Dünya

Putin: "Rusiya Avropa ilə müharibəyə hazırdır"

3 Dekabr, 2025

179

Foto: açıq mənbədən götürülüb

Rusiya və ABŞ Ukraynada sülh danışıqları üzrə irəliləyişə nail olmayıb.

Bunu Rusiya prezidenti Vladimir Putinin köməkçisi Yuri Uşakov rusiyalı jurnalistlərə bildirib.

Dekabrın 2-də Putinlə ABŞ prezidenti Donald Trampın xüsusi elçiləri Stiv Vitkof və Cared Kuşner arasında görüş 5 saatdan çox çəkib.

“Tərəflər Ukraynada böhranı həll etməyə nə daha yaxın, nə də daha uzaqdırlar. Görülməli çox iş var", - Uşakov deyib.

Buna baxmayaraq, Uşakov görüşü “son dərəcə faydalı, konstruktiv və informativ” adlandırıb.

“Biz konkret ABŞ təkliflərini müzakirə etmədik, lakin bu ABŞ sənədlərinə daxil edilənlərin mahiyyətini müzakirə etdik. Bəzi məsələlərlə razılaşa bilərdik və prezident, həmçinin, bir sıra təkliflərə qarşı tənqidi və hətta mənfi münasibətimizi gizlətmədi", - o əlavə edib.

ABŞ dövlət katibi Marko Rubio isə bildirib ki, Ukraynaya təhlükəsizlik zəmanətləri ilə bağlı “bəzi irəliləyişlər” əldə edilib.

“Bizim etməyə çalışdığımız – və düşünürəm ki, müəyyən irəliləyiş də əldə etmişik – ukraynalılara gələcəkdə nələrin təhlükəsizlik zəmanəti verəcəyini müəyyənləşdirməkdir", - o, dekabrın 2-də "Fox News"a deyib.

Rubio əlavə edib ki, ABŞ əldə olunacaq kompromisin Ukraynaya “sadəcə iqtisadiyyatını bərpa etməyə yox, həm də bir ölkə kimi inkişaf etməyə” imkan verəcəyinə ümid edir.

Putin Trampın nümayəndələri ilə görüşündən öncə rusiyalı jurnalistlərə açıqlamasında Avropa ölkələrini Ukraynada sülhü sabotaj etməkdə ittiham edib.

O bildirib ki, müharibənin dayandırılması ilə bağlı “Avropanın tələbləri Rusiya üçün qəbuledilməzdir”.

"Avropa ABŞ administrasiyasının Ukraynada sülhə nail olmasına mane olur. Rusiya Avropa ilə vuruşmaq niyyətində deyil, amma Avropa başlayarsa, biz buna dərhal hazırıq", - o deyib.

Putin Avropa ölkələrinin hansı tələblərini qəbuledilməz hesab etdiyinə aydınlıq gətirməyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Apellyasiya Məhkəməsi Rüfət Səfərov barədə hökmü qüvvədə saxlayıb

Paşinyan: "Ermənistan tezliklə Aİ üzvlüyünə müraciətə başlayacaq"

Heyvan bazarları onlayn satışa keçir: Nəticəsi nə olacaq?

Naxçıvanda çörək sexlərindən şikayət: "Çəkini azaldıb alıcını aldadırlar"

Tramp xaricdən gətirilən dronlara 100 faizə qədər rüsum tətbiq edib

Həyat yoldaşı: "Ələsgər Məmmədli iki gündür qida qəbul edə bilmir, boğulma halları davam edir"

Redaktorun Tövsiyələri

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

Dünya

Paşinyan: "Ermənistan tezliklə Aİ üzvlüyünə müraciətə başlayacaq"

24 Avqust 2026

sosial media

Ermənistanın baş naziri Nikol Paşinyan ölkənin Avropa İttifaqına (Aİ) üzvlüyü ilə bağlı ümumxalq referendumunun keçiriləcəyinə əmin olduğunu bildirib. Paşinyan bunu Milli Assambleyadakı çıxışı zamanı deyib. Onun sözlərinə görə, əsas məsələ referendumun nə vaxt keçirilməsidir. Baş nazir vurğulayıb ki, vaxt məsələsi yalnız təşkilati deyil, həm də mahiyyət baxımından əhəmiyyət daşıyır. “Ermənistan ilk növbədə Aİ-yə üzvlüklə bağlı rəsmi müraciət təqdim etməlidir. Ola bilsin ki, tezliklə Aİİ-dəki tərəfdaşlarımızın çağırışlarını nəzərə alaraq bu prosesə başlayaq”, - Paşinyan deyib. O qeyd edib ki, referendum Ermənistan Aİ-yə üzvlük üçün rəsmi müraciət etdikdən, bu müraciətə cavab aldıqdan və üzvlük prosesi ilə bağlı yol xəritəsi əldə etdikdən sonra...

Davamını oxu

Dünya

Tramp xaricdən gətirilən dronlara 100 faizə qədər rüsum tətbiq edib

14 Avqust 2026

sosial media

ABŞ prezident Donald Tramp pilotsuz uçuş aparatları (PUA) və onların komponentlərinin idxalına yeni gömrük rüsumları tətbiq ediləcəyini açıqlayıb. Administrasiya bu addımı ABŞ-nin dron təchizatında xarici istehsalçılardan həddindən artıq asılı olması ilə əsaslandırır. Ağ Evin yaydığı məlumata görə, Tramp bununla bağlı fərman imzalayıb. Fərmana əsasən, milli təhlükəsizlik baxımından həssas hesab olunan, müəyyən texniki göstəricilərə malik dronlara 100 faizlik advalor (gömrük dəyərinə mütənasib) rüsum, daha kiçik dronlara isə 25 faizlik gömrük rüsumu tətbiq ediləcək. Bundan əlavə, Avropa İttifaqı, Yaponiya, Lixtenşteyn, Cənubi Koreya, İsveçrə və Tayvandan idxal olunan dronlar və onların komponentləri üçün 15 faiz, Böyük Britaniyadan gətirilən pilotsuz uçuş aparatları üçün isə...

Davamını oxu