Dünya

"Reuters": 'ABŞ-İran razılaşmasında İrana 300 milyardlıq sərmayə nəzərdə tutulub'

17 İyun, 2026

Reuters

ABŞ və İran arasında imzalanacaq, lakin mətni hələ açıqlanmayan razılaşmada İrana 300 milyard ABŞ dolları dəyərində özəl sərmayə yatırımının nəzərdə tutulduğu bildirilir.

Bu barədə iyunun 17-də "Reuters" agentliyi adını açıqlamadığı mənbəyə istinadən məlumat yayıb.

Məlumata görə, razılaşmanın tərkib hissəsi kimi 300 milyard dollarlıq fond yaradılacaq və bütün vəsait özəl sektor hesabına yığılacaq. Artıq sərmayənin yarısı ilə bağlı konkret öhdəliklər götürüldüyü də bildirilir.

Mənbə konkret şirkət adları çəkməsə də, ABŞ, Fars Körfəzi ölkələri, Asiya, Cənubi Amerika və Afrikada yerləşən şirkətlərin sərmayə ayırmağa razılıq verdiyini bildirib. O əlavə edib ki, vəd edilmiş investisiyalar enerji, logistika, istehsal və nəqliyyat sahələrini əhatə edəcək.

İran Yaxın Şərqin ən böyük iqtisadiyyatlarından birinə malik olsa da, son dörd onillikdə demək olar ki, heç bir əhəmiyyətli xarici investisiya cəlb edə bilməyib. Ardıcıl beynəlxalq sanksiyalar nəticəsində ölkə qlobal kapital bazarlarından təcrid olunub.

Mənbənin bildirdiyinə görə, sərmayə fondu ABŞ sanksiyalarının ləğvi və xaricdə dondurulmuş İran dövlət aktivlərinin azad edilməsi ilə bağlı paralel danışıqlar prosesindən tamamilə ayrıdır. Mənbə qeyd edib ki, bunlar məqsədləri və vaxt çərçivələri fərqli olan iki ayrı maliyyə mexanizmidir.

ABŞ və İran arasında münaqişənin dayanması ilə bağlı yekun razılaşmanın iyunun 19-da Cenevrədə imzalanacağı gözlənilir.

Fevralın 28-də ABŞ və İsrail İrana havadan hücumlar həyata keçirməyə başlayıb. İran isə cavab olaraq Hörmüz boğazını əksər ölkələrin tankerlərinə bağlayıb.

Aprelin 7-də Pakistanın vasitəçiliyi ilə tərəflər arasında atəşkəs əldə olunsa da, münaqişə tam başa çatmayıb və Hörmüz boğazı açılmayıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

“Toplum TV işi” üzrə apellyasiya prosesi başlayır

Səməd Seyidov: “Hamı növbəyə yığışacaq ki, Qarabağa investisiya qoysun”

Moskva Britaniyanı hərbi obyektlərini hədəfə almaqla hədələyib

2027-ci ilin büdcə proqnozu: Neft gəlirləri azalır, vergi gözləntiləri artır

Avropa İttifaqı raket və dron alınması üçün Ukraynaya 3,3 milyard avro ayırıb

DTX 5 ölkədə keçirilən əməliyyatlarda 10 nəfərin saxlanıldığını bildirir

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

Moskva Britaniyanı hərbi obyektlərini hədəfə almaqla hədələyib

18 Sentyabr 2026

rbc

“Ukraynada Rusiya ərazisinə zərbələr endirmək üçün istifadə olunan istənilən Britaniya hərbi obyekti qanuni hədəfdir”. Bunu sentyabrın 18-də Rusiya Xarici İşlər Nazirliyinin sözçüsü Mariya Zaxarova bildirib. Rusiya XİN Böyük Britaniyanın Ukraynaya silah və pilotsuz uçuş aparatlarının (PUA) tədarükünü artırmasına da etiraz edib. Bununla əlaqədar Britaniyanın Moskvadakı müvəqqəti işlər vəkili nazirliyə çağırılıb. Moskva Londonu gərginliyi artıracaq addımlardan çəkinməyə çağırıb və “özünümüdafiə hüququ” çərçivəsində cavab tədbirləri görə biləcəyini bildirib. Rusiya tərəfi vəziyyətin daha da gərginləşməsinə görə məsuliyyətin Londonun üzərinə düşəcəyini bəyan edib. Sentyabrın 17-də Rusiyanın ATƏT-dəki daimi nümayəndəsi Dmitri Polyanski də Britaniyanın Ukraynaya PUA tədarükünü Moskvanın “müharibədə birbaşa iştirak” kimi qiymətləndirə biləcəyini söyləyib....

Davamını oxu

Dünya

Avropa İttifaqı raket və dron alınması üçün Ukraynaya 3,3 milyard avro ayırıb

18 Sentyabr 2026

sosial media

Ukrayna Avropa İttifaqından (Aİ) raket və pilotsuz uçuş aparatlarının alınması üçün 3,3 milyard avro kredit alıb. “Reuters”in məlumatına görə, bunu sentyabrın 18-də Ukraynanın baş naziri Sergey Koretski bildirib. Avropa Komissiyasının sədri Ursula von der Leyen də bundan bir gün əvvəl Ukrayna prezidenti Volodimir Zelenski ilə telefon danışığından sonra vəsaitin köçürüləcəyini açıqlamışdı. Von der Leyen Aİ-nin Ukraynaya dəstək çərçivəsində “Patriot” hava hücumundan müdafiə sistemlərinin maliyyələşdirilməsini də təsdiqlədiyini bildirib. O, həmçinin Aİ ilə Ukraynanın birgə müdafiə layihələri üçün yeni proqramın yaradılmasının planlaşdırıldığını qeyd edib. Rusiyanın 2022-ci ilin fevralında Ukraynaya genişmiqyaslı hücumundan sonra Aİ Kiyevə maliyyə və hərbi dəstəyini artırıb. Qurum 2024-cü ildə...

Davamını oxu