Dünya

“Bloomberg”: Rusiya may ayında neft satışlarından rekord gəlir əldə edib

8 iyun, 2026

135

Getty Images

Bu ilin əvvəlindən etibarən Rusiyanın xam neft tədarükünün orta həcmi sutkada 3,46 milyon barel təşkil edib.

“Bloomberg” agentliyi tanker daşımalarına dair məlumatlara istinadən yazır ki, bu, 2025-ci ilin göstəricisindən təxminən 120 min barel çoxdur və eyni zamanda 2022-2024-cü illər üzrə orta illik göstəriciləri də üstələyir.

Agentliyin qiymətləndirməsinə görə, ixrac həcmlərinin artması Ukraynanın Rusiya neft emalı zavodlarına endirdiyi zərbələrlə bağlıdır. Nəticədə Rusiya neft şirkətləri xam neftin emalında çətinliklərlə üzləşir və məhsulu daha fəal şəkildə xarici bazarlara yönəldirlər.

Hazırda dənizdə tankerlərdə daşınan Rusiya neftinin həcmi 124 milyon barelə çatıb. Tanker daşımalarının monitorinqi üzrə məlumatlara əsasən, bu neftin demək olar ki, hamısı hazırda təyinat məntəqələrinə doğru hərəkətdədir və dənizdə gözləmə rejimində qalmayıb.

Rusiya neftinin əsas alıcıları arasında Hindistan da yer alır. Ölkə may ayında Rusiyadan xam neft idxalını fevral ayı ilə müqayisədə 63 faiz artırıb. Bu artım ABŞ-nin Rusiya neftinin alınmasına tətbiq etdiyi məhdudiyyətlərin zəifləməsi fonunda baş verib.

Yaxın Şərqdə hərbi qarşıdurmanın dərinləşməsi və dünya bazarlarında neft qiymətlərinin yüksəlməsi Rusiyanın neft ixracından əldə etdiyi gəlirlərin kəskin artmasına səbəb olub.

“Bloomberg”-in hesablamalarına görə, 2026-cı ilin əvvəlində Moskva neft satışlarından həftəlik təxminən 1-1,2 milyard dollar gəlir əldə edirdisə, may ayına qədər bu göstərici 2-2,5 milyard dollara yüksəlib. Bu, Ukraynada genişmiqyaslı müharibənin başlanmasından bəri qeydə alınan ən yüksək göstəricidir.

May ayının sonunda “Reuters” agentliyi yazmışdı ki, Ukrayna pilotsuz uçuş aparatlarının hücumlarından sonra Rusiyanın mərkəzi bölgələrində yerləşən demək olar ki, bütün iri neft emalı zavodları istehsalı ya dayandırmağa, ya da azaltmağa məcbur olub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Cəmil Həsənli: “Əməkhaqqı artımı yalnız bir zümrə üçün olmamalıdır”

Mirzoyan: “Ermənistanın əsas məqsədi Azərbaycanla sülh sazişinin tezliklə imzalanmasıdır”

Cəmil Həsənli: “Ramiz Mehdiyevin məhkəməsi bitsə də, ölkədən çıxışıma qoyulan qadağa götürülməyib”

Ərdoğan: “Noyabrın 8-də Azərbaycana səfər etməyi düşünürəm”

Sabunçu sakininin hicabla bağlı aksiyaya dəstək paylaşımından sonra 15 sutka həbs edildiyi bildirilir

Ermənistan İstintaq Komitəsinin sədri: “Nəsimi Musayevin kimisə öldürmək niyyəti olmayıb”

Redaktorun Tövsiyələri

Ruslan İzzətli yazır: “Rusiya Cənubi Qafqazdan imtina etməyəcək”

“Mütəşəkkil dəstə”dən penitensiar sistemin rəhbərliyinə: ‘Məhbusların həyatına görə məsuliyyəti kim daşıyır?’

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

İnanclı məhbus Fərid İsmayılova danışıb: “Hökumət bayraqdakı yaşıl rəngi soldurmaq istəyir”

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

Dünya

Mirzoyan: “Ermənistanın əsas məqsədi Azərbaycanla sülh sazişinin tezliklə imzalanmasıdır”

5 noyabr 2026

sosial media

Ermənistan 2027-ci ildə də qonşu ölkələrlə münasibətlərinin normallaşdırılması və inkişafı istiqamətində addımlar atacaq. “Armenpress”in məlumatına görə, bunu noyabrın 5-də Ermənistanın xarici işlər naziri Ararat Mirzoyan parlamentin daimi komissiyalarının birgə iclasında çıxışı zamanı bildirib. Mirzoyan qeyd edib ki, Ermənistanın əsas məqsədi Azərbaycanla sülh sazişinin mümkün qədər tez imzalanmasına nail olmaqdır. “Bizim öhdəliyimiz Azərbaycanla sülh sazişinin ən qısa zamanda imzalanmasını, daha sonra isə ratifikasiya olunmasını təmin etməkdir. Bununla yanaşı, sülhü daha da möhkəmləndirən addımları və əməkdaşlığın genişləndirilməsini, o cümlədən ikitərəfli ticarəti davam etdirəcəyik”, - nazir vurğulayıb. Ermənistanın Türkiyə ilə münasibətlərinə də toxunan Mirzoyan iki ölkə arasında dialoqun fəal və səmərəli xarakter aldığını...

Davamını oxu

Dünya

Vens: “Seçkini İranla müharibəyə görə uduzduq”

5 noyabr 2026

sosial media

ABŞ-nin vitse-prezidenti Cey Di Vens Respublikaçılar Partiyasının aralıq seçkilərində ağır məğlubiyyətinin əsas səbəbinin İranla müharibə olduğunu bildirib. Vens bu barədə öz “X” hesabında paylaşım edib. O bildirib ki, keçirdiyi sorğuların nəticələrinə əsasən, problem Respublikaçı seçicilərin səsverməyə getməməsi deyil, 2024-cü ildə prezident Donald Trampa və ona səs verənlərin bir qisminin bu dəfə Demokratlara dəstək verməsidir. Vensin sözlərinə görə, seçicilərin narazılığına İranla müharibə, yaşayış xərclərinin və inflyasiyanın artması, eləcə də ABŞ-nin İsraillə münasibətləri səbəb olub. Vitse-prezident qeyd edib ki, müharibənin Respublikaçılar üçün siyasi nəticələri ağır olub və bu qərarın ölkəyə hansı bahasına başa gəldiyi barədə açıq danışmaq lazımdır. O, Respublikaçıları baş verənlərdən...

Davamını oxu