Dünya

Vens: “Seçkini İranla müharibəyə görə uduzduq”

5 noyabr, 2026

sosial media

ABŞ-nin vitse-prezidenti Cey Di Vens Respublikaçılar Partiyasının aralıq seçkilərində ağır məğlubiyyətinin əsas səbəbinin İranla müharibə olduğunu bildirib.
Vens bu barədə öz “X” hesabında paylaşım edib.
O bildirib ki, keçirdiyi sorğuların nəticələrinə əsasən, problem Respublikaçı seçicilərin səsverməyə getməməsi deyil, 2024-cü ildə prezident Donald Trampa və ona səs verənlərin bir qisminin bu dəfə Demokratlara dəstək verməsidir.
Vensin sözlərinə görə, seçicilərin narazılığına İranla müharibə, yaşayış xərclərinin və inflyasiyanın artması, eləcə də ABŞ-nin İsraillə münasibətləri səbəb olub. Vitse-prezident qeyd edib ki, müharibənin Respublikaçılar üçün siyasi nəticələri ağır olub və bu qərarın ölkəyə hansı bahasına başa gəldiyi barədə açıq danışmaq lazımdır.
O, Respublikaçıları baş verənlərdən nəticə çıxarmağa və partiyanın gələcək fəaliyyətinə diqqət yetirməyə çağırıb. Vens iqtisadi məsələlərlə bağlı seçki kampaniyası mesajlarının da kifayət qədər təsirli olmadığını etiraf edib.
Donald Tramp da müharibənin seçkilərdəki məğlubiyyətə təsir etdiyini qəbul edib. O, bununla belə, İrana qarşı hərbi əməliyyata başlamaq qərarından peşman olmadığını bildirib və müharibənin zəruri olduğunu vurğulayıb.
İranla müharibə qlobal neft təchizatına təsir göstərib və ABŞ-də yanacağın qiymətinin kəskin artmasına səbəb olub. Seçkilər zamanı keçirilən sorğuların nəticələrinə görə, seçicilərin təxminən 80 faizi inflyasiyanın onların həyatına mənfi təsir etdiyini bildirib. Respondentlərin 60 faizi isə yaşayış xərclərinin artmasına görə Tramp administrasiyasının siyasətini məsul tutub.
Noyabrın 3-də keçirilən seçkilər Donald Trampın ikinci prezidentlik müddətinin ilk aralıq seçkiləri olub. Seçkilər nəticəsində Demokratlar həm Nümayəndələr Palatasında, həm də Senatda çoxluğu ələ keçirərək Respublikaçıların Konqres üzərindəki nəzarətinə son qoyublar.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Cəmil Həsənli: “Ramiz Mehdiyevin məhkəməsi bitsə də, ölkədən çıxışıma qoyulan qadağa götürülməyib”

Mirzoyan: “Ermənistanın əsas məqsədi Azərbaycanla sülh sazişinin tezliklə imzalanmasıdır”

Ərdoğan: “Noyabrın 8-də Azərbaycana səfər etməyi düşünürəm”

Sabunçu sakininin hicabla bağlı aksiyaya dəstək paylaşımından sonra 15 sutka həbs edildiyi bildirilir

Ermənistan İstintaq Komitəsinin sədri: “Nəsimi Musayevin kimisə öldürmək niyyəti olmayıb”

Həyat yoldaşı: “Yaşar Ağazadənin aclıq aksiyası qeydə alınmayıb”

Redaktorun Tövsiyələri

Ruslan İzzətli yazır: “Rusiya Cənubi Qafqazdan imtina etməyəcək”

“Mütəşəkkil dəstə”dən penitensiar sistemin rəhbərliyinə: ‘Məhbusların həyatına görə məsuliyyəti kim daşıyır?’

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

İnanclı məhbus Fərid İsmayılova danışıb: “Hökumət bayraqdakı yaşıl rəngi soldurmaq istəyir”

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

Dünya

Mirzoyan: “Ermənistanın əsas məqsədi Azərbaycanla sülh sazişinin tezliklə imzalanmasıdır”

5 noyabr 2026

sosial media

Ermənistan 2027-ci ildə də qonşu ölkələrlə münasibətlərinin normallaşdırılması və inkişafı istiqamətində addımlar atacaq. “Armenpress”in məlumatına görə, bunu noyabrın 5-də Ermənistanın xarici işlər naziri Ararat Mirzoyan parlamentin daimi komissiyalarının birgə iclasında çıxışı zamanı bildirib. Mirzoyan qeyd edib ki, Ermənistanın əsas məqsədi Azərbaycanla sülh sazişinin mümkün qədər tez imzalanmasına nail olmaqdır. “Bizim öhdəliyimiz Azərbaycanla sülh sazişinin ən qısa zamanda imzalanmasını, daha sonra isə ratifikasiya olunmasını təmin etməkdir. Bununla yanaşı, sülhü daha da möhkəmləndirən addımları və əməkdaşlığın genişləndirilməsini, o cümlədən ikitərəfli ticarəti davam etdirəcəyik”, - nazir vurğulayıb. Ermənistanın Türkiyə ilə münasibətlərinə də toxunan Mirzoyan iki ölkə arasında dialoqun fəal və səmərəli xarakter aldığını...

Davamını oxu

Dünya

Ermənistan müxalifətinin liderlərindən biri Samvel Karapetyan həbs olunub

4 noyabr 2026

sosial media

Ermənistanın tanınmış iş adamı, “Tashir” şirkətlər qrupunun təsisçisi və “Güclü Ermənistan” müxalifət partiyasının lideri Samvel Karapetyan noyabrın 4-də həbs olunub. Bu barədə Ermənistanın İstintaq Komitəsi məlumat yayıb. Qurumun açıqlamasına görə, Karapetyan və daha 35 nəfərlə bağlı “Ermənistan Elektrik Şəbəkələri” şirkətinə külli miqdarda maddi ziyan vurulması, etibar edilmiş əmlakın mənimsənilməsi və çirkli pulların yuyulması iddiaları üzrə cinayət təqibi başlanıb. İstintaq Komitəsinin məlumatında şirkətə dəymiş ümumi ziyanın 64 milyard 585 milyon dramdan çox olduğu bildirilir. Qurumun versiyasına görə, 2016–2024-cü illərdə şirkətin rəhbər şəxsləri real ehtiyacdan artıq kredit vəsaitləri cəlb edib, sonradan həmin vəsaitləri səhmdarlara dividend, eləcə də əlaqəli şirkətlərə borc və avans...

Davamını oxu