Dünya

Lavrov: “Ermənistan Avrasiya İqtisadi İttifaqının hesabına inkişaf edib”

28 Avqust, 2026

sosial media

Rusiyanın xarici işlər naziri Sergey Lavrov Ermənistan hakimiyyətinin Avropa İttifaqına (Aİ) inteqrasiya siyasətini tənqid edib.

O, avqustun 28-də RBC-yə müsahibəsində bildirib ki, Ermənistanın eyni zamanda həm Avropa İttifaqına, həm də Avrasiya İqtisadi İttifaqına (Aİİ) inteqrasiyası mümkün deyil.

Lavrov xatırladıb ki, Ermənistan Aİ-yə üzvlük prosesinin başlanması ilə bağlı qanun qəbul edib. Onun sözlərinə görə, Aİİ ölkələri mayda keçirilən sammitdə Ermənistan rəhbərliyini referendum keçirməyə və ölkənin Aİ-yə qoşulmaq, yoxsa Aİİ-də qalmaq istədiyinə aydınlıq gətirməyə çağırıb.

Rusiya XİN rəhbəri Ermənistanın baş naziri Nikol Paşinyanın Aİ-yə üzvlüklə bağlı müraciət təqdim edildikdən, buna cavab alındıqdan və üzvlük üzrə “yol xəritəsi” hazırlandıqdan sonra referendumun keçirilə biləcəyi barədə açıqlamasını da tənqid edib.
Lavrovun fikrincə, bu yanaşma Ermənistan hakimiyyətinin seçicilərə etimadının yüksək olmadığını göstərir.

O bildirib ki, vətəndaşlara Aİ ilə Aİİ arasında seçim etmələri üçün mövcud iqtisadi vəziyyət də açıq şəkildə göstərilməlidir.

“Son üç ildə ticarət dövriyyəsi 6 milyard dolları ötüb, bir ildə isə 12 milyard dollara çatıb. Ümumilikdə Ermənistan Avrasiya İqtisadi İttifaqının hesabına inkişaf edib”, - Lavrov deyib.

Rusiya XİN rəhbəri həmçinin Ermənistanın Rusiyadan enerji resurslarını Avropa İttifaqındakı qiymətlərdən 3-4 dəfə ucuz aldığını iddia edib.

Lavrov müsahibədə Ermənistanın keçmiş prezidenti Robert Koçaryanın və oğlunun həbsinə də münasibət bildirib. O qeyd edib ki, digər keçmiş prezident Serj Sarkisyan da istintaq altındadır.
Nazirin sözlərinə görə, Moskva Ermənistanla münasibətlərdə “erməni xalqının maraqlarını” əsas götürür. Bununla yanaşı, Lavrov hazırkı Ermənistan rəhbərliyinin fərqli məqsədlər rəhbər tutduğunu və Avropa İttifaqına istiqamət götürdüyünü deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Bəyanat: “Sosial media hesablarına qarşı koordinasiyalı hücumlar müstəqil jurnalistikanı susdurmaq cəhdidir”

Rüfət Səfərov: “Milli sərvətlər hakim sinfin arasında bölüşdürülməli deyil”

Tramp Ontario gölünə “Amerika gölü” adının verilməsini tapşırıb

Ülviyyə Əli: “Mənə psixoloji və mənəvi işgəncə yaşatmaq niyyəti güdürlər”

Məhbuslar niyə hüquqlarını bilmirlər?

Koçaryan barəsində 2 ay müddətinə həbs qətimkan tədbiri seçilib

Redaktorun Tövsiyələri

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Dünya

Tramp Ontario gölünə “Amerika gölü” adının verilməsini tapşırıb

28 Avqust 2026

whitehouse

ABŞ prezidenti Donald Tramp Kanada ilə davam edən ticarət gərginliyi fonunda ABŞ-Kanada sərhədində yerləşən Ontario gölünün “Amerika gölü” adlandırılmasını nəzərdə tutan fərman imzalayıb. Fərmana əsasən, ABŞ-nin federal qurumları bundan sonra gölə istinad edərkən yeni addan istifadə etməlidir. ABŞ Geoloji Xidmətinin rəhbərliyi “Amerika gölü” adının ölkə daxilində rəsmi xəritələrdə də işlədiləcəyini bildirib. ABŞ-nin daxili işlər naziri Daq Berqam qərarı şərh edərkən ölkə ərazisində yerləşən və ya onunla həmsərhəd olan coğrafi obyektlərin adlarının “Amerikanın əzəmətini əks etdirməli olduğunu” deyib. Kanada hakimiyyəti isə Trampın qərarını qəbul etməyib və gölü bundan sonra da “Ontario gölü” adlandıracağını açıqlayıb. Kanadanın Baş naziri Mark Karni bildirib ki,...

Davamını oxu

Dünya

Koçaryan barəsində 2 ay müddətinə həbs qətimkan tədbiri seçilib

27 Avqust 2026

sosial media

Ermənistanın Korrupsiyaya Qarşı Mübarizə Məhkəməsi ölkənin keçmiş prezidenti Robert Koçaryan barəsində iki aylıq həbs qətimkan tədbiri seçib. Bu barədə “Azadlıq Radiosu”nun Ermənistan xidməti məlumat yayıb. Koçaryan hazırda xəstəxanadadır. Onun barəsində həbs qətimkan tədbirinin seçilməsi ilə bağlı istintaqın vəsatətinə avqustun 26-da axşam saatlarında baxılmağa başlanılıb. Keçmiş prezident əvvəlcə məhkəməyə gətirilsə də, daha sonra yenidən xəstəxanaya qaytarılıb və iclas onun iştirakı olmadan davam etdirilib. Koçaryan avqustun 25-də evində aparılan axtarışdan sonra saxlanılaraq Korrupsiyaya Qarşı Mübarizə Komitəsinə aparılıb. Səhhəti pisləşdiyindən daha sonra xəstəxanaya yerləşdirilib. Oğlu Levon Koçaryanın sözlərinə görə, keçmiş prezidentin ürəyində problemlər var və o, iki həftə əvvəl əməliyyat keçirib. Robert Koçaryana...

Davamını oxu