Dünya

Belarusun xarici borclar səbəbindən defolt olduğu elan edildi

15 İyul, 2022

2067

Reuters

"Moody's" beynəlxalq reytinq agentliyinin məlumatına görə, Belarus xarici borc öhdəliklərini yerinə yetirə bilməyib.

Agentliyin rəsmi saytında bildirilir, iyulun 13-də güzəşt müddəti başa çatıb və bu müddət ərzində ölkə "Belarus-27" avroistiqrazları (qeyri-avropa şirkətləri tərəﬁndən Avropada buraxılan istiqrazlar nəzərdə tutulur-red) üzrə 22,9 milyon dollar ödəməli olub. Belarus Maliyyə Nazirliyi bu ödənişi milli valyutayla həyata keçirib, buna görə də istiqraz sahibləri ödənişləri ala bilməyiblər.

İyunun sonunda Belarus hökuməti ölkənin avroistiqrazlar üzrə borc öhdəliklərini Belarus bankının hesabına milli valyuta ilə ödəyəcəyini bəyan etmişdi.

İyunun 22-də Rusiya Prezidenti Vladimir Putin də Rusiyanın xarici borcu üzrə rublla ödənişlərin yeni müvəqqəti qaydasını müəyyən edən fərman imzalayıb. İyunun 27-də "Moody's" Rusiyanın da avroistiqrazlar üzrə defoltu barədə məlumat verib. Bundan əvvəl Rusiyanın defolt olduğunu "Bloomberg" və "The Wall Street Journal" da xəbər vermişdi. Onların fikrincə, Rusiya 1918-ci ildən bəri ilk dəfə öz öhdəliklərini yerinə yetirməyib.

Rusiya Federasiyasının Maliyyə Nazirliyi buna cavab olaraq borc üzrə bütün öhdəliklərin tam şəkildə yerinə yetirildiyini bildirib. Departament ödənişlərin çatmamasınına görə beynəlxalq hesablaşma-klirinq sistemlərinin rəhbərlərini günahlandırıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Lukaşenko “ekstremist” maddələri ilə məhkum olunan 32 nəfəri əfv edib

Belarusda LGBTQ+ və könüllü uşaqsızlığın “təbliğinə” qadağa qoyan qanun layihəsi qəbul edildi

Belarus və Şimali Koreya "dostluq və əməkdaşlıq sazişi" imzalayıb

Beynəlxalq Cinayət Məhkəməsi Belarus hakimiyyətinə qarşı istintaqa başlayıb

Lukaşenko: Bizə müharibə lazım deyil

Xalqın fəxri - Nobel sülh mükafatına layiq görülən Ales Belyatski haqqında

Redaktorun Tövsiyələri

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

Dünya

Tramp ABŞ-də doğulanlara vətəndaşlıq verməyi məhdudlaşdıran fərman imzalayıb

7 Avqust 2026

The White House

ABŞ prezidenti Donald Tramp ölkədə doğulan uşaqlara avtomatik vətəndaşlıq verilməsi qaydalarını məhdudlaşdıran iki fərman imzalayıb. Bu barədə Ağ Evin yaydığı məlumatda bildirilir. Fərmanlardan biri ABŞ-də doğulan, lakin vətəndaşlıq ala bilməyəcək xarici vətəndaşların uşaqlarının kateqoriyalarını müəyyən edir. Sənədə əsasən, doğumla ABŞ vətəndaşlığı ala bilməyəcək uşaqlar sırasına xarici diplomatların, səfirlik əməkdaşlarının, xarici hökumətlərin və beynəlxalq təşkilatların nümayəndələrinin uşaqları daxildir. Həmçinin valideynlərindən biri doğumla vətəndaşlıq əldə etmək məqsədilə saxta və ya kommersiya xarakterli razılaşmada iştirak edən uşaqlar, eləcə də ABŞ-də doğuş üçün surroqat ana ilə kommersiya müqaviləsi bağlayan valideynlərin uşaqları da bu kateqoriyaya aid edilir. Fərmanda ABŞ ərazisinin və ya ərazi sularının federal...

Davamını oxu

Dünya

Hüquq müdafiəçiləri: “Təkcə iyul ayında İranda azı 71 nəfər edam edilib”

7 Avqust 2026

IHRNGO

İranda 2026-cı ilin ilk yeddi ayı ərzində azı 444 nəfər edam edilib. Onlardan 71-i təkcə iyul ayında edam olunub. Bu barədə avqustun 6-da İran İnsan Haqları Təşkilatı (IHRNGO) məlumat yayıb. Təşkilatın məlumatına görə, iyul ayında edam olunanlardan 36 nəfər qətl, 26 nəfər narkotiklə bağlı cinayətlər, 8 nəfər milli təhlükəsizlik ittihamları, 1 nəfər isə zorlama ittihamı ilə ölüm cəzasına məhkum edilib. Edam olunanlar arasında 6 etirazçı da olub. Hüquq müdafiəçilərinin hesabatına əsasən, ilin əvvəlindən indiyədək edam edilənlər arasında 12 qadın, 17 xarici ölkə vətəndaşı və 80 etnik azlığın nümayəndəsi var. Həmçinin edam olunanlar arasında 28 etirazçı (26 nəfəri yanvar etirazları, 2...

Davamını oxu