Siyasət

AXCP və Musavat Ağdam səfərində iştirak etməyib

17 Mart, 2021

2237

Açıq mənbələrdən götürülüb

Azərbaycanda fəaliyət göstərən partiyaların sədrləri və fəalları işğaldan azad edilmiş Ağdam rayonunda vəziyyətlə tanış olurlar.

"Turan"ın məlumatına görə, səfər martın 17-də səhər tezdən başlayb.

Heyətə Azərbaycan Respublikası Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev rəhbərlik edir.

"Ümid" partiyasının sədri İqbal Agazadənin telefonla verdiyi xəbərə görə o, digər siyasətçilərlə birlikdə hazırda Ağdamın Uzundərə bölgəsində ermənilərin törətdikləri vəhşilikləri müşahidə edir.

"Heç nə salamat qalmayıb, hər şeyi dağıdıblar", - deyə Ağazadə əlavə edib.

"Azərbaycan iqtidarının yaratdığı, 50 partiya və iqtidarın dialoqunda Müsavat Partiyası iştirakçı deyil, belə formatda təşkil olunan siyasi prosesdən qıraqdayıq. Bu, bizim öz qərarımızdır. Ağdam səfəri məhz bu siyasi oyunun tərkib hissəsidir, buna görə səfərdə iştirak etmirik. Biz Ağdama digər siyasətçilərlə birlikdə getmək təklifindən imtina etdik. Müsavatçıların özlərinin Azərbaycan torpaqlarının istənilən bölgəsinə getmək hüququ var və gedəcəklər", - deyə Müsavat Partiyasının başqanı Arif Hacılı məlumat verib.

Azərbaycan Xalq Cəbhəsi Partiyasının sədr müavini Seymur Həzinin sözlərinə görə, Xalq Cəbhəsi Partiyası Ağdam səfərinə dəvət almayıb. Seymur Həzi hesab edir ki, işğaldan azad olunmuş əraziyə xarici siyasətçilər və jurnalistlər getməlidir. Yerli insanların oradakı vəziyyətdən onsuz da xəbəri var.

"Prezident Administrasiyasının bu tədbiri daxili siyasi auditoriyaya yönəlib. Azərbaycan Xalq Cəbhəsi Partiyası olaraq dəvət almamışıq və buna görə səfərdə iştirakımızı müzakirə etməyin mənası yoxdur", - deyə Seymur Həzi bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

DİN AXCP-nin aksiyasının qarşısının alınacağını bildirir

Polis AXCP fəalını saxlayıb

DİN: AXCP-nin keçirmək istədiyi piketin qarşısı alınacaq

AXCP Bakı meriyası qarşısında etiraz aksiyası keçirəcək

DİN: Razılaşdırılmamış aksiyanın qarşısı alınacaq

AXCP-nin etiraz aksiyasına icazə verilmədi

Redaktorun Tövsiyələri

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

63 milyondan çox vəsaitin ayrıldığı penitensiar müəssisələrdə ağır sanitar-gigiyena problemləri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Siyasət

Azərbaycanda keçirilməsi nəzərdə tutulan Rusiya mədəniyyəti tədbirləri ləğv edilib

30 İyun 2025

Foto: Açıq mənbə

Azərbaycanda Rusiya dövlət və özəl müəssisələrinin xətti ilə keçirilməsi nəzərdə tutulan mədəniyyət tədbirləri, o cümlədən konsertlər, festivallar, tamaşalar və sərgilər ləğv edilib. Bu barədə iyunun 29-da Mədəniyyət Nazirliyi məlumat yayıb. Məlumatda bildirilir ki, qərara səbəb Rusiyanın Yekaterinburq vilayətində azərbaycanlılara qarşı Rusiyanın hüquq-mühafizə orqanları tərəfindən “nümayişkarcasına törədilmiş məqsədli və mühakiməsiz qətl və zorakılıq əməlləri və bütövlükdə son dövrlərdə bu kimi halların sistematik xarakter almasıdır”. Bundan əvvəl Rusiya Baş nazirinin müavini Aleksey Overçukun bu günlərdə Azərbaycana nəzərdə tutulan səfərinin ləğv olunduğu xəbəri də yayılmışdı. İyunun 27-də Yekaterinburqda Rusiya Federal Təhlükəsizlik Xidmətinin əməliyyatı nəticəsində iki azərbaycanlı öldürülüb, ikisi isə yaralanıb. Ümumilikdə doqquz azərbaycanlının...

Davamını oxu

Siyasət

Akif Qurbanovdan Ramil Babayevə doğum günü təbriki

29 İyun 2025

Foto: Toplum TV

III Respublika Platformasının spikeri Akif Qurbanov təcridxanadan Demokratik Təşəbbüslər İnstitutunun əməkdaşı Ramil Babayevin doğum gününü təbrik edib: Doğum günün mübarək, dəyərli Ramil bəy! Bu dəmir barmaqlıqlar, qalın divarlar sənin azadlığını əlindən ala bilər, amma inamını, səsini, haqqın tərəzisində ucalan vicdanını yox... Sən gəncsən – gənc, amma düşüncələrin qocaman bir xalqın yükünü daşıyacaq qədər yetkindir. Bu torpağın əsl neməti, haqsızlığa susmayan, dəyərlərinə sadiq, insan haqlarına bağlı, millətin azad sabahını yazmağa gəlmiş gənclərindənsən. Səninlə eyni taleyi, eyni məkanı, eyni məhrumiyyətləri paylaşırıq. Amma ən çox bir amalı bölüşürük: Azad, ədalətli və ləyaqətli bir Azərbaycan arzusu! Sənin hər bir sözündə qətiyyət, hər bir baxışında...

Davamını oxu