İctimai-siyasi xəbərlər
6 yaşlı film... - “Film Fiction” - Reportaj
İlk elektron kino jurnalı
"Müasir insanı nə narahat edir? Dünyada baş verən hadisələrə onun qəlbi hansı cavablar tapır? Bax biz öz sənətimiz qarşısında bu sualları qoymalıyıq”.
Bu sözlər 20-ci əsrin məşhur italyan kinorejissoru Mikelancelo Antonioniyə məxsusdur. Hansısa səhifədə oxumuşdum.
Səhv etmirəmsə, səhifənin adı "Film Fiction” idi. Adı belə maraqlıdır. O dəqiqə məşhur "Pulp Fiction” səhnələrini xatırlayırsan. Adamın gözünün qabağına Tarantino möhtəşəmliyi, Uma Turman gözləri, Travolta saçları gəlir. Sonradan öyrəndim ki, elə "Film Fiction” adı da buradan qaynaqlanır.
2011-ci ilin sentyabrında ATMU tələbəsi Fuad Alqayevin ideyası ilə dörd gənc Azərbaycanın ilk elektron film jurnalını yaratdı. Onların arasında rejissor Şahin Xəlil, operator, kinoşünas Mətləb Muxtarov və ATMU tələbəsi Məcid Məcidov var idi.
Onlar ideyalarını genişləndirərək bu komanda ilə jurnalın 5-6 sayını dərc etdilər. Sonradan ADİU tələbəsi Bəhruz Qaraməmmədov da komandaya qoşuldu. O, 2015- ci ilə qədər jurnalın dizayn və tərtibat işləri ilə məşğul olmuşdu.
"6 yaşlı film”
"Film Fiction” jurnalı daha çox sənət kinosunu ( "Art House”) təbliğ edir. Hər 2-3 aydan bir jurnalın yeni sayı çıxır. Əvvəllər isə ildə 7-8 dəfə dərc olunurdu. Son aylardan başlayaraq altyazılar da göstərilir. Bu tip multimedia işləri ilə Elvin Cəbizadə məşğul olur.
İndiyə kimi jurnalın 32 sayı dərc edilib. Onların arasında "Azərbaycan kinosu”, "Sovet kinosu”, "LGBT”, "Türk kinosu”, "Seriallar”, "Müsahibələr” və başqa nömrələr var. "Azərbaycan kinosu” sayı xeyli oxucu toplaya bilib.
Bundan başqa, "Film Fiction”ın altı il ərzində 2 əlavə sayı da çıxıb. "Siyahılar” nömrəsində isə məşhur rejissorların maraqlı film tövsiyələrini görmək olar.
Jurnal 2012-ci ildə "Ölməzdən öncə izləməli olduğunuz 111 film” ensiklopediya kitabı layihəsinin təsisçilərindən biri olub.
Əsl kinonu qəlibdən ayıra bilirlər
Komanda üzvləri jurnalın məqsədini eyni sənət zövqünə malik insanları bir araya toplamaqda görür: "Biz burada həm yaxın dostlarıq, həm də eyni zövqləri paylaşırıq. Ancaq yaşlı nəsil bizi görməzdən gəlir, fəaliyyətimizi dəstəkləmir. Bu gün Azərbaycan kinosu acınacaqlı vəziyyətdədir. Məqsədimiz budur ki, insanlara yaxşını göstərək. Sabah Fransadakı kimi bir film Azərbaycanda çəkilsə, ən azı, nümayişə yüz adam toplaya bilək”.
Jurnalın hazırda 35 mindən artıq izləyicisi var.
"Gənc olmalarına baxmayaraq, jurnalın kollektivinin kinoya münasibəti təmənnasızdır. Bundan əlavə, onlar əsl kinonu qəlibdən ayıra bilirlər. Yalanın yox, həqiqətin yanındadırlar”, - bunu "Film Fiction” komandası haqqında Azərbaycan Kinematoqrafçılar İttifaqının katibi Əli İsa Cabbarov deyib.
"Jurnalın satın alınmasına razı olmadıq”
"Film Fiction” komandası jurnaldan heç bir maddi gəlir qazanmır. Onlar üçün yaradıcı fəaliyyət daha önəmlidir. Bir sıra şirkətlər əməkdaşlıq təklif etsə də, komanda üzvləri bundan imtina edir.
"Hətta bir sayt jurnalı satın almaq və bizə işçi kimi məvacib ödəmək istəyirdi. Razı olmadıq”, - deyə baş redaktor Şahin Xəlil deyir.
Jurnal üçün yazıları da kino həvəskarları, araşdırma aparan, resenziya yazan yaxud tərcümələr edən könüllülər hazırlayır. Onların fəaliyyəti nəticəsində yüzlərlə məqalə ilk dəfə Azərbaycan dilinə tərcümə edilib.
"Film Fiction” üçün ən doğma yazarlardan biri də Elmidar Süleymansoydur. Yazılar hər sayın öz mövzusuna uyğun hazırlanır. Bununla bağlı hansısa senzura yoxdur.
19-cu sayından "Film Fiction” şəxsi loqosu ilə yayımlanır.
2014-cü ildən jurnal "Eternity film” şirkətinin nəzdinə daxil edilib.
Jurnalın indiki heyətini təqdim edirik:
Baş redaktor: Şahin Xəlil
Redaktorlar: Nuranə Axundzadə, Mir Bağır
PR menecerlər: Fuad Alqayev, Mətləb Muxtarov
Dizayn və tərtibat: Tural Əlisoy
Nigar Mübariz
Toplum.Tv
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplummedia.tv
Facebook: https://www.facebook.com/toplumtv
İnstagram: https://www.instagram.com/toplum.media/
Telegram: https://t.me/Tvtoplum
Şikayətlərinizi bizə göndərin: info@toplum.tv
Oxşar Xəbərlər
Redaktorun Tövsiyələri
Musiqi məktəblərində ixtisarlar narazılıq yaradıb
Azərtac
Bakıda musiqi məktəblərində müəllimlərin ixtisara salınması xeyli sayda müəllim və valideynin narazılığına səbəb olub.
Bu barədə övladlarını musiqi məktəblərinə göndərən valideynlər “Toplum TV”-yə danışıb.
Bir çox müəllim və valideyn sosial şəbəkələrdə bu halla bağlı iradlarını paylaşıb.
Qızı Əminəni 6 ildir pianino təhsili almağa göndərən Gülnarə (adlar şərtidir - red.) deyir ki, musiqi məktəblərində attestasiyalar keçirilir və keçməyən müəllimlər işdən çıxarılır.
Gülnarə qeyd edir ki, əslində müəllim “qıtlığı yox, bolluğu” var, lakin attestasiyanın birdən-birə və tədris ilinin ortasında aparılması ajiotaj yaradıb.
“Qızımın ixtisara salınan müəllimlərindən biri çox yaxşı müəllim idi. Amma attestasiya gələndə şifahi yoxlamada özünü itirib, yaxşı cavab verməyib. Problem...
Bakıda taksi sürücüləri etiraz tətili edəcək
sosial media
Bakıda aprelin 2-dən başlamaqla minlərlə taksi sürücüsünün tətil etməyə hazırlaşdığı bildirilir.
Bu barədə Taksi Sürücüləri Birliyinin rəhbəri Elşad Eldarov “Oxu.az” saytına açıqlama verib.
Onun dediyinə görə, sürücülərin tələbləri “taksi dayanacaqlarının sayının artırılması, sərnişin mindirib-düşürmək üçün avtobus zolaqlarından istifadəyə icazə verilməsi və minimum qiymətə maksimum məsafə həddinin müəyyənləşdirilməsidir”.
Eldarov qeyd edib ki, tələblər yerinə yetirilməzsə, sürücülər tətil etməyə davam edəcək.
Məsələ ilə bağlı Azərbaycan Yerüstü Nəqliyyat Agentliyindən (AYNA) “Xəzər TV”ə bildirilib ki, Bakıda 130 taksi dayanacağı mövcuddur və yenilərinin əlavə olunması planlaşdırılır. Avtobus zolaqları ilə bağlı isə qeyd olunub ki, bu zolaqlardan yalnız avtobuslar və operativ nəqliyyat vasitələri istifadə edə bilər.
