Azərbaycan Mərkəzi Bankı 2025-ci il üçün pul-kredit siyasətinin istiqamətlərinə dair bəyanatını açıqlayıb. Bu sənəd hər ilin son günlərində yayılır və növbəti il üçün ölkənin mərkəzi bankının malroiqtisadi proseslərlə bağlı gözləntilərini əks etdirir. 
Bəyanatda diqqəti cəlb edən əsas məqam inflyasiya gözləntiləri ilə bağlıdır. Məlum olduğu kimi, qüvvədə olan qanunvericiliyə görə, Mərkəzi Bankın əsas mandatı iqtisadiyyatda qiymət sabitliyini təmin etməkdir. Açıqlanan sənəddə qeyd edilir ki, 2025-ci ildə qiymәtlərin sabitliyi ilә bağlı bir sıra xarici vә daxili risklәr aktuallığını saxlayır.
Əsas xarici faktorlar kimi dünya bazarında әmtәә qiymәtlәrinin dəyişkənliyi və beynəlxalq ticarətdəki əsas tәrәfdaş ölkәlәrdә inflyasiya proseslәri çıxış edəcək. Bəyanatda ən vacib məqam gələn il qiymətlərin artımına təsir edəcək daxili amillərlə bağlı qeydlərdir. Aydın olur ki, bu amillər sırasında qiymәtlәri dövlәt tәrәfindәn tәnzimlәnәn mәhsul vә xidmәt tariflәrinin dәyişilməsi də var. Halbuki Mərkəzi Bankın son illər yaydığı oxşar sənədlərin heç də hamısında bu qeydə rast gəlmək olmur. Bu onu göstərir ki, hökumətin 2025-ci ildə hansısa tənzimlənən məhsul və xidmətləri bahalaşdırmaqla bağlı planları var və Bank bunu nəzərə almağa məcburdur.
Şübhəsiz ki, geniş əhali kütləsini maraqlandıran əsasən kommunal tariflər (elektrik enerjisi, qaz və su), eləcə də yanacağın qiymətidir. 
Kommunal tariflərin hamısı sonuncu dəfə 2021-ci ildə artırılıb və gələn il həmin qərarların verilməsindən 4 il keçəcək. Yanacağın qiyməti isə 2024-cü ilin yayında bahalaşdırılıb. 
Bu məsələ ən maraqlı məqam budur ki, 2025-ci ilin yeni qəbu edilən dövlət büdcəsində aksiz vergisi üzrə dövlət büdcəsinə 288 milyon manat və ya 19 faizə yaxın əlavə daxilolma proqnozlaşdırılıb. Ən vacibi odur ki, bu artım bilavasitə ölkə daxilində istehsal olunan neft məshullarına aid aksiz vergisi hesabına təmin ediləcək. Əgər 2024-cü ildə bu məshsullar üzrə 698 milyon manat yığım nəzərdə tutulmuşdusa, gələn il üçün daxilolma proqnozu 277,7 milyon artırılaraq 975,7 milyon manata çatıdırlacaq. Aydındır ki, ölkədəki avtomobillərin sayında qısa müddətdə ciddi yüksəkiş olması mümkün deyil və  vergi yığımını istehlakın genişlənməsi hesabına çoxaltmaq tamamilə istisna olnur. Üstəgəl hibrid və elektriklə işləyən avtomobillərin istifadəsi sürətlə çoxalır və bu amil də neft məhsulları istehlakının artımına imkan vermir və qiymətlərin bahalaşa biləcəyini istisna etmir.
Mərkəzi Bankının şifrəli mesajının hansı məhsul və xidmətlərin bahalaşacağı ilə bağlı olacağını isə hər kəs yaşayaraq görəcək.

"Toplum TV"