Siyasət

Bəxtiyar Hacıyevə hökm oxundu

13 Yanvar, 2025

364

açıq mənbədən götürülüb

Yanvarın 13-də Bakı Ağır Cinayətlər Məhkəməsində ictimai fəal Bəxtiyar Hacıyevə hökm oxunub. O, 10 il müddətinə azadlıqdan məhrum edilib.

Ötən məhkəmə iclasında dövlət ittihamçısı ictimai fəala 11 il cəza istəmişdi.

Hökmlə Bəxtiyar Hacıyevin Bakı şəhəri, H.Zərdabi küçəsində olan evi və bank hesablarındakı pul vəsaitləri də müsadirə olunub. Ona təlim-tədris işləri qadağan edilib.

Bəzi maddələrə isə müddəti ötdüyü üçün xitam verilib.

Hakim hökmü elan etməmişdən əvvəl Bəxtiyar Hacıyevin vəkilləri müdafiə çıxışı edərək onun barəsində bəraət hökmü çıxarılmasını xahiş ediblər. Hacıyev də son söz hüququndan istifadə edərkən özünü təqsirli bilmədiyini, sifarişlə həbs olunduğunu bir daha məhkəmənin diqqətinə çatdırıb və məhkəmədən bəraət istəyib.

Bəxtiyar Hacıyev 2022-ci ilin dekabrında xuliqanlıq və məhkəməyə hörmətsizlik ittihamı ilə həbs edilib.

Ötən il iyunun 16-da fəala qarşı maliyyə pozuntuları - qrantların mənimsənilməsilə bağlı yeni ittihamlar irəli sürülüb. O həmçinin qanunsuz sahibkarlıq, pulların yuyulması, qaçaqmalçılıq və saxta sənədlərdən istifadə etməkdə ittiham olunub.

Həmin ilin noyabrında ona qarşı daha bir ittiham irəli sürülüb - vergilərin ödənilməməsi.

Hacıyev ittihamları rədd edir. O, həbsini siyasi sifariş hesab edir.

Hüquq müdafiəçiləri ölkədə 300-dən çox siyasi məhbus olduğunu bildirirlər.

Azərbaycan hakimiyyəti isə ölkədə heç kimin siyasi fəaliyyətinə görə həbs edilmədiyini, bütün hüquq və azadlıqların təmin olunmadığını bildirir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Məhkəmə Fazil Qasımovun lehinə qərar verib: “Müstəntiq imzaları saxtalaşdırıb”

Vensin istəyindən sonra Zelenski bəzi neft tankerlərinə PUA zərbələrini dayandırıb

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Məhkəmə İqbal Əbilovun media qurumlarına qarşı qaldırdığı iddianı rədd edib

“Amnesty International”: ‘Ələsgər Məmmədlinin səhhəti ağırlaşıb’

Məhkəmə Bəşər Əsədə ölüm hökmü çıxarıb

Redaktorun Tövsiyələri

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

Siyasət

Məhkəmə Fazil Qasımovun lehinə qərar verib: “Müstəntiq imzaları saxtalaşdırıb”

12 Avqust 2026

sosial media

Həbsdə olan iqtisadçı Fazil Qasımovun Baş Prokurorluqdan etdiyi şikayət məhkəmə tərəfindən təmin olunub. F.Qasımovun yaxınlarının “Toplum TV”-yə verdiyi məlumata görə, proses iyulun 30-da Səbail Rayon Məhkəməsində baş tutub. İqtisadçı Baş Prokurorluğu onun şikayəti əsasında hüquqi tədbirlər görmədiyinə görə məhkəməyə verib. F.Qasımov ərizəsində göstərib ki, bu ilin martında Baş Prokurorluğa müraciət edərək ibtidai istintaq orqanının 2023-cü ilin sentyabrına aid olan qərarını ləğv etməyi xahiş edib. Baş Mütəşəkkil Cinayətkarlıqla Mübarizə İdarəsinin müstəntiqi Yusif Yusifovun imzaladığı həmin qərarda isə F.Qasımovun vəkilləri Eldar Qədimi və Araz Allahverdiyevin öz ərizələri ilə prosesdən kənarlaşdığı qeyd olunur. İqtisadçı daha əvvəl də iddia edib ki, vəkilləri onun müdafiəsindən...

Davamını oxu

Siyasət

Məhkəmə İqbal Əbilovun media qurumlarına qarşı qaldırdığı iddianı rədd edib

12 Avqust 2026

sosila media

Avqustun 11-də Yasamal Rayon Məhkəməsində həbsdə olan talış mədəniyyəti tədqiqatçısı İqbal Əbilovun qaldırdığı mülki iddia üzrə proses keçirilib. İ.Əbilovun Hüquqlarını Müdafiə Komitəsinin məlumatına görə, tədqiqatçı onun barəsində yayımlanmış materiallara görə ATV telekanalı, “Trend”, “Hit.az” və “Qafqazinfo” xəbər saytlarına qarşı iddia qaldırıb. İ.Əbilov iddiasında barəsində yayımlanan materiallarda təqsirsizlik prezumpsiyasının pozulduğunu, şərəf və ləyaqətini alçaldan məlumatların dərc edildiyini bildirib. O, həmin məlumatların hüquq pozuntusu kimi tanınmasını, cavab vermək hüququnun təmin edilməsini, media qurumları tərəfindən üzr istənilməsini və dəymiş mənəvi zərərə görə ümumilikdə 6000 manat təzminat ödənilməsini tələb edib. Məhkəmədə cavabdeh tərəfdən yalnız “Trend”-in baş direktor müavini Sahil Kərimli iştirak edib. Proses boyunca...

Davamını oxu