İctimai-siyasi xəbərlər
Cahangir Hacıyevin həyat yoldaşının müsadirə edilmiş mülkləri satışa çıxarılıb
açıq mənbədən götürülüb
Azərbaycan Beynəlxalq Bankının (ABB) keçmiş rəhbəri Cahangir Hacıyevin həyat yoldaşı Zamirə Hacıyevanın müsadirə edilmiş əmlakları satışa çıxarılıb.
BBC xəbər verir ki, söhbət Berkşirdəki qolf klubu və Naytsbricdəki evdən gedir.
Onlar ümumilikdə 19.5 milyon funt-sterlinq məbləğində satışa çıxarılıb. Satışa çıxarılan evə 14.75 milyon funt-sterlinq həcmində məbləğ qoyulub.
1990-cı illərin əvvəlində inşa edilmiş qolf klubu isə 4.25 milyon funt-sterlinqə satışa çıxarılıb.
Böyük Britaniya Milli Cinayətkarlıqla Mübarizə Agentliyinin (NCA) nümayəndəsi keçən il bildirib ki, qolf klubu və ev satıldıqdan sonra gəlirin 70 faizi hökumətdə qalacaq, 30 faizi Z.Hacıyevaya qaytarılacaq.
C.Hacıyev 2001-2015-ci illərdə Azərbaycan Beynəlxalq Bankının idarə heyətinin sədri olub.
O, 2015-ci ilin dekabrında Azərbaycan hakimiyyəti tərəfindən həbs edilib, daha sonra 2016-cı ildə mənimsəmə, vəzifə səlahiyyətlərindən sui-istifadə, külli miqdarda dələduzluq ittihamı ilə məhkum edilib.
2019-cu ildə Cahangir Hacıyev əsasən, ABB-nin Moskvadakı törəmə müəssisəsində mənimsəmə şübhəsi ilə bağlı əlavə ittihamlarla üzləşib. Azərbaycan məhkəməsi onu növbəti dəfə təqsirli bilib, cəzasının ümumi müddətini il yarım artırıb. Məhkəmə qərara alıb ki, Hacıyev ABB-nin sədri olduğu müddətdə Azərbaycandan kənarda qeydiyyatdan keçmiş şirkətlərlə sadə veksellərin alqı-satqısı yolu ilə bankdan pul çıxarıb.
Nəticədə, “əsasən xarici yurisdiksiyalarda yerləşən, çox vaxt çirkli pulların yuyulmasına qarşı nəzarəti zəif olan 69 şirkətlə 922 müqavilə bağlanıb. Həmin şirkətlərin maliyyə sabitliyi və ödəmə qabiliyyəti, fəaliyyət dairəsi, kredit tarixçəsi və s. baxımından düzgün qiymətləndirilmədən əməliyyatların bağlandığı bildirilir”, – deyə məhkəmənin qərarında bildirilir.
Hacıyev ona qarşı irəli sürülən ittihamları rədd edib.
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplummedia.tv
Facebook: https://www.facebook.com/toplumtv
İnstagram: https://www.instagram.com/toplum.media/
Telegram: https://t.me/Tvtoplum
Şikayətlərinizi bizə göndərin: info@toplum.tv
ADY: Bakı-Tbilisi-Bakı dəmir yolu reysi ilə bağlı yekun qərar yoxdur
ADY
GİPA-nın təqaüd proqramı rəsmi olaraq dayandırıldı
GİPA
