Məhkəmə

Aynur Elgünəşin şikayəti təmin edilməyib

8 Avqust, 2025

Foto: sosial media

Avqustun 7-də Meydan TV-nin həbsdə olan baş redaktoru Aynur Elgünəşin (Qənbərova) iti Maksla görüşə bilməməsi ilə bağlı Xətai rayon məhkəməsinin qərarından verdiyi apellyasiya şikayətinə baxılıb.

Proses hakim Zamin İbrahimovun sədrliyi ilə Bakı Apellyasiya Məhkəməsində baş tutub.

Apellyasiya Məhkəməsi Xətai Rayon Məhkəməsinin qərarını qüvvədə saxlayıb, baş redaktorun şikayətini təmin etməyib.

Həbsdə olan jurnalist iti ilə görüşə bilməsi üçün Penitensiar Xidmətin rəisi Mirsaleh Seyidova bir neçə dəfə müraciət edib. Cavab ala bilmədiyi üçün məhkəməyə üz tutub.

“Qanunvericilikdə Maksla görüşməyimi qadağan edən heç bir müddəa yoxdur. Şəxsi həyat və heyvan haqları baxımından da bizim görüşməyimiz arzuolunandır. Lakin siz heç bir əsas gətirmədən bizim görüşümüzə icazə vermirsiz. Halbuki bu görüş şəxsi və ictimai baxımdan təhlükəli deyil, narahatlığa səbəb olmur. Siz bu qadağanızla mənim mənəvi əzab çəkməyimə, psixoloji sarsıntı keçirməyimə səbəb olursuz” - deyə jurnalist müraciətində bildirirdi.

2024-cü il dekabrın 6-da “Meydan TV işi” üzrə saytın Azərbaycan nümayəndəliyinin rəhbəri Aynur Elgünəş, jurnalistlər Ramin Deko, Aynur Elgünəş, Aysel Umudova, Aytac Tapdıq, Xəyalə Ağayeva, Natiq Cavadlı saxlanılıblar.

Sonradan “Arqument.az” saytının baş redaktoru, Meydan TV ilə əməkdaşlıq edən jurnalist Şəmşad Ağayev (Ağa), jurnalistlər Nurlan Libre (Qəhrəmanlı) və Fatimə Mövlamlı da “Meydan TV işi”nə görə həbs edilib.

Müstəqil jurnalist Ülviyyə Əli də mayın 7-də bu iş üzrə saxlanılıb və barəsində qaçaqmalçılıq maddəsi ilə ittiham irəli sürülüb.

O, həbsindən öncə yazdığı bəyanatda MeydanTV ilə heç bir işgüzar əlaqəsi olmadığını, olsaydı belə, bunu cinayət hesab etmədiyini yazıb.

Saxlanılan jurnalistlərin heç biri özünü təqsirli bilmir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Almaniya İsrailə hərbi texnika ixracını dayandırıb

Ailəsi: Bəxtiyar Hacıyevin vəziyyəti kritikdir, onunla əsir kimi davranılır

İsrailin təhlükəsizlik kabineti Netanyahunun Qəzzanı işğal etmək planını təsdiqləyib

Tramp: “Cənubi Qafqaz və dünya üçün tarixi gün olacaq”

Kadırovun anası Rusiyanın işğal etdiyi Xersonda “xidmətlərinə görə” təltif edilib

Bəhruz Səmədov: “Ermənistan bəyan etsin ki, onlarla heç bir əlaqəm yoxdur”

Redaktorun Tövsiyələri

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Qəzalı həbsxanada saxlanma - Konvensiyanın normalarına açıq ziddiyyət

“Aİ Azərbaycanın geosiyasi əhəmiyyətini dəyərlərindən üstün tutur”

Azərbaycanda kommunizm ənənəsi: jurnalistlərə niyə fəxri ad və medal verilir?

Tək bir bankda milyardlıq əmanəti olan 20 nəfər kimdir?

Məhkəmə

Ailəsi: Bəxtiyar Hacıyevin vəziyyəti kritikdir, onunla əsir kimi davranılır

8 Avqust 2025

Foto: VOA

Hazırda 6 saylı cəzaçəkmə müəssisəsində saxlanılan ictimai-siyasi fəal Bəxtiyar Hacıyevin səhhətinin və hüquqi vəziyyətinin ağır olduğu deyilir. Ailəsinin yaydığı məlumatda deyilir ki, Hacıyevin saxlanma şəraiti insan hüquqları və hüquqi müdafiə baxımından ciddi pozuntularla müşayiət olunur. Yaxınlarının dediyinə görə, ictimai fəal kobud rəftara məruz qalır və ona vəkili ilə görüşə icazəsi verilmir. “Onunla əsir kimi davranılır və özü də bu vəziyyəti əsirlik kimi qiymətləndirir. Psixoloji və fiziki təzyiqlər altındadır. Onun müdafiə hüququ ciddi şəkildə pozulub. Görüntülü danışa bilmirik. Halbuki digər məhbuslara bu imkan yaradılır, lakin Bəxtiyara bu hüquq qəsdən verilmir. Ailəsindən tam təcrid olunub”, - məlumatda deyilir. Bildirilir ki, tibbi yardıma...

Davamını oxu

Məhkəmə

Bəhruz Səmədov: “Ermənistan bəyan etsin ki, onlarla heç bir əlaqəm yoxdur”

7 Avqust 2025

Foto: sosial media

Hazırda həbsdə olan tədqiqatçı və sülh fəalı Bəhruz Səmədov, ABŞ-də Azərbaycanla Ermənistan arasında sülh müqaviləsinə dair aparılan müzakirələri yüksək qiymətləndirdiyini bildirib. Bu barədə o, nənəsi Zibeydə Osmanova vasitəsilə ictimaiyyətə müraciət ünvanlayıb. Səmədov açıqlamasında, həmçinin Ermənistanla heç bir əlaqəsinin olmadığını bir daha vurğulayıb: “Bu barədə Ermənistan hökumətinin bəyanat verməsini xahiş edirəm.” Məhkəmə prosesinin qapalı keçirilməsinə də münasibət bildirən Səmədov qeyd edib: “Qapalı məhkəmələr açıq məhkəmələrin keçirilməsinə qadağa qoyur. Avqustun 6-da Bakı Apellyasiya Məhkəməsində Bəhruz Səmədovun işi üzrə ilkin baxış iclası keçirilib. Prosesin əvvəlcədən açıq olacağı bildirilmişdi. Lakin dövlət ittihamçısı iclasın qapalı keçirilməsi ilə bağlı vəsatət qaldırıb və hakim bu vəsatəti təmin...

Davamını oxu