Sosial

Arif Hacılı: "Polisə getmədim, dedilər ki, protokol göndəriləcək"

18 Fevral, 2021

2283

Vikipediya

"Mən polis bölməsinə getmədim, ondan sonra dedilər ki, yaşadığınız ünvana protokol göndəriləcək".

Müsavat Partiyasının başqanı Arif Hacılı Daxili İşlər Nazirliyinin (DİN) onun haqqında yaydığı açıqlamaya münasibət bildirərkən belə deyib.

Onun sözlərinə görə, DİN-in yaydığı açıqlama düzgün deyil: "Mən bildiriş, rəsmi müraciət olmadan getməyəcəyimi dedikdən sonra onlar mənə ikinci dəfə müraciət etdilər. Ona qədər isə polisə çağırılmışdım".

Arif Hacılı fevralın 18-də Yasamal Rayon Polis İdarəsinin 28-ci Polis Bölməsinə çağrılması barədə məlumatı "Feysbuk" hesabında paylaşıb.

"Ölkə polisi hərəkətə keçib. Arxamızca gəzib bizi izlədikləri bir yana, indi də mənimlə birlikdə şəhidlərimizin məzarlarını ziyarət etmiş Müsavat üzvləri polis idarələrinə çağırılır. Guya açıq havada, 10 nəfərdən az olan qrupların ziyarət mərasimində şəkil çəkdirmə zamanı bəzi Müsavat üzvlərinin maskalarını çıxarmaları hakimiyyəti o qədər narahat edib ki, Abşeron, Sabirabad, Biləsuvar və başqa rayonların polis idarələri həyəcana gəlib”, - o, qeyd edib.

DİN isə Arif Hacılının polis orqanlarına dəvət edilmədiyini açıqlayıb: "Arif Hacılı xüsusi karantin rejimi qaydalarını pozduğu üçün onun barəsində Yasamal Rayon Polis İdarəsi tərəfindən protokol tərtib edilib. Həmin protokol onun yaşadığı ünvana göndəriləcək”.

Arif Hacılı deyir ki, onunla birlikdə Şəhidlər Xiyabanını ziyarət edən müşaviri Azər İsmayıl da polisə çağırılıb və Sabirabad polisi onu “maska taxmadığına görə” cərimələyib.

Müavini Səxavət Soltanlı isə Qaradağ polisinə çağırılıb.

“Ziyarət zamanı bizim və bizimlə olan hər kəsin tibbi maskası olub, yalnız şəkil çəkilən zaman 1-2 epizodda tibbi maskaları çıxarmışıq deyə Sabirabad, Abşeron, Qaradağ polisi hərəkətə keçib. Bəzi dostlarımız artıq buna görə cərimələnib”, - deyə Səxavət Soltanlı bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Müsavat üzvü aksiya keçirərkən saxlanılıb

Müxalifətdən Baydenin açıqlamasına münasibət

Müsavat Partiyasının üzvü həbs olunub

Arif Hacılı: “Siyasi rəqiblərin bu şəkildə təqib edilməsi ləyaqətsizlikdir”

AXCP və Musavat Ağdam səfərində iştirak etməyib

Bu il Azərbaycanda azı 44 hərbçi qeyri-döyüş şəraitində vəfat edib

Redaktorun Tövsiyələri

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Sosial

Bu il Azərbaycanda azı 44 hərbçi qeyri-döyüş şəraitində vəfat edib

5 Oktyabr 2026

Şəmkir İH

2026-cı ilin əvvəlindən oktyabrın 4-dək Azərbaycanda azı 44 hərbi qulluqçu qeyri-döyüş şəraitində həyatını itirib. Bu barədə Xəzər Hərbi Tədqiqatlar İnstitutunun (XHTİ) son hesabatında deyilir. Məlumata görə, hərbi qulluqçulardan 13-ü müxtəlif xəstəliklərdən, 9-u avtomobil qəzasından, 7-si bədbəxt hadisədən, 5-i intihardan, 1-i isə ehtiyatsızlıqdan ölüb. Hesabatda 9 nəfərin ölüm səbəbinin açıqlanmadığı bildirilir. Bədbəxt hadisələr suda və dəm qazından boğulma, dağda sürüşmə, hündürlükdən yıxılma və paraşütün açılmaması ilə əlaqələndirilir. Monitorinqə əsasən, ölüm hallarının ən çox qeydə alındığı ay iyul olub. Həmin ay 11 hərbçi ölüb. Ölənlərin 30-u Müdafiə Nazirliyinin, 10-u Dövlət Sərhəd Xidmətinin, digər 4-ü isə Daxili Qoşunlar, Prezident Təhlükəsizlik Xidməti, Fövqəladə Hallar...

Davamını oxu

Sosial

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

15 Sentyabr 2026

aayda.gov.az

Azərbaycanda dövlət qurumlarının bir-biri ilə koordinasiyasız fəaliyyət göstərdiyi barədə vətəndaşlar tərəfindən vaxtaşırı şikayətlər səsləndirilir. İqtisadçı, Bakı sakini Rəşad Əliyev də sentyabrın 4-də belə bir müşahidəsini sosial media hesabında bölüşüb. “Deməli, təxminən 2 həftə əvvəl Azərbaycan Yerüstü Nəqliyyat Agentliyi (AYNA) gəlib uzun bir küçədə ödənişli parklanma tətbiq etmək üçün yolun hər iki tərəfinə xüsusi boya ilə parklanma yerləri çəkmişdi. Bunun üçün nə qədər işçi əməyi, xüsusi boya və digər materiallar, vaxt və resurs sərf olunmuşdu. Üstəlik, küçədə yaşayan və yoldan istifadə edən insanlar üçün nə qədər narahatlıq yaradılıb. İndi isə gözünə döndüyüm Azərbaycan Avtomobil Yolları Dövlət Agentliyi (AAYDA) gəlib həmin küçədə...

Davamını oxu