Siyasət

Baş nazir: “İspaniya ‘müharibəyə yox’ prinsipinə əsaslanır”

4 Mart, 2026

115

Foto: Bloomberg

İspaniya hökuməti ABŞ və İsrailin İrana qarşı hərbi əməliyyatlarını dəstəkləmədiyini bəyan edib. Baş nazir Pedro Sançes martın 4-də çıxışında bildirib ki, Madridin mövqeyi qətidir və “müharibəyə yox” prinsipinə əsaslanır. O, münaqişənin daha da genişlənməsi riskinə qarşı xəbərdarlıq edib.

Bir gün əvvəl ABŞ prezidenti Donald Trump İspaniyanı İrana qarşı əməliyyatı dəstəkləməkdən imtinaya görə tənqid etmişdi. İspaniya hökuməti isə daha əvvəl ABŞ və İsrailin İrana endirdiyi zərbələri “məsuliyyətsiz və qanunsuz” adlandıraraq, ABŞ təyyarələrinin əməliyyat üçün ölkənin cənubundakı dəniz və hava bazalarından istifadəsinə icazə vermədiyini açıqlamışdı.

Tramp Madridin mövqeyi ilə əlaqədar maliyyə nazirinə İspaniya ilə ticarət münasibətlərinin dayandırılması məsələsini nəzərdən keçirməyi tapşırdığını bildirib.

Sançes çıxışında qeyd edib ki, qlobal problemlər hərbi müdaxilə yolu ilə həll edilə bilməz. Onun sözlərinə görə, tarix göstərir ki, genişmiqyaslı münaqişələr gözlənilməz və ağır nəticələrə səbəb olur. Baş nazir İraq müharibəsinin nəticələrini xatırladaraq, terrorizmin artımı və enerji bazarındakı dalğalanmaları nümunə göstərib. O bildirib ki, İrana qarşı hücumların da nəticələrinin necə olacağı qeyri-müəyyəndir və bunun daha sabit beynəlxalq nizam yaradacağına təminat yoxdur.

ABŞ prezidenti martın 3-də Böyük Britaniyanın da ilkin zərbələr üçün bazalarından istifadəyə icazə verməməsindən narazılığını ifadə etmişdi. Lakin Böyük Britaniyanın baş naziri Kir Starmer daha sonra ölkə bazalarından məhdud istifadəyə razılıq verib.

Fevralın 28-də ABŞ və İsrail İrana havadan zərbələr endirməyə başlayıb. ABŞ prezidenti Donald Tramp hücumun başlamasını elan etdiyi çıxışında iranlıları hakimiyyəti ələ keçirməyə çağırıb.

İranın Qırmızı Aypara Cəmiyyətinin məlumatına görə, hücumlar nəticəsində İranda 1000-dən insan həlak olub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Putin Azərbaycana 1 milyon rubldan artıq nağd pul aparılmasını qadağan edib

Qubad İbadoğlu Almaniyaya gedib

Zelenski: “Şimali Koreya Rusiyaya təxminən 10 min hərbçi göndərməyə hazırlaşır”

Rusiyada yaşayan daha bir fəal Azərbaycanda həbs olunub

Şəmşad Ağa: “Belə axtarışları yalnız 1937-ci ildə NKVD gecəyarı edib”

Meloni İtaliyada yanacaq qiymətinin sabit qalmasına görə Əliyevə təşəkkür edib

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

Qubad İbadoğlu Almaniyaya gedib

29 Sentyabr 2026

sosial media

İqtisadçı alim Qubad İbadoğlu sentyabrın 29-da Azərbaycanı tərk edərək Almaniyaya gedib. Qubad İbadoğlunun vəkili Zibeydə Sadıqovanın sözlərinə görə, istintaq orqanı onun barəsində seçilmiş “polisin nəzarəti altına vermə” qətimkan tədbirinin ləğv olunması barədə qərar qəbul edib. Vəkil “Qafqazinfo”ya açıqlamasında bildirib ki, qərar Q.İbadoğlunun səhhətində yaranan ciddi problemlərlə əlaqədar qəbul edilib. “Qubad İbadoğlu istintaqdan yayınmayacağına dair iltizama imza atıb. Təcili əməliyyat olunması üçün Almaniyaya gedib. Cinayət işi üzrə istintaqın gedişi ilə bağlı hələ yekun qərar yoxdur. Ümid edirik ki, yaxın vaxtlarda işə xitam veriləcək”, - vəkil deyib. Qubad İbadoğlu “Azadlıq” qəzetinə açıqlamasında zərurət yaranarsa, ürəyində açıq əməliyyat olunacağını bildirib. Qubad İbadoğlu 2023-cü...

Davamını oxu

Siyasət

Rusiyada yaşayan daha bir fəal Azərbaycanda həbs olunub

29 Sentyabr 2026

şəxsi arxivi

Rusiyada yaşayan talış hüquqları fəalı Hafiz İsmayılov Azərbaycanda həbs olunub. Bu barədə "Toplum TV"yə məlumat verən fəal Əli Ağayev bildirib ki, H.İsmayılov bu yaxınlarda atasının ölümünün il mərasimində iştirak etmək üçün Azərbaycana səfər edib və sentyabrın 6-da Dövlət Təhlükəsizliyi Xidməti (DTX) tərəfindən saxlanılıb. Onun sözlərinə görə, həbs barədə yalnız sentyabrın 27-də məlumat almaq mümkün olub. Fəal barəsində həbs qətimkan tədbiri seçildiyi və Cinayət Məcəlləsinin 283-cü (milli, irqi, sosial və ya dini nifrət və düşmənçiliyin salınması) maddəsi ilə ittiham irəli sürüldüyü bildirilir. Həbs barədə DTX-nin açıqlaması yoxdur. Ə.Ağayev fəalın həbsini onun sosial mediadakı tənqidi paylaşımları, xüsusilə son illərdə Azərbaycanda talış fəal və...

Davamını oxu