Siyasət

Hüseyn Abdullayev Azərbaycana qarşı Avropa Məhkəməsinə göndərdiyi şikayəti geri götürüb

13 noyabr, 2026

sosial media

Həbsdə olan keçmiş deputat Hüseyn Abdullayev və anası Zeynəb Abdullayeva Avropa İnsan Hüquqları Məhkəməsinə (AİHM) təqdim etdikləri şikayətləri geri götürüblər. Məhkəmə noyabrın 12-də onların ərizələrinin baxılan işlər siyahısından çıxarılması barədə qərar yayıb.
“Azadlıq Radiosu”nun məlumatına görə, şikayət Hüseyn Abdullayevin 2018-ci ildə Türkiyədə saxlanılaraq Azərbaycana gətirilməsi, burada 6 il həbs cəzası alması və anası ilə birlikdə mühakimə olunması ilə bağlı idi.
İş üzrə AİHM-də 2024-cü ildə kommunikasiya mərhələsi başlanmış, Azərbaycan hökumətinə suallar göndərilmişdi.

Ərizədə qeyd olunurdu ki, Hüseyn Abdullayev 2013-cü ildə Almaniyaya köçüb, orada Azərbaycan hakimiyyətini tənqid edən “Susma” mahnısını yazaraq klip çəkdirib. Bundan sonra onun İnterpol vasitəsilə beynəlxalq axtarışa verildiyi bildirilirdi. Abdullayev Almaniyadan siyasi sığınacaq alıb, 2014-cü ildə isə barəsindəki axtarış qərarı ləğv olunub.

Keçmiş deputat 2018-ci ildə İstanbulda istirahətdə olarkən saxlanılıb və məhkəmə qərarı olmadan Azərbaycana gətirildiyini bildirib. Ona qarşı dələduzluq, vergidən yayınma və başqa ittihamlar irəli sürülüb.
Zeynəb Abdullayeva isə bacısına məxsus pasportla sərhədi keçməyə cəhddə ittiham olunub. Bakı Hərbi Məhkəməsinin hökmü ilə Hüseyn Abdullayev 6 il azadlıqdan məhrum edilib, anasına isə 4 min manat cərimə kəsilib. Onların əmlaklarının bir hissəsi müsadirə olunub.

Ana və oğul ittihamları qəbul etməyib. Hüseyn Abdullayev həbsinin siyasi sifariş olduğunu deyib. Vəkili Cavad Cavadov da sabiq deputatın səhhətinin ağır olduğunu dəfələrlə açıqlayıb.

Hüseyn Abdullayev 2005-2007-ci illərdə Milli Məclisin deputatı olub. O, 2018-ci ilin aprelindən həbsdədir. 2024-cü ilin martında, əvvəlki cəzasının bitməsinə 40 gün qalmış, onun barəsində yenidən cinayət işi açılıb və pul vəsaitlərinin leqallaşdırılması ittihamı ilə 9 il həbs cəzası verilib. Abdullayev bu ittihamı da qəbul etmir.

2020-ci ildə BMT-nin Özbaşına Həbslər üzrə İşçi Qrupu Hüseyn Abdullayevlə bağlı həm Türkiyənin, həm də Azərbaycanın bir sıra beynəlxalq hüquq normalarını pozduğunu bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ailəsi hicab qadağasına görə aclıq edən məhbusdan xəbər ala bilmir

"Meydan TV"nin həbsdə olan baş redaktoru əməliyyat olunub

Almaniya ordusu kiberhücuma görə dronların istifadəsini dayandırıb

Tofiq Yaqublu saxlanma şəraitindən narazıdır: “Xeyli məhbus çarpayı çatışmazlığına görə yerdə yatır”

“Nvidia”nın rəhbəri Çinlə əlaqəli casusluq iddiaları fonunda istefa verib

Penitensiar Xidmətin rəisi dəyişdi, bəs həbsxanalarda vəziyyət dəyişəcək?

Redaktorun Tövsiyələri

Siyasi məhbus kimi tanınan bir qrup şəxs: “Əliyev rejimi ölkəni həbs qəbiristanlığına çevirib”

Fərid İsmayılov və Ramil Babayev: “Təcridxanada feldşerlər tibbi spirti məhbuslara içki qismində 10 manata satır”

Ruslan İzzətli yazır: “Rusiya Cənubi Qafqazdan imtina etməyəcək”

“Mütəşəkkil dəstə”dən penitensiar sistemin rəhbərliyinə: ‘Məhbusların həyatına görə məsuliyyəti kim daşıyır?’

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

İnanclı məhbus Fərid İsmayılova danışıb: “Hökumət bayraqdakı yaşıl rəngi soldurmaq istəyir”

Siyasət

Ailəsi hicab qadağasına görə aclıq edən məhbusdan xəbər ala bilmir

13 noyabr 2026

Foto: şəxsi arxiv

Məktəblərdə hicab məhdudiyyətlərinə etiraz olaraq aclıq aksiyasına başlayan inanclı məhbus Elman Şeydayevdən 20 gündən çoxdur xəbər alınmadığı deyilir. Yaxınlarının “Meydan TV”yə verdiyi məlumata görə, Şeydayev oktyabrın 16-dan aclıq edir. O, 6 saylı Cəzaçəkmə Müəssisəsində saxlanılarkən cəza kamerasına (“kars”) yerləşdirilib. Bundan sonra ailəsi onunla əlaqə saxlaya bilməyib. Yaxınları digər məhbusların ailə üzvlərindən aldıqları məlumata əsasən, Elman Şeydayevin 10 saylı Cəzaçəkmə Müəssisəsinə köçürüldüyünü bildirirlər. Ancaq onun hazırda harada və hansı şəraitdə saxlanıldığı, eləcə də səhhətinin necə olduğu barədə ailəsinə rəsmi məlumat verilməyib. Elman Şeydayev 2022-ci ilin fevralında saxlanılıb və həmin ilin iyulunda Bakı Ağır Cinayətlər Məhkəməsinin hökmü ilə Cinayət Məcəlləsinin 234.3.4-cü maddəsi...

Davamını oxu

Siyasət

Tofiq Yaqublu saxlanma şəraitindən narazıdır: “Xeyli məhbus çarpayı çatışmazlığına görə yerdə yatır”

13 noyabr 2026

sosial media

Həbsdə olan siyasətçi, Müsavat Partiyasının və Milli Şuranın üzvü Tofiq Yaqublunun saxlanıldığı 17 saylı Cəzaçəkmə Müəssisəsində şəraitin pisləşməsinə etiraz olaraq ailəsinə zəng etməkdən imtina etdiyi deyilir. Bu barədə siyasətçinin qızı Nigar Həzi məlumat yayıb. N.Həzi bildirib ki, Yaqublu həbsxanadakı problemlərlə bağlı müəssisə rəisi ilə görüşmək üçün dəfələrlə rəsmi müraciət edib. “Tofiq Yaqublu həbsxanadakı dözülməz şərait və problemlərlə bağlı dəfələrlə 17 saylı Cəzaçəkmə Müəssisəsinin rəisi Şəfaət Abbasovun qəbuluna düşmək üçün rəsmi müraciət etsə də, rəis onunla görüşməkdən boyun qaçırır. Onun televizordan istifadə imkanı əlindən alınıb. Həbsxanada yeganə informasiya mənbəyi televizordur. Bundan əlavə, kiçik otaq və baraklarda nəzərdə tutulandan daha çox məhbus...

Davamını oxu