Dünya

Zelenski: “Şimali Koreya Rusiyaya təxminən 10 min hərbçi göndərməyə hazırlaşır”

29 Sentyabr, 2026

forbes.ua

Ukrayna prezidenti Volodimir Zelenski Şimali Koreyanın Rusiyaya təxminən 10 min hərbçi göndərməyə hazırlaşdığını deyib.

Zelenski bunu sentyabrın 28-də axşam müraciətində Müdafiə Nazirliyinin Baş Kəşfiyyat İdarəsinin hesabatına istinadən bildirib.
Onun sözlərinə görə, hərbçilərin seçilməsi, hazırlığı və sonradan Rusiyaya göndərilməsi prosesi davam edir.

Zelenski hazırda Rusiyada 8 mindən çox Şimali Koreya hərbçisinin olduğunu da deyib.
Ukrayna prezidenti Rusiyanın Şimali Koreyanın yardımının əvəzini texnologiya ilə ödədiyini bildirib. Onun sözlərinə görə, bunun qarşılığında Şimali Koreyada “Şahed” tipli pilotsuz uçuş aparatlarının istehsalı qurulub.
“Şər məhz belə yayılır”, - Zelenski qeyd edib.

Şimali Koreyanın Rusiyaya hərbçi göndərməsi barədə məlumat ilk dəfə 2024-cü ilin oktyabrında yayılıb. Kreml bunu 2025-ci ilin aprelində təsdiqləyib.
Cənubi Koreya kəşfiyyatına istinad edən “Yonhap” agentliyi Rusiya-Ukrayna sərhədindəki döyüşlərdə təxminən 6 min Şimali Koreya hərbçisinin öldüyünü və ya yaralandığını bildirib. BBC isə cəbhədə həlak olan 2304 Şimali Koreya hərbçisinin şəxsiyyətini müəyyən etdiyini yazıb.
BMT Təhlükəsizlik Şurasının Şimali Koreyaya qarşı sanksiyalarının icrasını izləyən Çoxtərəfli Monitorinq Qrupunun (MSMT) məlumatına görə, 25 minədək Şimali Koreya vətəndaşı Rusiyada pilotsuz uçuş aparatı istehsal edən müəssisələrdə işləyə bilər.

Qurum onların BMT-nin Şimali Koreya vətəndaşlarının xaricdə işləməsinə qoyduğu məhdudiyyətlərdən yan keçmək üçün tələbə vizaları ilə rəsmiləşdirildiyini bildirir.
İşçilərin əsas hissəsinin Vladivostok, Xabarovsk və Saxalində, bir qisminin isə Moskva, Sankt-Peterburq və İrkutskda olduğu deyilir. MSMT-yə görə, minədək Şimali Koreya vətəndaşı müdafiə sənayesi müəssisələri, poladəritmə və gəmiqayırma zavodları kimi strateji əhəmiyyətli obyektlərdə çalışır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Putin Azərbaycana 1 milyon rubldan artıq nağd pul aparılmasını qadağan edib

Qubad İbadoğlu Almaniyaya gedib

Rusiyada yaşayan daha bir fəal Azərbaycanda həbs olunub

Şəmşad Ağa: “Belə axtarışları yalnız 1937-ci ildə NKVD gecəyarı edib”

Meloni İtaliyada yanacaq qiymətinin sabit qalmasına görə Əliyevə təşəkkür edib

Samirə Qasımlının işində “üzəduran” ifadəsi ekspertizaya göndərilib

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

Putin Azərbaycana 1 milyon rubldan artıq nağd pul aparılmasını qadağan edib

29 Sentyabr 2026

moskvichmag.ru

Rusiya prezidenti Vladimir Putin fiziki şəxslərin, hüquqi şəxslərin və fərdi sahibkarların ölkəsindən Azərbaycan, Tacikistan, Özbəkistan və Avrasiya İqtisadi İttifaqı (Aİİ) ölkələrinə 1 milyon rubldan artıq nağd rubl çıxarmasını qadağan edib. Bu, sentyabrın 29-da imzalanan prezident fərmanında qeyd olunub. Fərmana əsasən, hökumətin müəyyənləşdirəcəyi hava limanlarından bank çıxarışı və ya Nazirlər Kabinetinin təsdiqlədiyi siyahıda nəzərdə tutulan digər sənədlər əsasında 1 milyon rubldan artıq nağd rubl çıxarmaq mümkün olacaq. Aİİ-yə Rusiya ilə yanaşı Ermənistan, Belarus, Qazaxıstan və Qırğızıstan daxildir. Qadağanın pozulacağı halda vəsait müsadirə ediləcək. Fiziki şəxslərdən 1 milyon rubldan artıq məbləğ, hüquqi şəxslər və fərdi sahibkarlardan isə bütün vəsait alınacaq. Yeni qərarla...

Davamını oxu

Dünya

Peter Madyarın toxunulmazlığı ləğv olunub

28 Sentyabr 2026

şəxsi arxivi

Macarıstan parlamenti baş nazir Peter Madyarın deputat toxunulmazlığının ləğvi barədə prokurorluğun vəsatətini təmin edib. “Index” və “Telex” nəşrlərinin məlumatına görə, parlament keçmiş baş nazir Viktor Orbanın hökumətində nazir olmuş iki deputatın da toxunulmazlığını ləğv edib. Madyarla bağlı istintaq 2024-cü il iyunun 21-də gecə klubunda baş vermiş hadisə ilə əlaqədardır. İstintaq onun özünü videoya çəkən kişinin telefonunu əlindən alaraq Dunay çayına atdığını iddia edir. Macarıstan prokurorluğu 2024-cü ilin sentyabrında həmin vaxt Avropa Parlamentinin deputatı olan Madyarın toxunulmazlığının ləğvi üçün müraciət etsə də, rədd cavabı alıb. 2026-cı ilin mayında onun rəhbərlik etdiyi “Tisa” partiyasının parlament seçkilərində qələbəsindən və Madyarın deputat mandatı qazanmasından...

Davamını oxu