Ölkə

Laçın istiqamətində itkin düşdüyü deyilən əsgərin Ermənistanda saxlanıldığı bildirilir

2 Oktyabr, 2026

sosial media

Laçın istiqamətində hərbi xidmət keçərkən itkin düşə əsgər Nəsimi Rasim oğlu Musayevin Ermənistan ərazisində saxlanıldığı bildirilir.

Azərbaycan Baş Prokurorluğunun oktyabrın 1-də yaydığı məlumatda belə deyilir.
Qurumun açıqlamasına görə, Nəsimi Musayev sentyabrın 26-da xidmət yerində olmayıb və həmin gündən onun axtarışına başlanılıb. Qeyd olunur ki, axtarışlara Müdafiə və Fövqəladə Hallar nazirliklərinin qüvvələri cəlb edilib.

“Bununla yanaşı, hadisənin hallarının araşdırılması məqsədilə Hərbi Prokurorluqda müvafiq araşdırma aparılmış və araşdırma nəticəsində Nəsimi Musayevin hərbi hissəni özbaşına tərk etməsinə əsaslı şübhələr müəyyən edilib”, - Baş Prokurorluğun məlumatında deyilir.

Qurum əlavə edib ki, həyata keçirilən tədbirlər nəticəsində N. Musayevin Ermənistan ərazisində olduğu və həmin ölkədə saxlanıldığı müəyyən edilib.

Nəsimi Musayevin yaxınlarının müraciəti daha əvvəl sosial mediada yayılmışdı.
Yaxınları əsgərdən sentyabrın 26-dan xəbər ala bilmədiklərini, onun taleyi barədə ailəyə dəqiq məlumat verilmədiyini bildirirdilər. Onlar həmçinin xidmət etdiyi hərbi hissənin komandirinin onları qəbul etmədiyini deyərək prezident İlham Əliyevə və müdafiə naziri Zakir Həsənova müraciət etmişdilər.

Ermənistan Milli Təhlükəsizlik Xidmətinin (MTX) məlumatına görə, sentyabrın 29-da Azərbaycan Dövlət Təhlükəsizliyi Xidməti (DTX) onlara bir hərbi qulluqçunun naməlum şəraitdə xidmət yerini tərk etməsi barədə xəbər verib.

"Həmin hərbçinin Ermənistan Respublikasının sərhədini qanunsuz keçməsi ehtimalı istisna olunmayıb. Bundan sonra Ermənistan və Azərbaycanın səlahiyyətli qurumları birgə axtarış əməliyyatları həyata keçiriblər", - MTX-nin açıqlamasında bildirilir.

Məlumata görə, oktyabrın 1-də saat 14:15-də Ermənistan Daxili İşlər Nazirliyinin “112” operativ idarəetmə mərkəzinə Sünik vilayətinin Şaki qəsəbəsində Ermənistan vətəndaşının ayağından güllə yarası alması barədə siqnal daxil olub. MTX həmin hadisəni azərbaycanlı hərbçinin törətdiyini, onun artıq saxlanıldığını bildirir.

"Hadisənin təfərrüatları Azərbaycan tərəfinə təqdim edilib. Faktla bağlı Ermənistan Respublikasının İstintaq Komitəsində cinayət işi başlanıb", - MTX-nin məlumatında deyilir.

Onun bud nahiyəsindən güllə yarası aldığı, güllənin ayaqda qalmadığı bildirilir. Xəstəxana rəhbərinin sözlərinə görə, qadının vəziyyəti stabildir və həyatı üçün təhlükə yoxdur.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Yaponiya Rusiyaya qarşı yeni sanksiyalar tətbiq edib

Azərbaycanda siyasi məhbus sayılan şəxslərin beynəlxalq “advokasi” fəaliyyəti ilə bağlı müraciəti

“Reuters”: İran ABŞ-nin mümkün hücumuna daha genişmiqyaslı cavab hazırlayır

Məmməd Alpay: “Hökumət legitim vətəndaş cəmiyyəti fəaliyyətini cinayət kimi qələmə verir”

ABŞ-də edam cəzası icra edilən məhkum sağ qalıb

Nazim Bəydəmirli ədliyyə nazirinə müraciət edib: “Lazımi tibbi yardımla təmin olunmuram”

Redaktorun Tövsiyələri

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Ölkə

Nazirlər Kabineti: Məktəblərdə “dünyəvilik prinsipinə uyğun olmayan” geyimlərə icazə verilməyəcək

22 Sentyabr 2026

sosial media

“Dövlət məktəblərində müəyyən edilmiş formanın vahidliyini pozan və təhsilin dünyəvilik prinsipinə uyğun olmayan əlavə geyim elementlərindən istifadəyə yol verilməyəcək”. Nazirlər Kabinetinin sentyabrın 21-də “Dövlət ümumi təhsil müəssisəsi təhsilalanlarının geyim formalarının təsvirləri”nə etdiyi dəyişiklikdə belə deyilir. “Azərbaycan xalqının tarixi, mədəniyyəti və milli-mənəvi dəyərləri ilə bağlı keçirilən tədbirlərdə məktəbin Pedaqoji Şurasının qərarı ilə milli geyimlərdən və ya milli geyim elementlərindən istifadə edilməsinə yol verilir”, - qərarda bildirilir. Qərara görə, valideynlər və ya digər qanuni nümayəndələr uşaqların geyim qaydalarına əməl etməsini təmin etməlidirlər. Bildirilir ki, qaydalara riayət olunması ilə bağlı məsələləri məktəbin Pedaqoji Şurası həll edəcək: “Şuranın qərarı qəbul olunduğu tarixdən beş iş...

Davamını oxu

Ölkə

DTX 5 ölkədə keçirilən əməliyyatlarda 10 nəfərin saxlanıldığını bildirir

18 Sentyabr 2026

sosial media

Azərbaycan Dövlət Təhlükəsizliyi Xidməti (DTX) beş ölkədə paralel əməliyyatlar keçirildiyini və 10 nəfərin saxlanıldığı barədə məlumat yayıb. Sentyabrın 18-də yayılan məlumatda deyilir ki, əvvəllər qanunsuz qruplaşmada fəaliyyətə görə məhkum olunmuş bir şəxs və daha bir neçə nəfərin ölkədə "ictimai, dini xadimlərin həyatına sui-qəsd etmək məqsədilə cinayət əlaqəsinə girməsi təsbit edilib”. DTX bildirir ki, onların keçirdikləri gizli görüşlər, telefon danışıqları qeydə alınaraq müvafiq qaydada sənədləşdirilib. Açıqlamaya görə, istintaq-əməliyyat tədbirləri ilə müəyyən edilib ki, "onlar planlaşdırılan cinayət əməllərini törətdikdən sonra xaricdəki münaqişə bölgələrinə qaçmaq barədə sövdələşiblər". DTX vurğulayır ki, digər dövlətlərin təhlükəsizlik və xüsusi xidmət orqanları ilə birgə keçirilən paralel antiterror əməliyyatları sayəsində beş...

Davamını oxu