Siyasət

Viktor Orban: “Macarıstan Ukraynaya qaz tədarükünü dayandıracaq”

25 Mart, 2026

Foto: Getty Images

Macarıstan baş naziri Viktor Orban ölkəsi üzərindən Ukraynaya təbii qaz təchizatının dayandırılacağını deyib.

Orban bunu Ukrayna üzərindən ölkəsinə Rusiya neftinin nəqlinin dayanması ilə əsaslandırıb. O əlavə edib ki, neftin nəqli bərpa edilənədək Ukraynaya qaz verilməyəcək.

Ukrayna qaz tələbatının böyük bir hissəsini Macarıstandan idxal edir. Bu göstərici ötən il bütün qaz idxalının təxminən 45%-ni təşkil edib.

Macarıstan Ukraynanı “Dostluq” boru kəmərini zədələyərək Rusiyadan neft nəqlini qəsdən dayandırmaqda ittiham edir.

Kiyev isə bildirir ki, boru kəməri yanvarda Rusiyanın dron hücumu nəticəsində zədələnib və kəməri mümkün qədər tez bərpa etməyə çalışırlar. Ukrayna prezidenti Volodimir Zelenski martın 5-də deyib ki, boru kəməri təxminən bir ay yarım ərzində işlək vəziyyətə gələ bilər.

Orban daha öncə Ukraynadan hücum təhlükəsi olduğunu iddia edərək ölkəsinin əsas enerji infrastrukturu obyektlərində əlavə təhlükəsizlik tədbirləri görülməsi barədə göstəriş verib.

Digər Avropa ölkələri liderlərindən fərqli olaraq, Ukraynaya qarşı müharibə aparan Rusiya ilə yaxın münasibətlər saxlayan Orban iddia edir ki, Ukrayna hökuməti Macarıstana təzyiq göstərmək üçün “neft blokadası”ndan istifadə edir.

2022-ci ilin fevralında Rusiyanın Ukraynada işğalçı müharibəyə başlamasından bəri əksər Avropa ölkələri Rusiyadan enerji idxalını ciddi şəkildə azaldıb və ya tamamilə dayandırıb. Lakin Macarıstan və Slovakiya Rusiya nefti və qazının idxalını nəinki saxlayıb, hətta artırıb.

Macarıstan Avropa İttifaqı (Aİ) tərəfindən Kiyevə ayrılmış 90 milyard avroluq krediti bloklayır və Rusiyaya qarşı yeni Aİ sanksiyalarını veto edir. Orban ölkəsinə neft tədarükləri bərpa olunana qədər Ukrayna üçün yardım məqsədilə ediləcək digər Aİ tədbirlərini bloklamağa söz verib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Von der Leyen Bakıda insan haqlarına toxunmadı

Britaniyalı deputatlar "Maşa və Ayı" cizgi filminin yayımdan çıxarılmasını istəyirər

Məhbus anası: "Oğlum həbsxanada suyun olmamasına etiraz etdiyi üçün döyülüb"

İşçi hüquqları fəalının cərimə kamerasına salındığı deyilir

Namizəd Səfərov məhkəmədə: “Zərərçəkən kimi tanınan şəxsi tanımıram”

İsrail-Türkiyə gərginliyində yeni mərhələ: “Soyqırımı" qərarı nəyi dəyişəcək?

Redaktorun Tövsiyələri

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Nazir universitetlərdə təhsil haqlarının artırılmasını istəyir?

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Siyasət

Von der Leyen Bakıda insan haqlarına toxunmadı

3 İyul 2026

president.az

Avropa Komissiyasının prezidenti Ursula von der Leyen iyulun 1-də Azərbaycana rəsmi səfərə gəldi. O, sonuncu dəfə Azərbaycanda dörd il əvvəl səfərdə olub. Bu dəfəki səfəri fərqli edən amillərdən biri Azərbaycanda siyasi məhbus kimi tanınan şəxslərin sayında olan artım idi. 2023-cü ilin noyabrından bəri ölkədə müstəqil jurnalistika və vətəndaş cəmiyyəti fəaliyyəti ilə məşğul olan onlarla insan müxtəlif ittihamlarla həbs olunub. Hüquq müdafiəçiləri Azərbaycanda siyasi məhbusların sayının 330-dan çox olduğunu deyir. Səfər ərəfəsində həbsdə olan bir qrup jurnalist, siyasi fəal və vətəndaş cəmiyyəti üzvləri von der Leyenə açıq məktubla müraciət edərək ondan Azərbaycan prezidenti İlham Əliyevlə görüşündə ölkədə insan haqlarının vəziyyətini müzakirə...

Davamını oxu

Siyasət

Məhbus anası: "Oğlum həbsxanada suyun olmamasına etiraz etdiyi üçün döyülüb"

3 İyul 2026

Açıq mənbə

12 saylı Cəzaçəkmə müəssisəsində saxlanılan məhbus Elşən Mürsəlovun işgəncəyə məruz qaldığı deyilir. Bu barədə onun anası Nailə Bağırova prezident İlham Əliyevə ünvanladığı və jurnalist Arzu Abdullanın ictimailəşdirdiyi müraciətdə bildirir. Məhbusun anası iddia edib ki, oğlu cəzaçəkmə müəssisəsində məhbuslara suyun pulla satılmasına etiraz etdikdən sonra döyülərək cərimə kamerasına ("kars") salınıb: “Oğlum bu yayın qaynar günlərində suyun olmamasına və pulla satılmasına etiraz etdiyinə görə elə döyüblər ki, onun yaşayacağına ümidim yoxdur”. Nailə Bağırova deyir ki, oğlu bundan əvvəl də dəfələrlə zorakılığa məruz qalıb. “Bundan əvvəl də bir neçə dəfə oğlumu döyüblər. Ayaq damarlarını qırıblar. Özüm mən xadiməçi ola-ola Topçubaşov adına xəstəxanaya apardım...

Davamını oxu