Siyasət

Fərid İsmayılov barədə 2 ay 20 gün həbs qətimkan tədbiri seçildi

17 Yanvar, 2025

Toplum TV

Xətai rayon Məhkəməsinin qərarı ilə Fərid İsmayılov barəsində aprelin 6-dək həbs qətimkan tədbiri seçilib.

***

Toplum TV-nin jurnalisti Fərid İsmayılov saxlanılıb. Bu dəqiqələrdə o, məhkəməyə çıxarılır.

Jurnalisti yanvarın 17-də günün birinci yarısında polis əməkdaşları evində saxlayaraq Bakı şəhər Baş Polis İdarəsinə (BŞBPİ) aparıblar.

Onunla yanaşı kirayədə qaldığı otaq yoldaşının da saxlanıldığı bildirilir.

Fərid İsmayılov “Toplum TV işi” üzrə təqsirləndirilən 9 nəfərdən biri idi. 7 nəfər haqda məhkəmə həbs qətimkan tədbiri seçsə də, Fərid İsmayılov və Elmir Abbasov polis nəzarətinə verilmişdi.

Bu gün vəkillərə bildirilib ki, “Toplum TV işi” üzrə istintaq yekunlaşıb və təqsirləndirilən şəxslərə əlavə altı ittiham verilib.

Bir ay öncə Fərid İsmayılov Bakı şəhər Baş Polis İdarəsinə çağrılmışdı. O zaman ona “ağıllı ol” deyə xəbərdarlıq edilmişdi.

“Toplum TV işi” üzrə təqsirləndirilən, polis nəzarətinə verilən Elmir Abbasov ittihamla tanış olmaq üçün Bakı şəhər Baş Polis İdarəsinə çağrılıb.

Bu iş üzrə ittiham ağırlaşdırılıb, təqsirləndirilən şəxslərə qarşı Cinayət Məcəlləsinin 162-1.1 (Əmək müqaviləsi hüquqi qüvvəyə minmədən işçilərin hər hansı işlərin yerinə yetirilməsinə cəlb edilməsi), 192.3.2 (xüsusilə küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda törədildikdə), 206.4 (mütəşəkkil dəstə tərəfindən qaçaqmalçılıq) və 213.2.1 (vergiləri ödəməkdən yayınma - mütəşəkkil dəstə tərəfindən törədildikdə) maddələri ilə yeni ittihamlar irəli sürülüb.

İndiyədək "ToplumTV işi" üzrə həbs olunanlar CM-nin 206.3.2 (qaçaqmalçılıq - qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdilər.

Həmin ittihamla 8 ilədək həbs cəzası verilməsi mümkün idisə, indi cəza müddəti 12 ilə çata bilər.

“Toplum TV işi üzrə” təqsirləndirilən şəxslər III Respublika Platformasının spikeri Akif Qurbanov, bu qurumun qurucu heyət üzvü Ruslan İzzətli, Toplum TV-nin təsisçisi Ələsgər Məmmədli, videoredaktor Müşfiq Cabbar, jurnalist Fərid İsmayılov, Demokratik Təşəbbüslər İnstitutunun əməkdaşları Əli Zeynal, İlkin Əmrahov və Ramil Babayev, Elmir Abbasovdur.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

ABŞ səfirinin vida çıxışı: “Azərbaycan xalqı azad mediaya, adil məhkəməyə, korrupsiyadan azad iqtisadiyyata layiqdir”

İmişlidə DYP-nin iştirakı ilə baş verən yol qəzası etirazlara səbəb olub

Fazil Qasımovun məhkəməsində vəkil DİN əməkdaşından soruşur: “Tapançası olan təhlükəli şəxsin əllərini niyə qandallamamısınız?”

Tofiq Yaqublu: “Milyonlarla manatlıq korrupsiyaya görə Səhhət Həbibbəyliyə şərti cəza verilir, Tofiq Yaqublu həbsdə saxlanılır”

Azər Qasımlının həyat yoldaşı sualları cavablandırmaqdan imtina edib

İki gün öncə saxlanılan AXCP fəalına 30 sutka verilib

Redaktorun Tövsiyələri

Regional inkişaf proqramlarının uğursuz nəticəsi: regionlarda rəsmi iş yerləri azalıb

Cənubi Qafqazda Rusiya-Qərb qarşıdurması: Ermənistan Qərbi, Azərbaycan Rusiyanı seçir

Adambaşı ÜDM-ə görə MDB-də Ermənistan 3-cü, Azərbaycan 5-ci yerdədi

Putin enerji savaşını uduzdu

Mərkəzi Bank kreditlərin artmasından niyə narahatdır?

2024-cü ildəki sosial vəziyyətin qısa icmalı: varlıların gəlirləri artdı, kasıbların qazancları azaldı

Siyasət

ABŞ səfirinin vida çıxışı: “Azərbaycan xalqı azad mediaya, adil məhkəməyə, korrupsiyadan azad iqtisadiyyata layiqdir”

18 Yanvar 2025

Sosial media

Diplomatik missiyasını başa vuran ABŞ-ın Azərbaycandakı səfiri Mark Libbi vida mesajı ilə çıxış edib. Səfir Azərbaycan xalqına təşəkkürünü ifadə etməklə yanaşı ailəsi ilə bu ölkə üçün darıxacaqlarını bildirib: “Azərbaycan xalqına ən xoş arzularımı çatdırıram, bu xalq ən yaxşısına layiqdir. Azərbaycan vətəndaşları öz qonşuları ilə sülh şəraitində, güclü və suveren ölkədə yaşamağa layiqdirlər. Onlar müstəqil mediaya layiqdirlər. Onlar öz fikirlərini açıq ifadə edən insanları hədəfə almayan ədalət mühakiməsinin adil və şəffaf şəkildə tətbiq olunmasına layiqdirlər. Onlar korrupsiya və öz mənfəətini güdməkdən azad olan, firəvan və perspektivli iqtisadiyyata layiqdirlər”. İki ölkə arasındakı əməkdaşlıqdan danışan M.Libbi təhlükəsizlik məsələlərinə də toxunub: “Biz iqtisadi rifahı...

Davamını oxu

Siyasət

Azər Qasımlının həyat yoldaşı sualları cavablandırmaqdan imtina edib

17 Yanvar 2025

Samirə Qasımlı/şəxsi arxiv

Siyasi Menecment İnstitutunun həbsdə olan rəhbəri Azər Qasımlının həyat yoldaşı Samirə Qasımlı yanvarın 17-də Yasamal Rayon Polis İdarəsində ifadə verib. Həyat yoldaşına qarşı açılmış cinayət işi üzrə dindirildiyini deyən S.Qasımlı bir neçə suala cavab versə də, digərlərini cavablandırmaqdan imtina etdiyini bildirib. O deyir ki, yaxın qohuma qarşı ifadə verməməklə bağlı konstitusion hüququndan yararlanıb. Azər Qasımlı ötən il dekabrın 8-də saxlanıb. O, Cinayət Məcəlləsinin 182.2.3-cü (hədə-qorxu ilə tələb etmə, zor tətbiq etmə ilə törədildikdə) maddəsilə ittiham olunur. Özü ittihamı rədd edir, siyasi fəaliyyətinə görə həbs edildiyini bildirir. Hüquq müdafiəçiləri ölkədə 300-dən çox siyasi məhbus olduğunu bildirirlər. Azərbaycan hakimiyyəti isə ölkədə heç...

Davamını oxu