İqtisadiyyat

Azərbaycanda ilk dəfə pikap və elektromobil buraxılacaq

13 İyun, 2022

3239

AzərTac

Bu il Naxçıvan Avtomobil Zavodunda Çin markası pikap və elektromobillərin yığılması planlaşdırılır.

İyunun 13-də APA-ya açıqlama verən "Cahan Holdinq"in satış departamentinin rəhbəri Fərhad Hüseynov deyib ki, sentyabr ayından etibarən zavodda yığılması planlaşdırılan pikaplar "ZX Avto" markasına aiddir. Zavodda ildə 300-400 pikapın yığılması planlaşdırılır.

F.Hüseynovun sözlərinə görə, avtomobilin hissələri əsasən Çindən gətiriləcək, amma bəzi ehtiyat hissələrinin Azərbaycanda da hazırlanması üçün Çin şirkətinə müraciət edilib. Şirkət icazə versə, pikapların yığılması zamanı Sumqayıt zavodlarında istehsal edilən ehtiyat hissələrindən istifadənin mümkün olduğu bildirilib.

Elektromobil istehsalına gəldikdə isə, "Cahan Holdinq"in təmsilçisi deyib ki, nümunə üçün artıq 7-8 Çin markası Azərbaycana gətirilib. Amma hələlik Naxçıvan Avtomobil Zavodunda istehsal ediləcək marka təsdiqlənməyib. Qeyd olunub ki, elektromobil markası seçildikdən sonra ilkin olaraq 40-50 ədəd 7-8 nəfər sərnişin tutumlu miniven, sedan və xeçbek tipli elektromobilin yığılması planlaşdırılır.

Elektromobillərin servis məsələsi ilə bağlı artıq "Cahan Motors" Bakıda elektromobillərin servis mərkəzinin yaradılması ilə bağlı işlərə başlandığı qeyd olunub.

Naxçıvan Avtomobil Zavodunda bundan əvvəl Çin markası olan "Lifan" avtomobilləri yığılıb. Məlumata görə, hazırda zavodda yeni “FAW” modellərinin istehsalı aparılır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Naxçıvanın öz DTX-sı olmayacaq

Naxçıvanda iməcilik: Yayda məmurların əkin sahələrində alaq vururuq

Naxçıvanda məcburi iməcilik tələbi - Kimsə otbiçən yoxdur deməsin

Naxçıvana biletin qiyməti bahalaşıb

Azərbaycanda generalın bütün rütbələri əlindən alınaraq həbsə göndərildi

Naxçıvan istiqamətində atəşkəsin yenə pozulduğu bildirilir

Redaktorun Tövsiyələri

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

İqtisadiyyat

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

22 Avqust 2025

Foto: president.az

İyul ayında Xəzər dənizində neft hasilatı aparan “British Petroleum” (“BP”) şirkəti Azərbaycan neftində çirklənmə aşkarlandığını bildirmişdi. Şirkətdən “Bloomberg” agentliyinə verilən məlumatda göstərilirdi ki, Azərbaycandan Avropa ölkələrinə nəql olunan bəzi neft partiyalarında orqanik xlorid adlanan maddə aşkarlanıb. “Əgər bu maddə böyük miqdarda olarsa, neft emalı zavodlarına və avadanlıqlara zərər verə bilər”, - xəbərdə deyilirdi. Avqustun 4-də isə Rumıniya hökuməti Azərbaycandan gətirilmiş çirklənmiş xam neft səbəbilə fövqəladə vəziyyət elan edib. Ruminiya Energetika Nazirliyinin açıqlamasına görə, yerli “OMV Petrom” şirkəti 16–18 iyul tarixlərində Türkiyənin Ceyhan limanından yüklənmiş 92 min tonluq Azərbaycan nefti partiyasını qəbul edib. Yüklərin boşaldılması zamanı aparılan yoxlamalar xam neftin xloridlər...

Davamını oxu

İqtisadiyyat

DGK: Azərbaycan bu il 19 ölkəyə 14 mln. tondan çox neft ixrac edib

18 Avqust 2025

Foto: açıq mənbə

Bu ilin ilk 7 ayında Azərbaycan İtaliyaya 4,42 milyard dollar dəyərində 8,43 milyon ton neft ixrac edib. Bununla da İtaliya Azərbaycanın ümumi neft ixracında yenə də birinci yerdə qərarlaşıb. Dövlət Gömrük Komitəsinin hesabatına görə, Azərbaycanın ümumi neft ixracında ikinci yerdə Çexiya qərarlaşıb. Hesabat dövründə bu ölkəyə 547 milyon dollar dəyərində 1,02 milyon ton neft ixrac edilib. Azərbaycanın neft ixracı üzrə siyahıda üçüncü yeri Xorvatiya tutur. 2025-ci ilin yanvar-iyul aylarında bu ölkəyə 450 milyon dollar dəyərində 827 min ton neft ixrac edilib. Məlumata əsasən, qeyd olunan göstəricilər hesabat dövründə gömrük orqanlarında rəsmiləşdirilməsi başa çatdırılmış ixrac olunan neftin dəyərinə dair məlumatları əhatə edir. Siyahıdan...

Davamını oxu