Sosial

Bakıda etiraz aksiyası keçirən tələbələr saxlanıldı YENİLƏNİB

3 May, 2021

2887

19:29

Əhməd Məmmədlinin "Toplum TV"-yə verdiyi məlumata görə, o, metronun “Xalqlar Dostluğu” stansiyası yaxınlığındakı boş ərazidə sərbəst buraxılıb.
Fəal fiziki və psixoloji təzyiqə məruz qaldığını bildirir.

***

18:30

Saxlanılan fəallardan Tükəzban Qasımovanın verdiyi məlumata görə, o, Rüstəm İsmayılbəyli, Rəvan Axundov və Fərid Cabbar İçərişəhərdəki 9 saylı polis bölməsindən sərbəst buraxılıblar. Əhməd Məmmədli isə Bakı şəhər Baş Polis İdarəsinə gətirilib.

***

18:10

DİN-in ictimaiyyətlə əlaqələr şöbəsinin rəhbəri Elşad Hacıyevin "Toplum TV"-yə verdiyi məlumata görə, tələbələr saxlanılmayıb, sadəcə ərazidən uzaqlaşdırılıblar.

Tələbələr isə telefonlara cavab vermirlər.

***

16:08

Bu gün Tələbə Güc Mərkəzinin təşkilatçılığı ilə bir qrup tələbə saat 16:00-da İqtisad Universitetinin qarşısında etiraz aksiyası keçirib.

"Toplum.TV"-nin məlumatına görə, aksiya zamanı polis etirazçı tələbələrdən bəzilərini saxlayıb.

Saxlananlar arasında Əhməd Məmmədli, Rəvan Axundov, Fərid Cabbar, Tükəzban Qasımova və Rüstəm İsmayılbəylinin olduğu bildirilir. Onların hansı polis bölmələrinə aparıldığı barədə məlumat verilməyib.

İqtisad Universitetin rəhbərliyinə etiraz edən tələbələrin əsas tələbi semestr imtahanlarının keçirilməsi qaydalarında düzəliş edilməsi, tələbələrin tam şəkildə test sualları və cavabları ilə təmin edilməsi, etiraz etdikləri üçün töhmət alan tələbələrin töhmətlərinin silinməsi, təhdid edilən tələbələrdən üzr istənilməsi və tələbələrin imtahan nəticələrinin ədalətli qiymətləndirilməsi üçün apellyasiya komissiyalarının şəffaf fəaliyyət göstərməsidir.

Etirazçıların əsas şüarı isə "Tələbəyə Ədalət!"dir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Nyu-Yorkda azərbaycanlı tələbə saxlanılıb, mer Trampla danışdıqdan sonra sərbəst buraxılıb

Məleykə Abbaszadə: Universitetlərə dövlət sifarişli yerlərin sayı artıb

Tələbələrdən COVİD-19 pasportu tələbi

Etirazçı tələbələr sosial media hesablarına müxadilə edildiyini deyir

Təhsil eksperti: "Bu sadəcə bəhanədir, tələbələri incitmək üçün"

Etirazçı tələbənin atasının polis bölməsinə aparıldığı deyilir

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Sosial

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

15 Sentyabr 2026

aayda.gov.az

Azərbaycanda dövlət qurumlarının bir-biri ilə koordinasiyasız fəaliyyət göstərdiyi barədə vətəndaşlar tərəfindən vaxtaşırı şikayətlər səsləndirilir. İqtisadçı, Bakı sakini Rəşad Əliyev də sentyabrın 4-də belə bir müşahidəsini sosial media hesabında bölüşüb. “Deməli, təxminən 2 həftə əvvəl Azərbaycan Yerüstü Nəqliyyat Agentliyi (AYNA) gəlib uzun bir küçədə ödənişli parklanma tətbiq etmək üçün yolun hər iki tərəfinə xüsusi boya ilə parklanma yerləri çəkmişdi. Bunun üçün nə qədər işçi əməyi, xüsusi boya və digər materiallar, vaxt və resurs sərf olunmuşdu. Üstəlik, küçədə yaşayan və yoldan istifadə edən insanlar üçün nə qədər narahatlıq yaradılıb. İndi isə gözünə döndüyüm Azərbaycan Avtomobil Yolları Dövlət Agentliyi (AAYDA) gəlib həmin küçədə...

Davamını oxu

Sosial

Xankəndidə yaşayan iş adamı: "Evimi boşaltdılar, dedilər bir də bura ayaq basma"

9 Sentyabr 2026

Meydan TV

Qarabağda təmir-bərpa işləri görmüş və pulunu ala bilmədiyini deyən şirkət rəhbəri həbslə hədələndiyini iddia edir. "Nihat 2024" MMC-nin rəhbəri Nəsimi Hətəmov ödənişlə bağlı problemini əvvəlcə sosial mediada, daha sonra "Meydan TV" vasitəsilə ictimailəşdirib. Onun sözlərinə görə, şirkət Xocalının Daşbulaq kəndində təmir işləri görüb, lakin aidiyyəti qurumlardan ödənişini ala bilməyib. "28 nəfər işçinin məndən almalı olduğu pul var. Vergi orqanlarına 17-18 min manat borcum var. Borc yiyələri maşınımı da əlimdən alıblar. Evimdə gecələyə bilmirəm", - o, "Meydan TV"yə müsahibəsində deyib. N.Hətəmov sentyabrın 9-da yayımlanan müsahibədə isə bildirib ki, Xankəndidə yaşadığı ev polis tərəfindən boşaldılıb. "Həyat yoldaşımın başının üstündə 2-3 polis dayanıb,...

Davamını oxu