Siyasət

Rusiya-Ukrayna müharibəsində daha bir azərbaycanlı həlak olub

7 Oktyabr, 2026

açıq mənbə

Rusiya-Ukrayna müharibəsində daha bir azərbaycanlı həlak olduğu deyilir.

APA-nın məlumatına görə, Lənkəranın Separadi kəndindən olan həkim Vahab Quliyev Rusiya ordusunun hücumu nəticəsində həyatını itirib.

Bildirlir ki, Vahab Quliyev müharibənin başlanmasından təxminən bir il sonra Ukrayna tərəfdən ixtisası üzrə hərbi xidmətə cəlb olunub. Onun xidmət etdiyi müddətdə iki dəfə yaralandığı, müalicədən sonra yenidən fəaliyyətini davam etdirdiyi deyilir.

Məlumata görə, Quliyev bir neçə gün əvvəl Kupyansk istiqamətində gedən döyüşlər zamanı, xidməti vəzifəsini yerinə yetirərkən Rusiya PUA-sının zərbəsi nəticəsində həlak olub.

Yerli mətubatın yazdığına görə, Vahab Quliyev Ukraynada Tibb İnstitutunda təhsil alıb, daha sonra Moskvada namizədlik dissertasiyası müdafiə edərək tibb elmləri namizədi elmi dərəcəsi alıb. O, 30 ildən çox Ukraynada yaşayıb.

2025-ci ilin oktyabrında “Europol” Rusiyanın “Vaqner” və “Redut” özəl hərbi birləşmələrinin tərkibində döyüşməkdə şübhəli bilinən azı 650 nəfərin kimliyinin müəyyənləşdirildiyini açıqlayıb. Onların arasında Azərbaycan vətəndaşlarının da olduğu bildirilib.

Həmin ilin sonunda Baş Prokurorluq Azərbaycan vətəndaşlarını Rusiya-Ukrayna müharibəsində iştirakdan çəkinməyə çağırıb. Qurum vurğulayıb ki, ideoloji, maddi, şəxsi və digər motivlərdən asılı olmayaraq, xarici ölkələrdə silahlı münaqişələrdə iştirak cinayət məsuliyyəti yaradır və bu əmələ görə ağır cəzalar nəzərdə tutulur.

Rusiyanın Ukraynaya qarşı genişmiqyaslı müharibəsi beşinci ildir davam edir. Moskvanın canlı qüvvə itkisini kompensasiya etmək üçün müxtəlif üsullardan istifadə etdiyi, o cümlədən məhbusların, cinayət təqibi ilə üzləşən şəxslərin və xarici vətəndaşların hərbi əməliyyatlara cəlb olunduğu barədə məlumatlar yayılıb. Məlumatlara görə, müqavilə bağlayan şəxslərə yüksək maaş və əlavə ödənişlər də vəd edilir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

“QHT işi” üzrə təqsirləndirilən Mehriban Rəhimliyə şərti cəza verilib

Azərbaycan Ukraynaya 2,5 milyon manatlıq humanitar yardım göndərib

"The Guardian”: “Sanksiya altındakı tankerlər fərqli təyinat ünvanları göstərərək Cənubi Koreyadan Rusiyaya yanacaq daşıyıb”

"Der Spiegel": "Almaniyanın casusluqda ittiham olunan keçmiş kəşfiyyat rəhbəri Azərbaycanla əlaqədə olub"

Azərbaycanda korrupsiya barədə məlumat verənlərin mükafatlandırılması təklif olunur

AXCP: "Partiya üzvü Anar Ərkivan saxlanılıb"

Redaktorun Tövsiyələri

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Siyasət

“QHT işi” üzrə təqsirləndirilən Mehriban Rəhimliyə şərti cəza verilib

7 Oktyabr 2026

sosial media

Qeyri-hökumət təşkilatları (QHT) ilə bağlı cinayət işi üzrə təqsirləndirilən, ABŞ-nin German Marşall Fondunun Azərbaycan üzrə məsləhətçisi olmuş Mehriban Rəhimliyə hökm oxunub. Hök oktyabrın 7-də Bakı Ağır Cinayətlər Məhkəməsində hakim Namiq Kərimovun sədrliyi ilə keçirilən prosesdə elan olunub. Hökmə əsasən, Mehriban Rəhimliyə 4 il sınaq müddəti olmaqla, 7 il 6 ay müddətinə şərti azadlıqdan məhrum etmə cəzası təyin edilib. Mehriban Rəhimli daha öncə məhkəmədə verdiyi ifadəsində ittihamları rədd edib. O bildirib ki, 2008-ci ildən “German Marşal Fondu”nda xidmət müqaviləsi əsasında məsləhətçi kimi çalışıb, lakin fondun maliyyələşdirdiyi layihələr üzrə qərarların qəbulunda və vəsaitlərin köçürülməsində rolu olmayıb. “İlkin rəydən sonra hər bir layihəni...

Davamını oxu

Siyasət

Azərbaycan Ukraynaya 2,5 milyon manatlıq humanitar yardım göndərib

7 Oktyabr 2026

Toplum TV

Ukraynaya elektrik avadanlıqlarından ibarət növbəti humanitar yardım göndərilib. APA xəbər verir ki, Azərbaycan tərəfindən Ukraynaya humanitar yardım məqsədilə nəzərdə tutulan elektrik avadanlıqlarından ibarət növbəti yük Sumqayıt Texnologiyalar Parkının ərazisindən yola salınıb. Yardımın göndərilməsi Azərbaycan prezidenti İlham Əliyevin 2026-cı il sentyabrən 21-dən imzaladığı sərəncama əsasən Energetika Nazirliyi tərəfindən həyata keçirib Bildirilir ki, Ukrayna tərəfinin müraciəti əsasında təşkil edilən humanitar yükün tərkibinə ümumi dəyəri 2,5 milyon Azərbaycan manatı olan kabel, naqil, transformator və digər elektrik avadanlıqları daxildir. Azərbaycan bundan əvvəl də Ukraynaya elektrik təchizatı ilə bağlı humanitar yardımlar göndərib. Bu günədək Azərbaycanın Ukraynaya göstərdiyi ümumi humanitar dəstəyin, o cümlədən bərpa və yenidənqurma...

Davamını oxu