Siyasət

Meloni İtaliyada yanacaq qiymətinin sabit qalmasına görə Əliyevə təşəkkür edib

29 Sentyabr, 2026

president.az

İtaliyanın baş naziri Corcia Meloni Azərbaycan prezidenti İlham Əliyev və Azərbaycan Dövlət Neft Şirkətinin (SOCAR) prezidenti Rövşən Nəcəfə təşəkkür edib.

O, bu barədə sentyabrın 27-də sosial media hesabında paylaşım edib. Meloni səbəb kimi ölkəsində yanacaq qiymətlərinin sabit qalması üçün SOCAR tərəfindən idarə olunan şirkətin atdığı addımı göstərib.

"'Eni'dən sonra IP də bütün ölkə ərazisində yanacağın qiymətlərinə yuxarı hədd qoymaq qərarına gəlib. Bu, İtaliya ailələrinə göstərilən diqqətin mühüm göstəricisidir və yanacağın bahalaşmasının qarşısının alınmasına real töhfə verməyin mümkün olduğunu təsdiqləyir", - o qeyd edib.

Meloni bu addımın iki ölkə arasında əməkdaşlığı daha da möhkəmləndirdiyini əlavə edib.

"Italiana Petroli" (IP) şirkətinin 3 milyard avro dəyərində olan səhmləri bu ilin fevralında SOCAR tərəfindən alınıb.

IP İtaliyada neft emalı və satışı sahəsində ən böyük şirkətlərdən biridir. Şirkət ölkə üzrə minlərlə yanacaqdoldurma məntəqəsinə və illik təxminən 10 milyon ton gücə malik iki neftayırma zavoduna sahibdir.

Razılaşma çərçivəsində SOCAR IP brendi altında fəaliyyət göstərən 4600-dən çox yanacaqdoldurma məntəqəsi üzərində nəzarət, eləcə də neft emalı imkanları qazanıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Putin Azərbaycana 1 milyon rubldan artıq nağd pul aparılmasını qadağan edib

Qubad İbadoğlu Almaniyaya gedib

Zelenski: “Şimali Koreya Rusiyaya təxminən 10 min hərbçi göndərməyə hazırlaşır”

Rusiyada yaşayan daha bir fəal Azərbaycanda həbs olunub

Şəmşad Ağa: “Belə axtarışları yalnız 1937-ci ildə NKVD gecəyarı edib”

Samirə Qasımlının işində “üzəduran” ifadəsi ekspertizaya göndərilib

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

Qubad İbadoğlu Almaniyaya gedib

29 Sentyabr 2026

sosial media

İqtisadçı alim Qubad İbadoğlu sentyabrın 29-da Azərbaycanı tərk edərək Almaniyaya gedib. Qubad İbadoğlunun vəkili Zibeydə Sadıqovanın sözlərinə görə, istintaq orqanı onun barəsində seçilmiş “polisin nəzarəti altına vermə” qətimkan tədbirinin ləğv olunması barədə qərar qəbul edib. Vəkil “Qafqazinfo”ya açıqlamasında bildirib ki, qərar Q.İbadoğlunun səhhətində yaranan ciddi problemlərlə əlaqədar qəbul edilib. “Qubad İbadoğlu istintaqdan yayınmayacağına dair iltizama imza atıb. Təcili əməliyyat olunması üçün Almaniyaya gedib. Cinayət işi üzrə istintaqın gedişi ilə bağlı hələ yekun qərar yoxdur. Ümid edirik ki, yaxın vaxtlarda işə xitam veriləcək”, - vəkil deyib. Qubad İbadoğlu “Azadlıq” qəzetinə açıqlamasında zərurət yaranarsa, ürəyində açıq əməliyyat olunacağını bildirib. Qubad İbadoğlu 2023-cü...

Davamını oxu

Siyasət

Rusiyada yaşayan daha bir fəal Azərbaycanda həbs olunub

29 Sentyabr 2026

şəxsi arxivi

Rusiyada yaşayan talış hüquqları fəalı Hafiz İsmayılov Azərbaycanda həbs olunub. Bu barədə "Toplum TV"yə məlumat verən fəal Əli Ağayev bildirib ki, H.İsmayılov bu yaxınlarda atasının ölümünün il mərasimində iştirak etmək üçün Azərbaycana səfər edib və sentyabrın 6-da Dövlət Təhlükəsizliyi Xidməti (DTX) tərəfindən saxlanılıb. Onun sözlərinə görə, həbs barədə yalnız sentyabrın 27-də məlumat almaq mümkün olub. Fəal barəsində həbs qətimkan tədbiri seçildiyi və Cinayət Məcəlləsinin 283-cü (milli, irqi, sosial və ya dini nifrət və düşmənçiliyin salınması) maddəsi ilə ittiham irəli sürüldüyü bildirilir. Həbs barədə DTX-nin açıqlaması yoxdur. Ə.Ağayev fəalın həbsini onun sosial mediadakı tənqidi paylaşımları, xüsusilə son illərdə Azərbaycanda talış fəal və...

Davamını oxu