Dünya

Ermənistan müxalifətinin liderlərindən biri Samvel Karapetyan həbs olunub

4 noyabr, 2026

sosial media

Ermənistanın tanınmış iş adamı, “Tashir” şirkətlər qrupunun təsisçisi və “Güclü Ermənistan” müxalifət partiyasının lideri Samvel Karapetyan noyabrın 4-də həbs olunub.

Bu barədə Ermənistanın İstintaq Komitəsi məlumat yayıb. Qurumun açıqlamasına görə, Karapetyan və daha 35 nəfərlə bağlı “Ermənistan Elektrik Şəbəkələri” şirkətinə külli miqdarda maddi ziyan vurulması, etibar edilmiş əmlakın mənimsənilməsi və çirkli pulların yuyulması iddiaları üzrə cinayət təqibi başlanıb.

İstintaq Komitəsinin məlumatında şirkətə dəymiş ümumi ziyanın 64 milyard 585 milyon dramdan çox olduğu bildirilir.

Qurumun versiyasına görə, 2016–2024-cü illərdə şirkətin rəhbər şəxsləri real ehtiyacdan artıq kredit vəsaitləri cəlb edib, sonradan həmin vəsaitləri səhmdarlara dividend, eləcə də əlaqəli şirkətlərə borc və avans şəklində köçürüblər.

İstintaqın iddiasına əsasən, 2024–2025-ci illərdə şirkətdən 23 milyard 158 milyon dramdan artıq vəsait qanunsuz çıxarılıb. Bildirilir ki, həmin vəsaitlər əlaqəli şirkətlər vasitəsilə dövriyyəyə buraxılaraq leqallaşdırılıb.

Məlumata görə, cinayət işi çərçivəsində noyabrın 4-də Ermənistanın 65 ünvanında, o cümlədən yaşayış evlərində və şirkətlərin fəaliyyət göstərdiyi obyektlərdə axtarış aparılıb.

Samvel Karapetyan 2025-ci ilin iyununda hakimiyyətin ələ keçirilməsinə və konstitusiya quruluşunun zorla dəyişdirilməsinə açıq çağırış ittihamı ilə saxlanılmışdı. O, Ermənistanın baş naziri Nikol Paşinyanın siyasi rəqiblərindən biri hesab olunur.

Karapetyanın rəhbərlik etdiyi “Güclü Ermənistan” partiyası 2026-cı il parlament seçkilərində iştirak edib. Karapetyan baş nazir postuna iddialı siyasi fiqur kimi çıxış etsə də, Rusiya vətəndaşlığı onun mövcud konstitusion tələblərə əsasən bu vəzifəyə seçilməsinə maneə yaradır. Partiya hakimiyyətə gələcəyi təqdirdə bu qaydaların dəyişdirilməsini təklif edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ruslan İzzətli yazır: “Rusiya Cənubi Qafqazdan imtina etməyəcək”

Tramp ABŞ-nin İsrailə 4 milyard dollarlıq yardımını dayandıracağını açıqlayıb

Əfqan Sadıqov siyasi şüarlar səsləndirdikdən sonra məhkəmədən çıxarılıb

Ukraynada hərbi hissəni tərk edənlərin saxlanıldığı binada işgəncə iddiaları araşdırılır

“Mütəşəkkil dəstə”dən penitensiar sistemin rəhbərliyinə: ‘Məhbusların həyatına görə məsuliyyəti kim daşıyır?’

Gələn il azad edilmiş ərazilərin bərpasına 3,4 milyard manat ayrılacaq

Redaktorun Tövsiyələri

Ruslan İzzətli yazır: “Rusiya Cənubi Qafqazdan imtina etməyəcək”

“Mütəşəkkil dəstə”dən penitensiar sistemin rəhbərliyinə: ‘Məhbusların həyatına görə məsuliyyəti kim daşıyır?’

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

İnanclı məhbus Fərid İsmayılova danışıb: “Hökumət bayraqdakı yaşıl rəngi soldurmaq istəyir”

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

Dünya

Tramp ABŞ-nin İsrailə 4 milyard dollarlıq yardımını dayandıracağını açıqlayıb

4 noyabr 2026

whitehouse

ABŞ prezidenti Donald Tramp ilin sonundan etibarən İsrailə hər il ayrılan təxminən 4 milyard dollarlıq maliyyə yardımının dayandırılacağını bildirib. “Reuters”in məlumatına görə, Tramp bu barədə ABŞ-də aralıq seçkilərin keçirildiyi gün “Fox News” telekanalına müsahibəsində danışıb. O bildirib ki, İsrailin baş naziri Benyamin Netanyahu ilə bir neçə ay əvvəl əldə edilən razılaşmaya əsasən, Vaşinqton ilin sonundan etibarən İsrailə müntəzəm maliyyə yardımı göstərməyəcək. Bununla belə, Tramp İsrailin ehtiyac yaranacağı təqdirdə ABŞ-nin dəstəyini ala biləcəyini və Amerika silahlarını satın almağa davam edə biləcəyini vurğulayıb. Tramp İsrailin artıq bu maliyyə yardımına ehtiyac duymadığını bildirib. O, həmçinin ABŞ-nin İsrailə ayırdığı vəsaitin ölkə daxilində siyasi müzakirələrdə...

Davamını oxu

Dünya

Ukraynada hərbi hissəni tərk edənlərin saxlanıldığı binada işgəncə iddiaları araşdırılır

4 noyabr 2026

sosial media

Ukraynanın Kiyev vilayətində hərbi xidmətdən yayınan və hərbi hissəni özbaşına tərk edən şəxslərin saxlanıldığı binada işgəncə verilməsi ilə bağlı iddialar yayılıb. İddiaların ardınca yerli sakinlərlə Milli Qvardiya hərbçiləri arasında qarşıdurma baş verib. Ukrayna Dövlət Təhqiqatlar Bürosu hadisə ilə əlaqədar cinayət işi başladıb. “Reuters”in məlumatına görə, hadisə noyabrın 2-də Kiyev yaxınlığındakı Petropavlivska Borşahivka yaşayış məntəqəsində baş verib. Sosial şəbəkələrdə xüsusi yaşayış evinin zirzəmisində onlarla şəxsin qanunsuz saxlanıldığı, döyüldüyü və işgəncəyə məruz qaldığı, bəzi hallarda isə onların yaxınlarından pul tələb edildiyi iddia olunub. Bundan sonra təxminən 100 nəfər binanın qarşısına toplaşaraq orada saxlanılan şəxslərin azad olunmasını tələb edib. Qarşıdurma zamanı etirazçılarla hərbçilər...

Davamını oxu