Siyasət

Müsavat Partiyasının üzvü həbs olunub

6 Aprel, 2021

1984

Sosial Media

Müsavat Partiyasının üzvü Nizaməli Süleymanov Suraxanı Rayon Məhkəməsinin qərarı ilə İnzibati Xətalar Məcəlləsinin 206-cı maddəsi (Qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi - red.) üzrə təqsirli bilinərək aprelin 5-də inzibati qaydada 20 sutka həbs olunub.

Bu barədə aprelin 6-da Müsavat Partiyasının mətbuat xidmətindən məlumat verilib.

Məlumata görə, N.Süleymanov narkotik istifadəçisi deyil və öz siyasi fəaliyyətinə görə həbs olunub: "Nizami bəyin özünün bizə verdiyi məlumata görə, onu müxtəlif üsullarla təhdid edib partiyadab çıxmağını tələb edirdilər və çıxmadığı üçün cəzalandırırlar".

Mətbuat xidməti onu da qeyd edib ki, N.Süleymanov son dövrlərdə ciddi təzyiqlərə məruz qalıb: "Bu gün isə o, Suraxanı Rayon 30-cu polis bölməsinə çağırılıb, ondan yenə partiyadan istefa verməyə tələb olunub. O isə öz növbəsində polisin siyasətə qarışmasını kobud müdaxiləsi kimi qiymətləndirilib. Sonra isə Nizami bəy məhkəməyə aparılıb və həbs olunub".

N.Süleymanovla bir yerdə onun qardaşı oğlu Akif Süleymanovun da 20 sutka həbs cəzası aldığı bildirilir.

Müsavat Divanı polisin siyasətə müdaxiləsinə və müxalifət fəallarına qarşı təzyiqlərə son qoyulmasını tələb edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Müsavat üzvü aksiya keçirərkən saxlanılıb

AXCP və Musavat Ağdam səfərində iştirak etməyib

Arif Hacılı: "Polisə getmədim, dedilər ki, protokol göndəriləcək"

Memar: "Tarixi irsin zədələnməsi prosesi Memarlar İttifaqının binasına da çatıb"

AXCP üzvünə sosial media paylaşımına görə 10 sutka həbs verilib

Kamal İsayevin apellyasiya iclası eyni hakimin işə baxmasına etirazdan sonra təxirə salınıb

Redaktorun Tövsiyələri

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Siyasət

Memar: "Tarixi irsin zədələnməsi prosesi Memarlar İttifaqının binasına da çatıb"

28 Oktyabr 2026

sosial media

Azərbaycan Memarlar İttifaqının yerləşdiyi binanın fasadının zədələndiyi bildirilir. Bu barədə oktyabrın 27-də memar və ictimai fəal Abdul Hüseynov sosial media hesabında məlumat verib. "Bu il Azərbaycan Memarlar İttifaqı yaradılmasının 90 illiyini qeyd edir. Tarixi-memarlıq irsinin kütləvi şəkildə sökülməsi, eləcə də Bayırşəhər ərazisini əhatə edən fərdi memarlıq abidələrinin zədələnməsi prosesi Memarlar İttifaqının binasına da təsir edib. Memarlıq abidəsinin yaxınlığında hasar çərçivə və onun çəpəri quraşdırılıb, divarları bərkidilib", - o qeyd edib. Paytaxtın Bayırşəhər kimi tanınan ərazisində Murtuza Muxtarov küçəsində yerləşən bina 1899-cu ildə inşa edilib və dövlət əhəmiyyətli memarlıq abidələrinin reyestrində yer alır. Faktın ictimailəşməsindən sonra Memarlar İttifaqı sosial media hesabında...

Davamını oxu

Siyasət

AXCP üzvünə sosial media paylaşımına görə 10 sutka həbs verilib

28 Oktyabr 2026

sosial media

Azərbaycan Xalq Cəbhəsi Partiyasının (AXCP) Suraxanı rayon şöbəsinin üzvü Layiq Rəşidov 10 sutka müddətinə inzibati qaydada həbs olunub. AXCP Nərimanov rayon şöbəsinin sədr müavini Gülnarə Rəhimova bu barədə “Meydan TV”yə bildirib. Onun sözlərinə görə, kombi ustası kimi çalışan Layiq Rəşidov oktyabrın 26-da Suraxanı rayonunun Qaraçuxur qəsəbəsində yerləşən evlərdən birinə təmir işləri görmək üçün gedib. “Rəşidov evdə işlədiyi vaxt qapı döyülüb. Qapını açan ev sahibinin qarşısına mülki geyimli dörd nəfər çıxıb. Onlar həyətdəki avtomobilin kimə məxsus olduğunu soruşublar. Ev sahibi maşının kombi ustasına aid olduğunu deyib”, - Rəhimova bildirib. Gülnarə Rəhimovanın bildirdiyinə görə, həmin şəxslər avtomobilə zərər dəydiyini və maşının sürtüldüyünü...

Davamını oxu