Dünya

Kreml: “Tramp ifadələrində kifayət qədər sərt üsluba malikdir"

9 İyul, 2025

Foto: Reuters

Kremlin sözçüsü Dmitri Peskov ABŞ Prezidenti Donald Trampın Rusiya Prezidenti Vladimir Putin haqqındakı son tənqidlərinə münasibət bildirib.

Peskov iyulun 9-da rusiyalı jurnalistlərə tənqidləri sakit qəbul etdiklərini deyib.

"Tramp, ümumiyyətlə, ifadələrində kifayət qədər sərt üsluba malikdir" “, – o qeyd edib.

“Biz onun dilindən eşidirik ki, Ukrayna münaqişəsinin nizamlanması onun əvvəldən düşündüyündən xeyli daha çətin olub. Bu, bizim əvvəldən dediyimiz məsələdir – bu problemi bir gecədə həll etmək mümkün deyil”, - Peskov əlavə edib.

Onun sözlərinə görə, Moskva Vaşinqtonun Ukrayna münaqişəsini tez bir zamanda həll etmək istədiyini görür.

“Burada fikir ayrılığı yoxdur, problemi siyasi və diplomatik vasitələrlə həll etmək arzusu var və bunu çox tez etmək istəyirlər. Lakin problemin mürəkkəbliyi buna imkan vermir. Buna görə də, siz bilirsiniz, artıq müəyyən işlər görülüb – danışıqların iki çox çətin raundu keçirilib. Biz gözləyirik ki, üçüncü raund da baş tutacaq və dialoq davam edəcək. Biz hələ də qarşılıqlı şəkildə mübadilə etdiyimiz memorandumların müzakirəsinə başlamağa ehtiyac duyuruq. Bu da çətin bir proses olacaq və bir gecədə və ya bir gündə baş verməyəcək”, – deyə Kremlin nümayəndəsi qeyd edib.

Peskov ABŞ-nin Ukraynaya silah tədarükünü davam etdirmək qərarına da münasibət bildirib: “Buna baxmayaraq, hələ də ümid edirik ki, Tramp və komandası Ukrayna nizamlanması prosesini siyasi və diplomatik müstəviyə gətirmək səylərini davam etdirəcək”.
İyulun 8-də kabinet iclası keçirən Tramp Rusiya ilə Ukrayna arasında davam edən müharibəyə də toxunub, Putini sərt sözlərlə tənqid edib.

“Putin tərəfindən bizə çoxlu cəfəngiyyat atılır, əgər həqiqəti bilmək istəyirsinizsə. O, daim çox mehriban görünür, amma bu, nəticə etibarilə mənasız olur”, - o deyib.

Tramp Konqresdə təqdim olunan, Rusiyaya qarşı əlavə sanksiyaları nəzərdə tutan qanun layihəsini də nəzərdən keçirdiyini bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Türkiyə İlon Maskın “Grok” platformasını qadağan edib

İran səfiri: “Xankəndi Kommünikesi” İranın mövqeyini əks etdirmir

Fikrət Cəfərli: “Məqsəd hüquq müdafiəçisi olaraq məni susdurmaqdır”

Öcalan videomüraciətlə PKK-nın buraxıldığını elan edib

“QHT işi” üzrə həbs olunanların qətimkan müddəti uzadılıb

Beynəlxalq Cinayət Məhkəməsi Taliban liderləri haqda həbs qərarı çıxarıb

Redaktorun Tövsiyələri

Azərbaycan və Rusiya: ayrılsaq da, bərabərik...

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

63 milyondan çox vəsaitin ayrıldığı penitensiar müəssisələrdə ağır sanitar-gigiyena problemləri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Dünya

Türkiyə İlon Maskın “Grok” platformasını qadağan edib

9 İyul 2025

Foto/kollaj: Toplum TV

Türkiyə məhkəməsi milyarder İlon Maskın “xAI” şirkəti tərəfindən inkişaf etdirilən “Grok” “çatbot”unu qadağan edib. Buna səbəb “X” sosial şəbəkəsində istifadə olunan, süni intellektlə idarə olunan “çatbot”un Prezident Rəcəb Tayyib Ərdoğan və ölkənin qurucusu Mustafa Kamal Atatürk də daxil olmaqla bir sıra fiqurlar haqqında təhqiramiz ifadələr paylaşması olub. Nəticədə Türkiyə hökuməti “ictimai asayişə təhdid” ittihamı ilə ölkənin internet qanunvericiliyinə əsasən “Grok”a qarşı məhdudiyyətlərin tətbiqi üçün məhkəməyə müraciət edib. Cinayət məhkəməsi iyulun 9-da bu tələbi qəbul edərək, ölkənin telekommunikasiya orqanına qadağanın icrasını tapşırıb. Bu hadisə “Grok”un son sistem yenilənməsi ilə bağlı yaranan daha böyük bir mübahisənin bir hissəsidir. Müşahidəçilər deyir ki, yenilənmədən...

Davamını oxu

Dünya

Öcalan videomüraciətlə PKK-nın buraxıldığını elan edib

9 İyul 2025

Foto: sosial media

“Kürdüstan Fəhlə Partiyası”nın (PKK) Türkiyədə həbsdə olan lideri Abdullah Öcalan videomüraciətlə çıxış edib. Bu, onun 1999-cu ildən bəri ilk videogörüntüsü olub. Öcalan iyulun 11-də tərk-silah prosesinə başlanılması gözlənən PKK hərəkatının “varlığın inkarına əsaslanan və ayrıca bir dövlət qurmağı məqsəd qoyan fəaliyyətinin sona çatdırıldığını” bildirib. Videomüraciət PKK-ya yaxınlığı ilə tanınan Fırat xəbər agentliyində yayımlanıb. PKK lideri, həmçinin, fevralın 27-də etdiyi, “sülh və demokratik cəmiyyətə çağıran müraciətinə sadiq qaldığını” əlavə edib. O, prosesdə gəlinən nöqtənin “olduqca dəyərli və tarixi əhəmiyyətli” olduğunu deyib. "Silahların buraxılması mexanizminin qurulması prosesi irəli aparacaq. Bu, silahlı mübarizə mərhələsindən demokratik siyasət və hüquq mərhələsinə könüllü keçiddir. Bu, bir...

Davamını oxu