Məhkəmə

Fikrət Cəfərli həbs olunub

29 İyul, 2025

Foto: VOA

İşgəncələr Əleyhinə Araşdırmalar Mərkəzinin sədri Fikrət Cəfərli həbs olunub.

İyulun 29-da Binəqədi Rayon Məhkəməsində keçirilən hazırlıq iclasında hakim Zamiq Bağırov hüquq müdafiəçisinin 4 aylıq azadlıqdan məhrum olunması barədə hökm çıxarıb.

Cəfərli Cinayət Məcəlləsinin 147.1-ci maddəsi ilə (böhtan, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə və ya kütləvi informasiya vasitəsində yayma) ittiham olunub.

Ona qarşı iddianı Vəkillər Kollegiyasının İntizam Komissiyasının üzvü, vəkil Elvin Əliyev qaldırıb.

İyulun 8-də keçirilən iclasda Cəfərli E.Əliyevin iddiası əsasında təqsirləndirilən şəxs kimi tanınmışdı.

Vəkilin iddiasına görə, Cəfərlinin rəhbərlik etdiyi İşgəncələr Əleyhinə Araşdırmalar Mərkəzinin “Facebook” səhifəsində onun keçmiş müvəkkilinə istinadən yalan məlumat yayılıb.

Məlumatda vəkilin hazırda həbsdə olan müvəkkilindən 10 500 manat ödəniş aldığı, buna baxmayaraq söz verdiyi hüquqi müdafiəni etmədiyi və müvəkkilini hədələdiyi yazılıb.

Cəfərli isə deyir ki, sözügedən məlumat onun şəxsi mövqeyi deyil. O, işin icraata götürülməsinin Vəkillər Kollegiyasını tənqid etməsinə cavab olaraq, siyasi sifariş əsasında edildiyini düşünür.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

9 beynəlxalq təşkilat “Abzas”çılara qarşı pis rəftarı pisləyib

UNICEF-in Azərbaycandakı nümayəndəliyinin fəaliyyəti dayandırıldı

Əliyevin qızları Bodrumda 500 milyon avroluq otel sərmayəsi qoyub

Prezident süni adalarda kazinolara icazə verən dəyişikliyi təsdiqlədi

İsrailin insan haqları təşkilatları ölkəni soyqırımında ittiham edirlər

“Abzas Media”nın qadın jurnalistləri aclığı dayandırıblar

Redaktorun Tövsiyələri

“Aİ Azərbaycanın geosiyasi əhəmiyyətini dəyərlərindən üstün tutur”

Azərbaycanda kommunizm ənənəsi: jurnalistlərə niyə fəxri ad və medal verilir?

Tək bir bankda milyardlıq əmanəti olan 20 nəfər kimdir?

Akif Qurbanov: “Zərdabinin davamçıları həqiqəti yazdığına görə həbsə atılan jurnalistlərdir”

Rayonlar üzrə müəllim sayı niyə “dövlət sirri” kimi gizli saxlanır?

Konstitusiya dəyişiklikləri Naxçıvanın suverenlik prinsiplərinə ziddir? - Təhlil

Məhkəmə

“Abzas Media”nın qadın jurnalistləri aclığı dayandırıblar

29 İyul 2025

Foto: Abzas Media

“Abzas Media”nın həbsdə olan qadın jurnalistləri keçirdikləri aclıq aksiyasını dayandırıblar. “Abzas Media”nın xəbərinə görə, jurnalistlər Sevinc Vaqifqızı, Nərgiz Absalamova və Elnarə Qasımova bu barədə iyulun 28-də məlumat veriblər. Onlar aclıq aksiyasını səhhəti pisləşən valideynlərinə görə dayandırmalı olduqlarını bildiriblər. “Hər birimizin valideyni ürək-damar problemlərindən əziyyət çəkir. Bizim aclıq dönəmimizdə onlar tez-tez xəstəxanaya müraciət etməli olublar. Onların səhhətini nəzərə alaraq aclığı dayandırırıq”, - deyə müraciətdə bildirilir. Jurnalistlər, həmçinin, hələ də aclıq edən “Abzas Media” direktoru Ülvi Həsənlidən ürək xəstəliyi olan anasını nəzərə alaraq aclığı dayandırmasını xahiş ediblər. Ülvi Həsənli iyulun 20-dən müddətsiz aclıq aksiyasına başladığını elan edib. O, bu qərarı Penitensiar Xidmətin...

Davamını oxu

Məhkəmə

Xaricdə yaşayan blogerə qiyabi hökm oxunub

28 İyul 2025

Foto: sosial media

Xaricdə yaşayan bloger İmaməddin Əlimanovun cinayət işi üzrə yekun məhkəmə prosesi keçirilib. APA xəbər verir ki, Bakı Ağır Cinayətlər Məhkəməsində hakim Hüseyn Hüseynlinin sədrliyi ilə keçirilən prosesdə Əlimanova qiyabi hökm oxunub. Hökmə əsasən, Əlimanov haqqında 7 il azadlıqdan məhrumetmə cəzası verilib. Azərbaycan hakimiyyətinin tənqidçisi olan İmaməddin Əlimanov Cinayət Məcəlləsinin 281.2-ci (dövlət əleyhinə yönələn açıq çağırışlar təkrar törədildikdə) maddəsi ilə ittiham olunub. Cinayət işində iddia olunur ki, o, müxtəlif vaxtlarda “Youtube”da “Xalq tv” adlı kanal açaraq həmin kanalda, o cümlədən “Osmanqızı tv” və “İnqilab tv” kanallarında çıxışlarında Azərbaycanda hakimiyyətin zorla ələ keçirilməsinə və konstitusiya quruluşunun zorla dəyişdirilməsinə yönələn açıq çağırışlar edib. Baş...

Davamını oxu