünəşi azad etməlidir”

28 Oktyabr, 2026

sosial media

Norveç Helsinki Komitəsi (NHC) “Meydan TV”nin həbsdə olan baş redaktoru Aynur Elgünəşin səhhətinin ağırlaşdığını bildirərək onun dərhal azadlığa buraxılmasına çağırıb.

Qurumun oktyabrın 28-də yaydığı açıqlamada deyilir ki, jurnalistin fiziki məhdudiyyəti var, o, indiyədək 12-dən çox əməliyyat keçirib, mütəmadi müalicəyə, ixtisaslaşmış tibbi yardıma ehtiyac duyur.

NHC Aynur Elgünəşin səhhətinin son həftələr daha da pisləşdiyini bildirib.

“Vəkillərinin və ailəsinin sözlərinə görə, onun səhhəti son həftələrdə daha da ağırlaşıb və böyrəyindəki ciddi problemə görə təcili əməliyyata ehtiyacı var”, - açıqlamada deyilir.

Komitə jurnalistin siyasi motivli sayılan ittihamlarla üzləşdiyini və bu ittihamları qəbul etmədiyini qeyd edib.

Açıqlamada vurğulanıb ki, Bakı Ağır Cinayətlər Məhkəməsi jurnalistin vəkillərinin bu həftə onun ev dustaqlığına buraxılması ilə bağlı vəsatətini təmin etməyib.

“Onun həbsdə saxlanılması səhhəti və həyatı üçün ciddi təhlükə yaradır. Azərbaycan hakimiyyətinin onun həyatını qorumaq və ehtiyac duyduğu tibbi yardımı almasını təmin etmək məsuliyyəti var”, - komitə bildirib.

NHC Azərbaycan hakimiyyətini Aynur Elgünəşi vaxt itirmədən azad etməyə çağırıb: “Gecikmə onun səhhəti üçün geri ağır nəticələrə səbəb ola bilər. Çox gec olmadan Aynur Elgünəşi azad edin.”

Aynur Elgünəş 2024-cü il dekabrın 6-da “Meydan TV işi” çərçivəsində saxlanılıb. Ona qarşı qaçaqmalçılıq və digər maliyyə cinayətləri ilə bağlı ittihamlar irəli sürülüb. Jurnalist ittihamları qəbul etmir və həbsinin peşə fəaliyyəti ilə əlaqəli olduğunu bildirir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Mirzoyan: “Hikmət Hacıyevin Ermənistandan üzr tələbi sülhə töhfə vermir”

İspaniyada sürət qatarları toqquşub, azı 40 nəfər həlak olub

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

HRW: “Azərbaycan dünyəvi təhsil prinsipindən qızları təhsildən məhrum etmək üçün istifadə etməməlidir”

Ermənistan parlamenti ABŞ ilə TRIPP sazişini ratifikasiya edib

Putin: “Azərbaycan bizim sabit və yaxşı tərəfdaşımızdır”

Redaktorun Tövsiyələri

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Siyasət

Mirzoyan: “Hikmət Hacıyevin Ermənistandan üzr tələbi sülhə töhfə vermir”

28 Oktyabr 2026

Toplum TV

Ermənistanın xarici işlər naziri Ararat Mirzoyan deyib ki, Azərbaycan prezidentinin köməkçisi Hikmət Hacıyevin Ermənistanın Azərbaycan xalqından üzr istəməsi ilə bağlı son bəyanatı sülhə “töhfə vermir”. Mirzoyan əlavə edib ki, artıq paraflanmış sülh sazişinin imzalanması üçün “başqa ilkin şərt ola bilməz”. Mirzoyan bu fikirləri parlamentdə müxalif “Güclü Ermənistan” fraksiyasının deputatı Tiqran Abrahamyanın sualını cavablandırarkən səsləndirib. Abrahamyan Hacıyevin bəyanatından bir gün keçməsinə baxmayaraq, Ermənistan hakimiyyətinin buna cavab vermədiyini qeyd edib və belə ritorikanın sülh prosesinə nə dərəcədə töhfə verdiyini soruşub. Mirzoyan cavab verilməməsi ilə bağlı tənqidləri rədd edib. O bildirib ki, Ermənistan hökuməti yol boyu çətinlik və maneələrin mövcudluğunu nəzərə alaraq “sülh...

Davamını oxu

Siyasət

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

28 Oktyabr 2026

Toplum TV

“Toplum TV işi” üzrə həbs olunanlardan Demokratik Təşəbbüslər İnstitutunun əməkdaşları Əli Zeynal, İlkin Əmrahov, Ramil Babayev və jurnalist Fərid İsmayılov Azərbaycandakı demokratik qüvvələrə birlik, qarşılıqlı dəstək çağırışı ilə müraciət ediblər. Onların özlərini “Mütəşəkkil Dəstə” adlandırdıqları təşəbbüsün müraciətində ölkədə repressiyaların genişləndiyi və siyasi məhbus kimi tanınan şəxslərin sayının artdığı bildirilib, demokratik qüvvələr arasında həmrəyliyə çağırış edilib. “Toplum TV” müraciəti olduğu kimi təqdim edir. “Biz “Mütəşəkkil dəstə” təşəbbüsümüzü elan edərkən bildirmişdik ki, ölkədə repressiya son həddədir, həbsxanalar siyasi məhbuslarla doludur və siyasi məhbuslar bu vəziyyəti hüquq müdafiəçiliyi üçün bir fürsətə çevirə bilər. Repressiyanın son həddə olması həm də fəaliyyət sahəsini daraltmaqla ölkənin...

Davamını oxu