Dünya

Rusiya əsirliyində azı 206 ukraynalı hərbçi ölüb

27 May, 2025

Foto: AP Photo

Rusiyanın Ukraynaya qarşı tammiqyaslı işğal müharibəsi başlayandan bəri azı 206 ukraynalı hərbçi Rusiya əsirliyində həlak olub.

Bu barədə “The Associated Press" (AP) Ukrayna Baş Prokurorluğunun məlumatlarına istinadən xəbər verir.

İnsan haqları qrupları, BMT, Ukrayna hökuməti və məhkəmə-tibb ekspertinin fikrincə, Rusiya həbsxanalarındakı qəddar rəftar ölüm səbəblərinin əsasını təşkil edib.

AP mənbələri bildiriblər ki, ölümün səbəbini müəyyən etmək həmişə mümkün olmur, çünki bəzi hallarda qurbanların daxili orqanları çıxarılmış olur, bəzi hallarda isə qançırlar və xəsarətlər gizlədilir.

Ukraynanın Hərbi Əsirlərlə Müalicə üzrə Koordinasiya Qərargahının sözçüsü Petro Yatsenko bildirib ki, Rusiya “cəsədləri heç nə müəyyən edilə bilməyən vəziyyətə çatana qədər saxlayır”.

Ukrayna rəsmiləri hesab edir ki, Rusiya məhbusların ölümünün əsl səbəblərini gizlətməyə çalışır.

BMT-nin ötənilki hesabatında deyilir ki, azad edilmiş ukraynalı hərbi əsirlərin 95%-i həbsdə “sistematik” işgəncələrə məruz qalıb.

Onlar döyülmə, toka verilmə, boğulma, cinsi zorakılıq, yuxudan məhrumetmə kimi zorakılıqlardan danışıblar.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

“Gənc Qazilər” fəaliyyətini dayandırıb

“Elm və Təhsil Nazirliyi bu qərara görə ictimaiyyətə cavab verməlidir”

Fərid Mehralızadə: Xaricə getməyim mənə qarşı yeganə “sübut”dur

Gürcüstanın daxili işlər naziri istefa verib

ABŞ səfirliklərə tələbə vizası görüşlərini dayandırmağı tapşırıb

Xalq Cümhuriyyətinin yaranmasından 107 il keçir

Redaktorun Tövsiyələri

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Dünya

Gürcüstanın daxili işlər naziri istefa verib

28 May 2025

Foto: Georgia Today

Gürcüstanın daxili işlər naziri və baş nazir müavini Vaxtanq Qomelauri istefa verib. Qomelauri mayın 28-də yaydığı bəyanatda qərarı ailəsinə daha çox vaxt ayırmaq məqsədilə verdiyini bildirib. O, bu qərarı verməyin asan olmadığını deyib. “2011-ci ildən etibarən cənab Bidzina İvanişvilinin rəhbərlik etdiyi və ölkəmizdə dönüş yaradan mübarizənin iştirakçısı olmuşam. Bu hökumət komandasının rəhbərliyi altında ölkəmizin əldə etdiyi bütün nailiyyətlər mənim üçün dəyərlidir və qürurvericidir. Bu səbəbdən, mən bu komandaya sadiq qalmağa davam edirəm. Gələcəkdə də ehtiyac yarandığı halda, dövlətin və hakim komandanın yanında olmaq üçün hər zaman hazıram”, - nazir qeyd edib. Qomelauri 2019-cu ildən daxili işlər naziri və ötən ilin...

Davamını oxu

Dünya

Gürcüstanda müxalifət lideri məhkəmə zalında həbs olunub

23 May 2025

Foto: AP

Gürcüstan müxalifətinin liderlərindən biri Zurab Caparidze mayın 22-də məhkəmə zalında həbs olunub. “Dəyişiklik üçün Koalisiya”nın liderlərindən olan Caparidze Gürcüstan parlamentinin Müvəqqəti İstintaq Komissiyasının qanuni tələblərinə əməl etməməkdə günahlandırılır. O, komissiyanın iclaslarına qatılmaqdan imtina edib. Buna görə Tbilisi Şəhər Məhkəməsi Caparidzenin barəsində əvvəllər 20,000 lari məbləğində girov təyin edib. Mayın 22-də isə girov ləğv edilərək, həbs qətimkan tədbiri seçilib. Gürcüstan Cinayət Məcəlləsinin 349-cu maddəsinə əsasən, parlamentin istintaq komissiyasının qanuni tələblərinə əməl etməmək bir ilə qədər azadlıqdan məhrumetmə və ya üç ilə qədər vəzifə və fəaliyyət qadağası ilə cəzalandırıla bilər. Caparidze məhkəmə zalında qandallanarkən “Biz sonda qalib gələcəyik” deyə qışqırıb. Məhkəmə önündə...

Davamını oxu