Siyasət

Ümid Partiyası növbəti qurultayını keçirdi

29 Mart, 2021

1248

Ümid Partiyası

Martın 28-də Azərbaycan Ümid Partiyasının V (VII) Qurultayı pandemiyanın şərtlərinə uyğun olaraq onlayn qaydada keçirilib.

Bu barədə partiyanın rəsmi sosial media hesabından paylaşım edilib.

Qurultayı giriş sözüylə Qurultaya Hazırlıq Üzrə Təşkilat Komitəsinin sədri İqbal Ağazadə açaraq Qurultaya Hazırlıq barədə məlumat verib.

Azərbaycanın suverenliyi və ərazi bütövlüyü uğurunda şəhid olmuş hərbçilərin ruhu bir dəqiqəlik sükutla yad edildikdən sonra Mandat Komissiyasının Hesabatı dinlənilib. Qeyd edilib ki, Ümid Partiyası növbəti qurultayına 69 rayon şöbəsindən seçilmiş 650 nümayəndə ilə getməli idi. Lakin qurultay obyektiv səbəbdən gecikdiyinə görə 19 rayon şöbəsində konfransların vaxtı tamamlanıb. Bununla belə 19 rayondan olan Təşkilat Komitəsinin rəhbərləri qurultayda iştirak edib, 52 Rayon Şöbəsi isə Qurultaya seçilmiş nümayəndələrlə təmsil olunub.

451 qurultay nümayəndəsindən 437 nəfəri onlayn qaydada qurultayda iştirak edib. Bu səbəbdən Mandat Komissiyası Qurultayın səlahiyyətli olduğunu bildirib və qurultayın idarə olunması üçün sədarət, Say komissiyası və katiblik seçilib. Daha sonra sədarət Qurultaylararası dövrdə hesabat üçün partiyanın sədri İqbal Ağazadəyə söz verilib.

Partiya sədrinin Qurultayarası dövrlə bağlı hesabatı dinlənilib və qurultay tərəfindən qənaətbəxş hesab edilib.

Sonra partiyanın nizamnaməsinə uyğun olaraq təşkilati məsələyə baxılıb. Qurultay nümayəndələri tərəfindən Ağazadə İqbal Fehruz oğlunun yenidən partiya sədrliyinə namizədliyi irəli sürülüb və o, Azərbaycan Ümid Partiyasının sədri seçilib.

Qurultayda partiyanın nizamnaməsinə uyğun olaraq 78 nəfər Ali Məclis üzvü seçilərək təsdiq edilib, 7 nəfər isə MNTK üzvü seçilib.

Partiya sədrinin və digər rəhbər orqanların seçilməsini əks etdirən sənədlərin qeydə alınması və Ədliyyə Nazirliyinə müraciət edilməsi üçün səlahiyyətli nümayəndə seçilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İqbal Ağazadə: “Şəxsi görüntüləri yaymaq siyasi baxımdan çox böyük əxlaqsızlıqdır”

Həyat yoldaşı: "Ələsgər Məmmədli iki gündür qida qəbul edə bilmir, boğulma halları davam edir"

Paşinyan: “Tezliklə Azərbaycana məhsul ixrac etməyə başlayacağıq"

İlham Əliyev: “Azərbaycan Ermənistana elektrik enerjisi ixrac edə bilər”

“Ombudsmana yazılmış ərizələr tikanlı məftillərdən kənara çıxarılmır”

Bəhruz Səmədov: "Sülh gündəliyinə zidd olaraq həbsdə saxlanılıram”

Redaktorun Tövsiyələri

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

Siyasət

Həyat yoldaşı: "Ələsgər Məmmədli iki gündür qida qəbul edə bilmir, boğulma halları davam edir"

14 Avqust 2026

sosia media

"Toplum TV"-nin həbsdə olan həmtəsisçisi, media eksperti Ələsgər Məmmədli səhhətində problemlər yaşamağa davam edir. Həyat yoldaşı Günay Məmmədlinin yaydığı məlumata görə, Ə.Məmmədli avqustun 13-də zəng edərək iki gündür qida qəbul edə bilmədiyini, baş ağrıları, yüksək ürək döyüntüləri, boğulma hallarının isə davam etdiyini deyib. Onun sözlərinə görə, həmin gün ürək müayinəsi üçün yanına həkim gəlib. "Həkim sabit halda edilən elektrokardioqrafiyanın (EKQ) ürəkdə olan hər hansısa ciddi problemi göstərməməsinin mümkünlüyünü bildirib. Həkim eyni zamanda yüksək döyüntü və təzyiqin qalxanabənzər vəzdəki 23-25 millimetrlik şişdən qaynaqlana biləcəyini də deyib. Ələsgər bəy həkim gələrsə şişlə bağlı ÜSM müayinəsi ediləcəyini də dedi", - G.Məmmədli qeyd edib. ...

Davamını oxu

Siyasət

Paşinyan: “Tezliklə Azərbaycana məhsul ixrac etməyə başlayacağıq"

13 Avqust 2026

sosial media

Ermənistan baş naziri Nikol Paşinyan ölkəsinin tezliklə Azərbaycana məhsul ixrac etməyə başlayacağını bildirib. O, bunu avqustun 13-də jurnalistlər üçün brifinqdə deyib. Baş nazir ixracın nə vaxt başlayacağına və hansı məhsulların ixrac ediləcəyinə aydınlıq gətirməyib. Azərbaycan və Ermənistan arasında ticarət əlaqəsi ötən ilin dekabrından başlayıb. Lakin bu ticarət, əsasən, birtərəfli olub. Belə ki, indiyədək Azərbaycan Ermənistana neft məhsulları ixrac edib. Ermənistan da bu ilin martında Azərbaycana 960 ABŞ dolları dəyərində qızılgül ixrac edib. Lakin həmin məhsulun mənşə ölkəsi Hollandiya olub. Bu ilin yanvarında Paşinyan demişdi ki, Azərbaycan və Ermənistan bir-biri ilə ixrac potensialı olan məhsulların siyahısını bölüşüb.

Davamını oxu