Ölkə

DİN: “Sputnik Azərbaycan” haqqında cinayət işi başladılıb, 7 nəfər saxlanılıb

1 İyul, 2025

Foto: Trend News Agency

“Sputnik Azərbaycan”ın iyunun 30-da saxlanılan əməkdaşları haqqında cinayət işi açılıb.

Bu barədə APA Daxili İşlər Nazirliyinə (DİN) istinadən məlumat yayıb.

Məlumata görə, Cinayət Məcəlləsinin dələduzluq, qanunsuz sahibkarlıq, cinayət yolu ilə əldə edilmiş əmlakı leqallaşdırma maddələri üzrə cinayət işi başlanaraq 2 nəfər həbs edilib, ümumilikdə isə 7 nəfər cinayət məsuliyyətinə cəlb edilib.

Cinayət işi üzrə istintaq tədbirlərinin davam etdirildiyi bildirilir.

DİN-in yaydığı açıqlamada isə qeyd olunur ki, “Sputnik Azərbaycan”ın bu ilin fevralında akkreditasiyası dayandırılsa da, media orqanının “qanunsuz maliyyələşmə əsasında fəaliyyətini davam etdirməsinə dair daxil olmuş əməliyyat məlumatı əsasında” DİN araşdırmalara başlayıb.

Azərbaycan və Rusiya arasında gərginlik ötən ilin dekabrın 25-də AZAL təyyarəsinin Aktauda qəzaya uğramasından sonra başlayıb.

Rəsmi Bakı təyyarənin həmin gün Ukrayna dronlarından qorunan Rusiya hərbi hava qüvvələri tərəfindən vurulduğunu iddia edib.

İyunun 27-də Yekaterinburqda Rusiya Federal Təhlükəsizlik Xidmətinin əməliyyatı nəticəsində iki azərbaycanlı öldürülməsi ilə gərginlik pik həddə çatıb. Əməliyyat çərçivəsində ümumilikdə doqquz azərbaycanlının saxlanıldığı və 10-dan çox mənzildə axtarış aparıldığı bildirilir.

İyunun 28-də Rusiyanın Azərbaycandakı müvəqqəti işlər vəkili Pyotr Volokovıx hücumlarla əlaqədar Xarici İşlər Nazirliyinə çağırılıb və ona “kəskin etiraz” bildirilib.

Rusiya Baş nazirinin müavini Aleksey Overçukun iyunun sonunda Azərbaycana nəzərdə tutulan səfəri, habelə Rusiya xətti ilə Azərbaycanda keçirilməsi planlaşdırılan mədəniyyət tədbirləri ləğv olunub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Türkiyədə Məhəmməd peyğəmbəri təsvir etdiyi iddia edilən jurnala cinayət işi açılıb

Rusiya Azərbaycana nota verib

İmran Əliyevin işində şahidlər dindirilməyə başlanıb

Özünü təqsirli bilirsən? - İlkin Əmrahov yazır

Vəkil: Hacı Vəliyevə karserdə işgəncə verilib

Avropa İttifaqı Ermənistana 270 milyon avro ayıracaq

Redaktorun Tövsiyələri

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

63 milyondan çox vəsaitin ayrıldığı penitensiar müəssisələrdə ağır sanitar-gigiyena problemləri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Ölkə

Kanalizasiyaya düşərək ölən gənclə bağlı cinayət işi açılıb

30 İyun 2025

Foto: Açıq mənbə

Bakının “Baksol yolu” adlanan hissəsində yolun çökməsi nəticəsində kanalizasiya kollektoruna düşərək ölən gənclə bağlı cinayət işi başlanıb. Bu barədə Baş Prokurorluq iyunun 30-da məlumat yayıb. Məlumata əsasən, araşdırmalar zamanı müəyyən olunub ki, hadisənin baş verdiyi kanal Dövlət Su Ehtiyatları Agentliyinin “İri Şəhərlərin Birləşmiş Su Təchizatı Xidməti” Publik hüquqi şəxsinin Bakı Su Kanal İdarəsinin balansındadır. “Faktla əlaqədar Nərimanov Rayon Prokurorluğunda Cinayət Məcəlləsinin 314.2-ci maddəsi ilə (ehtiyatsızlıqdan ölümə səbəb olan səhlənkarlıq) cinayət işi başlanıb və ibtidai istintaq davam edir”, - deyə qeyd edilib. İyunun 26-da 28 yaşlı Cümşüd Cümşüdlü Nərimanov rayonunda yer səthinin çökməsi nəticəsində kanalizasiya sularının axdığı kanala düşüb. Onun meyiti...

Davamını oxu

Ölkə

Qaçaqmalçılıqla qızıl gətirən gömrükçülər azadlığa buraxılıb

25 İyun 2025

Foto: açıq mənbə

Dubaydan Azərbaycana qaçaqmalçılıq yolu ilə 190 min manat dəyərində qızıl gətirməkdə ittiham olunan gömrükçülərin məhkəmə prosesi başa çatıb. “Qafqazinfo”nun xəbərinə görə, iyunun 25-də Bakı Ağır Cinayətlər Məhkəməsində keçirilən iclasda Dövlət Gömrük Komitəsinin əməkdaşları Pərvin Dursunəliyev və Mənsur Mehdiyev və onların tanışı Əli İbrahimova hökm oxunub. Cinayət işində iddia olunur ki, təqsirləndirilən şəxslər 190 min manat dəyərində olan 5 qızıl külçəni qaçaqmalçılıq yolu ilə gömrükdən keçiriblər. Onlar ötən ilin avqustunda həbs olunublar. Aytən Əliyevanın sədrlik etdiyi hakimlər kollegiyası təqsirləndirilən şəxslərə verilmiş ittihamların məhkəmə istintaqı zamanı toplanmış sübutlarla təsdiqini tapdığını bildirib, lakin onları yalnız şərti azadlıqdan məhrum edib. Təqsirləndirilən şəxslər məhkəmə zalından...

Davamını oxu