Siyasət

NEMO "Meta"nı Azərbaycandan olan müstəqil media orqanlarının şikayətlərini araşdırmağa çağırıb

2 Sentyabr, 2026

Toplum TV

Mühacir Media Qurumlarının Şəbəkəsi (NEMO) "Meta"nı Azərbaycandan olan müstəqil media orqanlarının şikayətlərini araşdırmağa çağırıb.

Təşkilat yaydığı bəyanatda xatırladıb ki, bu yaxınlarda "Toplum TV" də daxil olmaqla bir sıra müstəqil media orqanlarının sosial media hesabları müəllif hüquqlarının pozulması iddiası ilə "Meta" tərəfindən bağlanıb.

NEMO "Meta"nı öz sistemlərindən müstəqil jurnalistikaya çıxışı məhdudlaşdırmaq üçün sui-istifadə edilməsinin qarşısını almağa çağırıb.

"Bu, NEMO üzvlərinin bu xarakterli kampaniyalarla ilk dəfə üzləşməsi deyil. Hazırda bir sıra üzvlərimiz "Meta" və ya "YouTube" platformalarında oxşar problemlərlə qarşılaşırlar. Bəziləri rəqəmsal hüquqların müdafiəsi ilə məşğul olan təşkilatlardan dəstək alsalar da, problem yenidən ortaya çıxmaqda davam edir. Çünki müəllif hüquqları ilə bağlı şikayətlər ya ayrı-ayrı insidentlər kimi nəzərdən keçirilir, ya da müstəqil jurnalistikanı məhdudlaşdırmağa yönəlmiş koordinasiyalı cəhdləri müəyyən edə bilməyən avtomatlaşdırılmış mexanizmlər vasitəsilə qiymətləndirilir", - təşkilat bildirib.

"Sosial media platformalarını bu məsələyə ciddi yanaşmağa və onların sistemlərinin informasiya əldə etmək imkanlarını məhdudlaşdırmağa çalışan avtoritar rejimlər tərəfindən sui-istifadə oluna biləcəyini nəzərə almağa çağırırıq. Müstəqil jurnalistika məhdudiyyətlərin hökm sürdüyü mühitlərdə yaşayan insanların fərqli mövqelərə və baxışlara çıxışını təmin etmək baxımından mühüm rol oynayır. Rəqəmsal platformalar öz sistemlərinin bu səsləri susdurmaq üçün alətə çevrilməməsini təmin etmək məsuliyyəti daşıyırlar. Bu problemin həlli üçün vaxt sabah və ya bir neçə ay sonra deyil - məhz indidir", - NEMO əlavə edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Qaradağ İH-də rüşvət almaqda təqsirləndirilən vəzifəlilərdən biri həbs, ikisi cərimə edilib

CPJ: "Azərbaycandan olan media qurumlarının sosial media hesablarının bloklanmasından narahatıq"

ABŞ-nin “Comstock” şirkəti borcunu azaltmaq üçün aktivlərini SOCAR-a satır

Prokuror Hafiz Həsənova 9 il həbs cəzası istəyib

Goranboyda sursat anbarında partlayış: Yaxınlıqdakı insanlar təxliyə edilib

Almaniya dron hücumuna cavab olaraq Rusiya konsulluğunu və “Rus Evi”ni bağlayacaq

Redaktorun Tövsiyələri

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Siyasət

Qaradağ İH-də rüşvət almaqda təqsirləndirilən vəzifəlilərdən biri həbs, ikisi cərimə edilib

2 Sentyabr 2026

Toplum TV

Qaradağ Rayon İcra Hakimiyyətinin vəzifəli şəxsləri ilə bağlı cinayət işi üzrə hökm çıxarılıb. APA-nın yaydığı məlumata görə, sentyabrın 2-də Qaradağ Rayon Məhkəməsinin hökmü ilə rayon təsərrüfatı şöbəsinin müdiri vəzifəsini icra etmiş Qafar Abdullayev 1 il 3 ay müddətinə azadlıqdan məhrum edilib. O, həmçinin 2 il müddətinə dövlət orqanlarında vəzifə tutmaq hüququndan məhrum olunub. İş üzrə digər təqsirləndirilənlər İsa Şəmsəliyev 10 min, Rəşad Nadirli isə 9 min 500 manat cərimələnib. Onların da 2 il müddətinə dövlət orqanlarında vəzifə tutması qadağan edilib. Bundan əvvəl Qaradağ Rayon İcra Hakimiyyəti başçısının müavini Nadir Muradov da eyni iş üzrə 1 il 3 ay müddətinə azadlıqdan...

Davamını oxu

Siyasət

CPJ: "Azərbaycandan olan media qurumlarının sosial media hesablarının bloklanmasından narahatıq"

2 Sentyabr 2026

sosial media

Jurnalistləri Müdafiə Komitəsi (CPJ) beynəlxalq mətbuat azadlığı təşkilatı Azərbaycandan olan mühacir media qurumlarının sosial media hesablarının bloklanması barədə bəyanat yayıb. "CPJ Azərbaycandan olan aparıcı mühacir media qurumlarının - "Abzas Media", "Toplum TV" və “Azadlıq” qəzetinin "Instagram" və ya "Facebook" hesablarının "Meta" tərəfindən bloklanmasına səbəb olan zərərli və koordinasiyalı müəllif hüquqları şikayətləri dalğasından narahatdır", - bəyanatda deyilir. "Bu hücumlar qonşu Qazaxıstan, Özbəkistan və Gürcüstanda mediaya qarşı edilən oxşar saxta müəllif hüquqları şikayətləri dalğasının ardınca baş verib və bir daha göstərir ki, avtoritar ölkələrdə mətbuatı susdurmaq üçün məzmun moderasiyası mexanizmlərindən artan sui-istifadənin qarşısının alınması sosial media platformları üçün təcili məsələdir", - təşkilat...

Davamını oxu