Region

Aİ Ermənistandakı Mülki Missiyanın müddətinin uzadılmasını müzakirə edir

10 Yanvar, 2025

485

Eeas.europe.eu

Avropa İttifaqının (Aİ) Xarici İşlər və Təhlükəsizlik Siyasəti üzrə Ali Nümayəndəsi qurumun Ermənistandakı mülki missiyasının müddətinin daha iki il uzadılmasını təklif edib.

Bu barədə Azadlıq Radiosuna qurumun mətbuat xidmətindən bildirilib.

Məlumatda deyilir ki, Avropa İttifaqına üzv dövlətlər təklifi müsbət qarşılayıb və Avropa İttifaqı Şurası lazımi hüquqi aktları müzakirə edir. Şuranın bununla bağlı qərarı yaxın günlərdə verəcəyi gözlənilir.

Rəsmi Bakı Aİ-nin Ermənistandakı mülki missiyasını casusluqda və regional sabitliyə zərbə vurmaqda ittiham edir.

Aİ-nin Xarici İşlər və Təhlükəsizlik Siyasəti üzrə Ali Nümayəndəsinin Ofisi bu ittihamlara da münasibət bildirib:

“Avropa İttifaqının Ermənistandakı Missiyasının mandatı çox aydındır: Ermənistan-Azərbaycan sərhədinin Ermənistan tərəfində ərazidə müşahidə aparmaq, hesabat hazırlamaq və Avropa İttifaqının Ermənistan-Azərbaycan münaqişəsinin həlli üzrə səylərinə öz töhfəsini vermək. Monitorinq missiyası göndərildikdən sonra sərhədyanı ərazilərdə silahlı insidentlərin sayı xeyli azalıb. Məlum olduğu kimi, Aİ Missiyanın fəaliyyəti barədə mütəmadi olaraq Azərbaycanı məlumatlandırır”.

Bu həftə yerli telekanallara müsahibə verən Azərbaycan Prezidenti İlham Əliyev Ermənistandakı missiyanı yenidən tənqid edib:

"Bizimlə heç bir razılıq olmadan onlar nəinki bu missiyanın müddətini uzatdılar, sayını artırdılar, həm də Avropa İttifaqının üzvü olmayan ölkəni dəvət edərək mahiyyətcə etimadı qırdılar. Sonra, necə deyərlər, bu binoklla rüsvayçı nümayişlər, onlar yarıhərbi geyim və çəkmələr geyinir və oraya hansısa döyüşçülər kimi gedirlər", – İ.Əliyev bildirib.

Ermənistan Xarici İşlər Naziri Ararat Mirzoyan isə hesab edir ki, Ermənistanın delimitasiya edilmiş sərhədi olmadıqca ölkəsinin Aİ-nin Mülki Missiyasına ehtiyacı var.

Bu missiya Ermənistan hökumətinin rəsmi müraciətinə əsasən yaradılıb və 2023-cü il fevralın 20-də fəaliyyətə başlayıb.

2023-ü ildə yaradılmış Missiyanın mandatı bu il tamam olur. Missiya heyətinə Aİ-yə üzv 23 ölkədən və Kanadadan müşahidəçilər və mülki ekspertlər daxildir.
Mülki Missiya Azərbaycanla beynəlxalq sərhədin Ermənistan tərəfində yerləşdirilib, onun bir neçə səhədyanı bölgədə əməliyyat ofisləri var.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Xamenei ABŞ-ın təklifini rədd edib

“İşçi Masası” fəalının “kars”da saxlanma müddəti 1 ay uzadılıb

Rus məktəblərində "Rusiyanın mənəvi-əxlaqi mədəniyyəti" fənni tədris olunacaq

Qabil Məmmədov və Məhəmməd Mirzəli haqqında da həbs qərarı verilib

“Azercell”ə qarşı boykot kampaniyası başlayıb

Əli Zeynal Ədliyyə nazirinə açıq məktub yazıb

Redaktorun Tövsiyələri

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Region

Azərbaycan və İran Qarabağda birgə hərbi təlim keçirir

20 May 2025

azxeber.com

Azərbaycan və İran hərbi qulluqçuları Qarabağda birgə hərbi təlimlər keçirir. Mayın 19-dan 21-ə qədər "Araz-2025" adı altında baş tutacaq təlimlərin konkret yeri bildirilməyib. Lakin çəkilən fotolardan açılış mərasiminin Hadrutda baş tutduğunu demək olar. “Təlim ölkələrimiz və onların Silahlı Qüvvələri arasında qarşılıqlı etimadın artırılmasına xidmət edir”, - Azərbaycan Müdafiə Nazirliyinin açıqlamasında belə deyilir. "Tehran Times" saytı təlimdə İran İslam İnqilabı Keşikçiləri Korpusunun (SEPAH) Quru Qoşunlarından xüsusi qüvvələrin iştirak etdiyini yazıb. Sayt bildirir ki, SEPAH-ın Quru Qoşunlarının komandir müavini və təlim rəhbəri general Vəli Mədani təlimi “ortaq sərhədlərin təhlükəsizliyinin möhkəmləndirilməsi və mümkün təhdidlərin qarşısının alınması istiqamətində mühüm addım" adlandırıb. Azərbaycan və İran...

Davamını oxu

Region

Qarabağ ermənilərinin pasportlarında doğum yeri Azərbaycan qeyd olunur

9 Aprel 2025

myvisa.am

Qarabağ ermənilərinə Ermənistanda verilən pasportlarda doğum yeri kimi Azərbaycanın qeyd olunması beynəlxalq standardlarla nizamlanır. Bunu Ermənistan Daxili İşlər Nazirliyi bildirib və əlavə edib ki, pasportda beynəlxalq tənzimləmə çərçivəsinin bir hissəsi kimi ratifikasiya olunmayan hər hansı işarə sərhəd-keçid məntəqələrində problem yaradır. Ermənistan mətbuatı bildirir ki, ölkənin Miqrasiya Xidməti pasportlarda doğum yeri ilə bağlı xeyli şikayətlər qəbul edib. 2023-cü ilin sentyabrın 19-da Azərbaycanın keçmiş Dağlıq Qarabağ ərazisində keçirdiyi hərbi əməliyyatdan sonra orada yaşayan erməni əhali Ermənistana köç edib. Ötən ilin noyabrına olan məlumata görə, 4,400 Qarabağ ermənisinə artıq Ermənistan vətəndaşlığı verilib.

Davamını oxu