Siyasət

İlkin Əmrahov ədliyyə nazirinə: ”Zəhmət çəkin üzərinizə düşən öhdəliyi yerinə yetirin"

1 İyul, 2026

Sosial media

Demokratik Təşəbbüslər İnstitutunun (IDI) əməkdaşı, “Toplum TV işi“ üzrə həbsdə olan İlkin Əmrahov ədliyyə naziri Fərid Əhmədova müraciət ünvanlayıb.

IDI-ın ictimailəşdirdiyi müraciəti təqdim edirik.

Cənab Əhmədov, Penitensiar Xidmətdə oftalmoloq axtarılır. Tapan şəxsə mükafat söz vermişəm. İstəsəniz, siz də axtarışlara qoşulun.

Bakı İstintaq Təcridxanasının rəhbərliyinə, Ədliyyə Nazirliyinin Tibb Baş İdarəsinə (ƏNTBİ) dəfələrlə rəsmi qaydada müraciət etmişəm. Başqa həbs edilmiş şəxslərin müraciət etməsinə kömək etmişəm. Bakı İstintaq Təcridxanası da ƏNTBİ-yə müraciət etdiyini bildirir. ƏNTBİ-dən isə gələn məktubda mənə qayğı ilə yanaşıldığı, səhiyyə xidmətlərinin əlçatan olduğu yazılır. Amma ortada oftalmoloq yoxdur.

Dövlət büdcəsindən 1500 məhbus üçün səhiyyə xidmətlərinə görə 200 min AZN ayrılıb. Həmsöhbət olduğum məhbuslar, t/ş-lər bu barədə məlumatsızdır. Vəsaiti necə xərcləmisiniz ki, yaşlı insanlar sınıq eynəklərlə gəzirlər, göz ölçülərini müəyyənləşdirə bilmirlər?!

Qanunvericilik tibbi təminata görə həbs edilmiş şəxslərin saxlanıldığı qurumun, müəssisənin cavabdeh olduğunu bildirir. Zəhmət çəkin, üzərinizə düşən öhdəliyi yerinə yetirin!

Həmsöhbət olduğum digər şəxslər bu vəziyyətin Penitensiar Xidmətin digər təcridxana və cəzaçəkmə müəssisələrində də eyni olduğunu bildirirlər.

"Toplum TV işi" üzrə ümumilikdə 10 nəfərə cinayət işi açılıb. Onlar öncə qaçaqmalçılıqda ittiham edilsələr də, sonradan ittiham ağırlaşdırılıb. Özləri ittihamları rədd edir, siyasi sifariş əsasında həbs olunduqlarını bildirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Lukaşenko “ekstremist” maddələri ilə məhkum olunan 32 nəfəri əfv edib

Akif Qurbanov və Ruslan İzzətli von der Leyenə: "Əməkdaşlığı təkcə hökumətlə etməyin"

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

AXCP İmişli rayon şöbəsinin fəalına 2 il həbs cəzası verildi

Parlament qərar verib: Təklif olunan evdən imtina edənlər məcburi köçkün statusunu itirəcək

Azərbaycanda səhiyyə statistikası niyə natamamdır?

Redaktorun Tövsiyələri

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Nazir universitetlərdə təhsil haqlarının artırılmasını istəyir?

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Siyasət

Akif Qurbanov və Ruslan İzzətli von der Leyenə: "Əməkdaşlığı təkcə hökumətlə etməyin"

1 İyul 2026

Sosial media

III Respublika Platformasının “Toplum TV işi” üzrə həbsdə olan spikeri Akif Qurbanov və qurucu heyət üzvü Ruslan İzzətli Avropa Komissiyasının prezidenti Ursula von der Leyenə müraciət ediblər. Onlar von der Leyenin iyulun 1-də Azərbaycana nəzərdə tutulan səfərini yüksək qiymətləndirdiklərini bildiriblər. Lakin əlavə ediblər ki, komissiya prezidentinin "demokratikləşmə və insan hüquqları kimi mövzuları gündəmdə tutmaq məsuliyyəti var". "Avropa İttifaqının xarici siyasət prioriteti məhz əməkdaşlıq edilən ölkəyə münasibətdə insan haqları, demokratikləşmə və hüququn üstünlüyü prizmasından yanaşmaqdır. Xanım Ursula von der Leyendən xahişimiz rəhbərlik etdiyi qurumun xarici siyasət prioritetini Əliyev Azərbaycanına münasibətdə nümayiş etdirməsidir. Eyni zamanda əməkdaşlığı təkcə hökumətlə deyil, Azərbaycan xalqının müstəqil vətəndaş...

Davamını oxu

Siyasət

Həbsdə olan fəallar və jurnalistlər von der Leyenə müraciət edib

30 İyun 2026

Açıq mənbə

Azərbaycanda həbsdə olan bir qrup ictimai fəal və jurnalist ölkəyə səfəri gözlənilən Avropa Komissiyası prezidenti Ursula von der Leyenə müraciət edib. Həbsdə olan iqtisadçı Fazil Qasımovun ailə üzvlərinin "Toplum TV" ilə bölüşdüyü məktubda o, von der Leyendən azadlığa buraxılmasında köməklik göstərməsini xahiş edib. İqtisadçı eyni məzmunlu məktubla Avropa Komissiyasının vitse-prezidenti Kaya Kallasa da müraciət edib. Həbsdə olan ictimai fəal Bəxtiyar Hacıyev və adları açıqlanmayan bir qrup fəal isə von der Leyenə müraciətlərində Avropa İttifaqı (Aİ) və Azərbaycan arasında son illərdə müşahidə olunan "müsbət dinamikanı məmnunluqla qarşıladıqlarını" bildiriblər. "Bununla yanaşı, hesab edirik ki, Avropa İttifaqı ilə Azərbaycan arasında dayanıqlı, etibarlı və...

Davamını oxu