Dünya

Paşinyan “soyqırımı abidəsi”nin direktorunu Vensə Qarabağ müharibəsi haqda kitab verdiyinə görə işdən çıxarıb

12 Mart, 2026

Foto/kollaj: Toplum TV

Ermənistan baş naziri Nikol Paşinyan Yerevanda yerləşən “Erməni Soyqırımı” Abidə-Kompleksinin direktorunu ABŞ vitse-prezidenti Ceyms Vensə Qarabağ müharibəsi haqda kitab verdiyinə görə işdən çıxardığını deyib.

Daha öncə Ermənistan mətbuatında ötən ay Azərbaycan və Ermənistana səfər etmiş Vensin “soyqırımı abidəsi”nə ziyarəti zamanı direktor Edita Qzoyan tərəfindən Qarabağ müharibəsi haqda kitab hədiyyə aldığı və direktorun məhz buna görə işdən çıxarıldığı xəbəri yayılmışdı.

Abidə-Kompleksin tabe olduğu Ermənistanın Təhsil Nazirliyi isə iddianı yalanlamış, Qzoyanın kompleksdəki təmir-bərpa işlərinə düzgün nəzarət etmədiyinə görə işdən çıxarıldığını bildirmişdi.

Baş nazir martın 12-də keçirdiyi brifinqdə xəbəri təsdiqləyib və belə əsaslandırıb ki, Qzoyan Vensə bu kitabı hədiyyə etməklə Ermənistanın hazırki xarici siyasətinə zidd hərəkət edib.

Paşinyan 1980-ci illərdə Sovet hakimiyyətini Dağlıq Qarabağı Ermənistana verməyə çağırmaq üçün başlayan Qarabağ Hərəkatının “davam etməməli” olduğuna inandığını bir daha təkrarlayıb.

“Xarici qonağa Artsax [Dağlıq Qarabağ - red.] məsələsi haqqında kitab vermək nə deməkdir? Bu, təxribatdır. Bu ölkədə xarici siyasət yürütmək qabiliyyətinə malik neçə nəfər var? Ermənistanda hökumətin yürütdüyü xarici siyasətə zidd olan bəyanat verən hər hansı bir dövlət məmuru vəzifəsindən azad edilməlidir. Burada müzakirə ediləcək nə var ki?”, - o qeyd edib.

Azərbaycan və Ermənistan ötən ilin avqustun 8-də Vaşinqtonda sülh müqaviləsini paraflayıblar.

Paşinyan daha öncə də “erməni soyqırımı” haqda danışarkən erməni ictimaiyyətində mübahisə doğuran açıqlamalar verib. O, “soyqırımı” konseptinin məhz sovet hökuməti tərəfindən cəmiyyətə aşılandığını deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

AXCP fəalı 30 sutkalıq həbs olunub

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

"QHT işi" üzrə həbs olunmuş Asəf Əhmədova 8 il həbs cəzası verildi

Azərbaycan hökuməti ölkədə sərbəst toplaşmaq azadlığının pozuntusunu tanıyıb

"Human Rights Watch" Azərbaycan hakimiyyətini Rüfət Səfərovu azad etməyə çağırır

“Naxçıvan TV” əməkdaşları: “Bu qədər laqeyd münasibət görməmişik, etiraz aksiyasına hazırlaşırıq”

Redaktorun Tövsiyələri

İcbari Tibbi Sığorta Fonduna ödənişlər niyə azalır?

Azərbaycan məhbus sayında Avropanın ikincisidir: alternativ cəzalar niyə işləmir?

Nazirin sual doğuran müsahibəsi: Özəl sektor güclüdürsə, artım niyə dövlət layihələrindən asılıdır?

İqtisadçı: “Faktiki olaraq inflyasiya maaş artımının 90 faizdən çoxunu udur”

Ekspertlərdən tənqid: iddialı nazirlik, zəif hazırlanmış və hədəfləri doğru seçilməmiş proqram

Beynəlxalq təşkilatlar: “Toplum TV işi”ndə tələb olunan cəzalar tənqidi jurnalistikadan qisas məqsədi daşıyır”

Dünya

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

17 İyun 2026

Reuters

ABŞ və İran arasında imzalanacaq, lakin mətni hələ açıqlanmayan razılaşmada İrana 300 milyard ABŞ dolları dəyərində özəl sərmayə yatırımının nəzərdə tutulduğu bildirilir. Bu barədə iyunun 17-də "Reuters" agentliyi adını açıqlamadığı mənbəyə istinadən məlumat yayıb. Məlumata görə, razılaşmanın tərkib hissəsi kimi 300 milyard dollarlıq fond yaradılacaq və bütün vəsait özəl sektor hesabına yığılacaq. Artıq sərmayənin yarısı ilə bağlı konkret öhdəliklər götürüldüyü də bildirilir. Mənbə konkret şirkət adları çəkməsə də, ABŞ, Fars Körfəzi ölkələri, Asiya, Cənubi Amerika və Afrikada yerləşən şirkətlərin sərmayə ayırmağa razılıq verdiyini bildirib. O əlavə edib ki, vəd edilmiş investisiyalar enerji, logistika, istehsal və nəqliyyat sahələrini əhatə edəcək. İran...

Davamını oxu

Dünya

Siyasi karikaturaları ilə tanınan rusiyalı rəssam Polşada öldürülüb

16 İyun 2026

Sosial media

Polşanın Byala Podlyaska şəhərində rusiyalı rəssam Semyon Skrepetski silahlı hücum nəticəsində qətlə yetirilib. Hadisə barədə yerli polisə istinadən “Onet” və “Polsat News” nəşrləri məlumat yayıb. Bildirilir ki, silahlı şəxs avtomobil dayanacağında ona yaxınlaşaraq yaxın məsafədən bir neçə dəfə atəş açıb. Şübhəlilərdən biri Byala Podlyaskadakı Belarus konsulluğunun yaxınlığında saxlanılıb. “DzikMedia” isə iddia edir ki, qətli törədən şəxslər hadisə yerinə Belarusdan olan taksi sürücüsü tərəfindən gətirilib. Polşa Prokurorluğunun mətbuat xidməti qətl hadisəsinin baş verdiyini təsdiqləsə də, onun kimliyini açıqlamayıb. Semyon Skrepetski rusiyalı rəssam Robert Kuzovkovun yaradıcılıq təxəllüsüdür. O, siyasi karikaturaları ilə tanınıb. Skrepetski Vladimir Putin, Aleksey Navalnı, Ramzan Kadırov və Aleksandr Lukaşenko...

Davamını oxu