Ölkə

3 aydır xidmət edən DSX əsgərinin xəstəlikdən vəfat etdiyi deyilir

25 Avqust, 2026

şəxsi arxiv

Dövlət Sərhəd Xidmətinin (DSX) cənub sərhədində yerləşən hərbi hissələrindən birində xidmət edən, 2008-ci il təvəllüdlü Fəqan Samir oğlu Ağayevin vəfat etdiyi deyilir.

“Meydan TV”-nin əsgərin yaxınlarına istinadən verdiyi məlumata görə, Neftçala rayon sakini olan 18 yaşlı hərbçiyə “sürətlə yayılan meningit” diaqnozu qoyulub.

Səhhəti kəskin pisləşən F.Ağayevin üç gün koma vəziyyətində qaldıqdan sonra yerləşdirildiyi xəstəxanada vəfat etdiyi deyilir. Cəmi üç ay əvvəl həqiqi hərbi xidmətə çağırıldığı bildirilən əsgərin avqustun 24-də dəfn olunduğu bildirilir.

Dövlət Sərhəd Xidməti Fəqan Ağayevin ölümü və ölüm səbəbi ilə bağlı hələlik rəsmi məlumat yaymayıb.

Xəzər Hərbi Tədqiqatlar İnstitutunun avqustun 17-də yaydığı məlumata görə, 2026-cı ilin geridə qalan dövründə Azərbaycanda azı 38 hərbi qulluqçu qeyri-döyüş şəraitində ölüb.

Onlardan 12-si müxtəlif xəstəliklərdən, 7-si avtomobil qəzasından, 7-si bədbəxt hadisədən, 5-i intihardan, biri isə ehtiyatsızlıqdan vəfat edib. 6 nəfərin ölüm səbəbləri isə açıqlanmayıb.

Müqayisə üçün, Azərbaycanın müdafiə və təhlükəsizlik sektorunda qeyri-döyüş itkilərinin sayı 2024-cü ildə azı 51, 2025-ci ildə isə 43 nəfər təşkil etmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Əli Kərimli və Məmməd İbrahimə qarşı cinayət işi məhkəməyə göndərilib

Gürcüstanda beş müxalifət partiyasının qadağan edilməsi üzrə məhkəmə başlayıb

Məhkəmə Əfqan Sadıqovu ev dustaqlığına buraxmayıb

ABŞ məhkəməsi Trampın BBC-yə qarşı qaldırdığı iş üzrə dindirilməsinə qərar verib

CPJ “Meclis.info” işi üzrə 12 ilədək həbs cəzası istənilməsini pisləyib

Redaktorun Tövsiyələri

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Ölkə

Avropa Məhkəməsi Yasamalda mənzilləri sökülmüş sakinlər üçün 135 min avro təzminat kəsib

15 Oktyabr 2026

açıq mənbə

Avropa İnsan Hüquqları Məhkəməsi (AİHM) 2016-cı ildə paytaxtın Yasamal rayonunda mənzilləri sökülmüş sakinlərin şikayətinə baxıb. Vəkil Fariz Namazlının yaydığı məlumata görə, oktyabrın 13-də verilən qərarda ərizəçilərə qarşı hüquq pozuntuları tanınıb və onlar üçün ümumilikdə 135 min avrodan çox məbləğdə təzminat kəsilib. Qərarın mətnində göstərilir ki, Yasamal rayonunda yaşayan beş şikayətçinin mənzillərinin bir hissəsi 2016-cı ilin iyulunda yerli icra hakimiyyəti tərəfindən sökülüb. İcra hakimiyyəti söküntünü icra edərkən Nazirlər Kabinetinin 2015-ci ilin noyabrına aid olan qərarına istinad edib. Yerli məhkəmələr ərizəçilər üçün 33-90 min manat aralığında məbləğlərdə təzminat təyin edib. AİHM isə müəyyən edib ki, Bakı Şəhər İcra Hakimiyyətinin xüsusi mülkiyyətdə olan...

Davamını oxu

Ölkə

Prokuror “Baksol yolu”nda gəncin ölümü ilə bağlı təqsirləndirilən şəxsə 5 il həbs istəyib

15 Oktyabr 2026

açıq mənbə

Bakıda “Baksol yolu” adlanan ərazidə 28 yaşlı Cümşüd Cümşüdlünün yolun çökməsi nəticəsində kanalizasiya kollektoruna düşərək ölməsi ilə bağlı açılan cinayət işi üzrə məhkəmə istinataqı yekunlaşıb. APA-nın məlumatına görə, Nərimanov Rayon Məhkəməsində prokuror Bakı Su Kanal İdarəsinin sahə rəisi Azər Cümşüdova 5 il həbs cəzası istəyib. Prokuror onun məhkəmə zalında həbs edilməsini və cəzasını ümumi rejimli cəzaçəkmə müəssisəsində çəkməsini də istəyib. Vəkillər çıxış üçün vaxt istəyiblər. Növbəti iclas oktyabrın 29-na təyin olunub. İstintaqın məlumatına görə, 2025-ci il iyunun 26-da Nərimanov rayonunun Ələsgər Qayıbov küçəsində yer səthinin çökməsi nəticəsində Cümşüd Cümşüdlü kanalizasiya sularının axdığı kanala düşüb. Onun meyiti iyunun 28-də Suraxanı rayonunun...

Davamını oxu