Dünya

Rusiyada Navalnının təşkilatları qadağan edildi

10 İyun, 2021

1879

AFP

Moskva şəhər məhkəməsi müxalif siyasətçi Aleksey Navalnı tərəfindən yaradılan Korrupsiya ilə Mübarizə Fondunu (KMF), “Vətəndaşların hüquqlarını müdafiə fondu”nu (bu təşkilatlar daha əvvəl Rusiyada “xarici agent” elan edilmişdilər), eləcə də Navalnının qərargahlarının ekstremist təşkilat olması barədə qərar çıxarıb və onların fəaliyyətini qadağan edib.

"Svoboda.org"un məlumatına görə, məhkəmə bu təşkilatların ləğv olunması barədə hökm çıxarıb. Məhkəmənin hökmündən şikayət verilə bilər, amma qərara əsasən, təşkilatlar dərhal fəaliyyətlərini dayandırmalıdırlar.

Bildirilir ki, qərar Moskva prokurorluğunun iddiası əsasında qəbul edilib. Məhkəmə iclası 12 saatdan çox davam edib. İclasın sonunda KMF-in bütün vəkilləri məhkəmənin qərəzli olduğunu bildirərək prosesi tərk ediblər.

Vəkil İvan Pavlovun sözlərinə görə, razılaşdırılmamış aksiya iştirakçılarının cərimələrinin KMF tərəfindən ödənilməsini məhkəmə “ekstremist fəaliyyətin maliyyələşdirilməsi” faktı kimi qəbul edib.

Məhkəmə prosesi qapalı keçirilib, çünki sənədlərin bir hissəsi “məxfi” qrifinə malikdir. Son iclasda müdafiə tərəfinin məxfiliyin götürülməsi barədə bütün vəsatətləri rədd olunub.

Hazırda həbs koloniyasında olan Navalnının "İnstaqram" hesabında onun adından məlumat yerləşdirilib. Həmin postda “Məqsədlərimizdən və ideyalarımızdan geri çəkilməyəcəyik. Bu bizim ölkəmizdir və başqası yoxumuzdur” deyilir.

Yeni qəbul olunmuş qanuna görə, Navalnı tərəfdarları – hətta KMF-də və digər təşkilatlarda işləməyənlər də – bunları dəstəklədikləri hesab olunarsa, hər hansı səviyyədə seçkilərdə iştirak edə bilməzlər.

ABŞ Dövlət Departmenti və Böyük Britaniyanın Xarici İşlər Nazirliyi Moskva məhkəməsinin qərarını qınayıblar.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Tofiq Yaqublu aclıq aksiyasına davam edir: "Məni də Navalnı kimi öldürəcəklər"

Beş Avropa ölkəsi Navalnının qurbağa zəhəri ilə öldürüldüyünü deyir

Navalnıya yeni ittiham irəli sürülüb

Aleksey Navalnıya yeni cinayət işi açılıdı

Aleksey Navalnının saytı bloklandı

Qriqori Yavlinski Navalnının siyasətini "zərərli və təhlükəli" adlandırıb

Redaktorun Tövsiyələri

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

Dünya

"Reuters": 'İran qumar şəbəkəsi vasitəsilə 4 milyard dolları sanksiyalardan yayındırıb'

4 Avqust 2026

Açıq mənbə

“Reuters” agentliyi İrandakı onlayn qumar şəbəkəsinin 4 milyard dollarlıq vəsaiti ölkədən çıxarmağa kömək etdiyini yazıb. Agentliyin araşdırmasında iddia olunur ki, buna Dubayda yerləşən “Shelbit” adlı kriptovalyuta birjası vasitəsilə nail olunub. “Reuters”-in təhlil etdiyi “blokçeyn” məlumatlarına əsasən, “Shelbit” 2 mindən çox internet saytını əhatə edən qumar şəbəkəsinin maliyyə əməliyyatlarını həyata keçirib. Birja həmçinin beynəlxalq sanksiyalar altında olan İran Mərkəzi Bankı, kriptovalyuta birjası “Nobitex” və İran İslam İnqilabı Keşikçiləri Korpusu (SEPAH) ilə əlaqələndirilən kriptovalyuta hesabları ilə əməliyyatlar aparıb. “Reuters” müəyyən edib ki, 2024-cü ilin may ayından etibarən bu hesablardan dünyanın ən böyük kriptovalyuta birjası olan “Binance” platformasına azı 676 milyon dollar köçürülüb....

Davamını oxu

Dünya

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

31 İyul 2026

White House

ABŞ prezidenti Donald Tramp administrasiyasının Ukraynaya “Patriot” hava hücumundan müdafiə sistemləri üçün raket istehsalına lisenziya verib-verməyəcəyinə hələ də əmin olmadığını bildirib. Tramp bu barədə “Financial Times” qəzetinin müxbirinə açıqlamasında deyib. Onun sözlərinə görə, ABŞ administrasiyası hazırda məsələni nəzərdən keçirir. ABŞ prezidenti “Patriot” sistemlərini “unikal silah” adlandırıb və onların istehsalı üçün lisenziyanın kimə verilməsi məsələsində “ehtiyatlı olmaq lazım olduğunu” vurğulayıb. O qeyd edib ki, ABŞ adətən belə lisenziyalar vermir. Trampın açıqlaması onun Ukrayna prezidenti Volodimir Zelenski ilə Ağ Evdə görüşündən iki gün sonra baş verib. V.Zelenski görüşü “yaxşı” adlandırıb. Onun sözlərinə görə, görüş zamanı digər məsələlərlə yanaşı, Rusiyanın ballistik raketlərinə qarşı...

Davamını oxu