Dünya

Vens: “ABŞ Ermənistana 9 milyard dollar dəyərində nüvə materialları və yanacaq satacaq”

10 Fevral, 2026

170

Foto: primeminister.am

ABŞ Ermənistana 9 milyard dollar dəyərində nüvə materialları və yanacaq satmaqla bağlı bu ölkə ilə razılığa gəlib.

Bu barədə fevralın 9-da Ermənistanda səfərdə olan ABŞ vitse-prezidenti Ceyms Vens Ermənistan baş naziri Nikol Paşinyanla birgə brifinqdə xəbər verib.

Onun sözlərinə görə, ölkələr "123 Mülki Nüvə Əməkdaşlığı Razılaşması" kimi tanınan sazişin imzalanması üçün danışıqları başa çatdırıblar.

“Bu, tam şəkildə həll olunduqdan sonra ABŞ və Ermənistan şirkətlərinin mülki nüvə layihələri üzrə müqavilələr bağlamasına imkan verəcək. Bu isə ABŞ-nin ilkin ixracında 5 milyard dollara qədər və yanacaq və texniki xidmət müqavilələri vasitəsilə uzunmüddətli əlavə 4 milyard dollar deməkdir", - o qeyd edib.

Paşinyan bildirib ki, razılaşma “təhlükəsiz və innovativ texnologiyaların tətbiqi vasitəsilə Ermənistanın enerji resurslarının şaxələndirilməsini təmin edəcək.”

Ermənistan rəsmiləri bu ayın əvvəlində köhnəlmiş Metsamor nüvə elektrik stansiyasının modul dizayn əsasında qurulacaq yeni bir obyektlə əvəz ediləcəyini xəbər vermişdilər.

Metsamoru inşa etmiş Rusiyanın nüvə qurumu olan "Rosatom"un rəhbəri Aleksey Lixaçov fevralın 6-da Ermənistan parlamentinin spikeri Alen Simonyanla görüş zamanı ona “hərtərəfli əməkdaşlıq” razılaşmasını təklif etmişdi.

"Rosatom"un bəyanatında “hərtərəfli əməkdaşlığın” əhatə dairəsi müəyyən edilməmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

“Toplum TV işi” üzrə apellyasiya prosesi başlayır

Səməd Seyidov: “Hamı növbəyə yığışacaq ki, Qarabağa investisiya qoysun”

Moskva Britaniyanı hərbi obyektlərini hədəfə almaqla hədələyib

2027-ci ilin büdcə proqnozu: Neft gəlirləri azalır, vergi gözləntiləri artır

Avropa İttifaqı raket və dron alınması üçün Ukraynaya 3,3 milyard avro ayırıb

DTX 5 ölkədə keçirilən əməliyyatlarda 10 nəfərin saxlanıldığını bildirir

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

Moskva Britaniyanı hərbi obyektlərini hədəfə almaqla hədələyib

18 Sentyabr 2026

rbc

“Ukraynada Rusiya ərazisinə zərbələr endirmək üçün istifadə olunan istənilən Britaniya hərbi obyekti qanuni hədəfdir”. Bunu sentyabrın 18-də Rusiya Xarici İşlər Nazirliyinin sözçüsü Mariya Zaxarova bildirib. Rusiya XİN Böyük Britaniyanın Ukraynaya silah və pilotsuz uçuş aparatlarının (PUA) tədarükünü artırmasına da etiraz edib. Bununla əlaqədar Britaniyanın Moskvadakı müvəqqəti işlər vəkili nazirliyə çağırılıb. Moskva Londonu gərginliyi artıracaq addımlardan çəkinməyə çağırıb və “özünümüdafiə hüququ” çərçivəsində cavab tədbirləri görə biləcəyini bildirib. Rusiya tərəfi vəziyyətin daha da gərginləşməsinə görə məsuliyyətin Londonun üzərinə düşəcəyini bəyan edib. Sentyabrın 17-də Rusiyanın ATƏT-dəki daimi nümayəndəsi Dmitri Polyanski də Britaniyanın Ukraynaya PUA tədarükünü Moskvanın “müharibədə birbaşa iştirak” kimi qiymətləndirə biləcəyini söyləyib....

Davamını oxu

Dünya

Avropa İttifaqı raket və dron alınması üçün Ukraynaya 3,3 milyard avro ayırıb

18 Sentyabr 2026

sosial media

Ukrayna Avropa İttifaqından (Aİ) raket və pilotsuz uçuş aparatlarının alınması üçün 3,3 milyard avro kredit alıb. “Reuters”in məlumatına görə, bunu sentyabrın 18-də Ukraynanın baş naziri Sergey Koretski bildirib. Avropa Komissiyasının sədri Ursula von der Leyen də bundan bir gün əvvəl Ukrayna prezidenti Volodimir Zelenski ilə telefon danışığından sonra vəsaitin köçürüləcəyini açıqlamışdı. Von der Leyen Aİ-nin Ukraynaya dəstək çərçivəsində “Patriot” hava hücumundan müdafiə sistemlərinin maliyyələşdirilməsini də təsdiqlədiyini bildirib. O, həmçinin Aİ ilə Ukraynanın birgə müdafiə layihələri üçün yeni proqramın yaradılmasının planlaşdırıldığını qeyd edib. Rusiyanın 2022-ci ilin fevralında Ukraynaya genişmiqyaslı hücumundan sonra Aİ Kiyevə maliyyə və hərbi dəstəyini artırıb. Qurum 2024-cü ildə...

Davamını oxu