Dünya

Şinzo Abe vəfat etdi - YENİLƏNİB

8 İyul, 2022

2160

Açıq mənbələrdən götürülüb

Yaponiyanın keçmiş Baş naziri Şinzo Abe xəstəxanada vəfat edib.

"Fuji News Network"-un məlumatına görə, həkimlərin səylərinə baxmayaraq, Abenin həyatını xilas etmək mümkün olmayıb.

***

11:23

Yaponiyanın keçmiş Baş naziri Şinzo Abe həyat əlamətləri göstərməyi dayandırıb, həkimlər siyasətçinin klinik ölüm keçirdiyini qeydə alıblar.

Bu barədə iyulun 8-də "Kyodo News" agentliyi məlumat yayıb.

Abe iyulun 8-i səhər saatlarında sui-qəsdə məruz qalıb. Hücum edənin Yaponiya Dəniz Özünümüdafiə Qüvvələrinin keçmiş hərbçisi, 41 yaşlı yerli sakin Tetsuya Yamaqami olduğu müəyyən edilib. O, küçədə seçki təşviqatı aparan siyasətçiyə arxadan atəş açaraq onu sinəsindən yaralayıb. Keçmiş baş nazir yerə yıxılıb, daha sonra o, boyun və döş nahiyəsindən aldığı güllə yaralarıyla xəstəxanaya çatdırılıb. Sui-qəsdçi dərhal saxlanılıb və hazırda polis tərəfindən dindirilir. Onun motivləri hələlik məlum deyil.

Hücumla əlaqədar Yaponiya hökuməti tərəfindən böhrana cavab mərkəzi yaradılıb. Nazirlər Kabinetinin baş katibi Hirokazu Matsuno hadisədən şoka düşdüyünü bildirib.

Partiyasının parlament kampaniyası çərçivəsində ölkəni gəzən Baş nazir Fumio Kişida turunu yarımçıq kəsərək təcili Tokioya qayıdıb.

Bütün əsas siyasi partiyalar rəsmi bəyanatlarında hücumu pisləyiblər.

Şinzo Abe 2006-2007-ci illərdə və 2012-2020-ci illərdə Yaponiyanın Baş naziri vəzifəsində çalışıb. O, ölkə tarixinin ən uzunmüddətli baş naziri sayılır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Tokio Olimpiya Oyunlarının təşkilatçısı rüşvətə görə həbs edildi

Bayden Tayvanı Çindən qoruyacağına söz verib

Yaponiya Azərbaycana və Ermənistana yardım ayırır

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

Mərakeşdən yüzlərlə miqrant İspaniyanın Seuta anklavına keçib

NYT: “İran Ukraynaya ballistik raket zərbəsi endirməyi nəzərdən keçirib”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Dünya

Tramp: “ABŞ-nin Ukraynaya ‘Patriot’ raketlərinin istehsalına lisenziya verəcəyinə hələ əmin deyiləm”

31 İyul 2026

White House

ABŞ prezidenti Donald Tramp administrasiyasının Ukraynaya “Patriot” hava hücumundan müdafiə sistemləri üçün raket istehsalına lisenziya verib-verməyəcəyinə hələ də əmin olmadığını bildirib. Tramp bu barədə “Financial Times” qəzetinin müxbirinə açıqlamasında deyib. Onun sözlərinə görə, ABŞ administrasiyası hazırda məsələni nəzərdən keçirir. ABŞ prezidenti “Patriot” sistemlərini “unikal silah” adlandırıb və onların istehsalı üçün lisenziyanın kimə verilməsi məsələsində “ehtiyatlı olmaq lazım olduğunu” vurğulayıb. O qeyd edib ki, ABŞ adətən belə lisenziyalar vermir. Trampın açıqlaması onun Ukrayna prezidenti Volodimir Zelenski ilə Ağ Evdə görüşündən iki gün sonra baş verib. V.Zelenski görüşü “yaxşı” adlandırıb. Onun sözlərinə görə, görüş zamanı digər məsələlərlə yanaşı, Rusiyanın ballistik raketlərinə qarşı...

Davamını oxu

Dünya

Mərakeşdən yüzlərlə miqrant İspaniyanın Seuta anklavına keçib

31 İyul 2026

Nexta

Son günlər Mərakeşdən minlərlə miqrant Şimali Afrikadakı İspaniya anklavı Seutaya keçib. İspaniya Daxili İşlər Nazirliyinin məlumatına görə, son 24 saat ərzində dəniz və quru yolu ilə təxminən 49 min miqrant Mərakeşdən Seutaya daxil olub. İspaniyanın dövlət televiziyası RTVE isə iyulun 30-da ilkin olaraq Seutaya 2-3 min nəfərin keçdiyini bildirmişdi. Sonrakı hesablamalarda keçidlərin sayının daha yüksək olduğu açıqlanıb. Seuta və Şimali Afrikada yerləşən digər İspaniya şəhəri Melilya Avropa İttifaqının Afrika ilə yeganə quru sərhədini təşkil edir. Hər iki şəhərdə Avropaya keçməyə çalışan miqrantların sərhədi aşmaq cəhdləri vaxtaşırı kəskinləşir. Sosial şəbəkələrdə yayılan videolarda yüzlərlə miqrantın üzgüçülük halqaları ilə dənizi keçdiyi, digərlərinin isə...

Davamını oxu