Məhkəmə

Casusluqda ittiham olunan fransalı iş adamına 10 il həbs cəzası verilib

16 Mart, 2026

271

Foto: sosial media

Martın 16-da Bakı Ağır Cinayətlər Məhkəməsində Fransaya casusluqda ittiham olunan şəxslərin işi üzrə sonuncu məhkəmə prosesi keçirilib.

APA-nın xəbərinə görə, hakim Elmin Rüstəmovun sədrliyi ilə keçirilən prosesdə təqsirləndirilən şəxslərə hökm oxunub.

Hökmə əsasən, "Merkorama" MMC-nin baş direktoru olmuş, Fransa vətəndaşı Martin Ryan 10 il, Azərbaycan vətəndaşı Azad Məmmədli isə 12 il azadlıqdan məhrum olunub.

Martin Ryan Cinayət Məcəlləsinin 276-cı (casusluq), Azad Məmmədli isə 274-cü maddəsi (dövlətə xəyanət) üzrə təqsirli bilinib.

Həmçinin, məhkəmə Ryanın cəzasını çəkib başa vurduqdan sonra Azərbaycandan deportasiya edilməsinə qərar verib.

Ryan və A.Məmmədli 2023-cü il dekabrın 4-də Dövlət Təhlükəsizliyi Xidməti tərəfindən həbs olunublar. Cinayət işində iddia olunur ki, Ryan sonradan Bakıdan “persona non-grata” elan edilərək qovulmuş Fransa Xarici Təhlükəsizlik Baş İdarəsi əməkdaşları tərəfindən məxfi əməkdaşlığa cəlb olunub.

İddiaya görə, Ryan Azərbaycanda silah-sursat istehsalı və ixracatı, başqa ölkələrə pul göndərilməsi imkanları və digər məsələlərlə bağlı Fransa xüsusi xidmət orqanlarına məlumatlar verib. Onun A.Məmmədlini Fransa kəşfiyyatçıları ilə əməkdaşlıq məqsədilə tanış etdiyi bildirilir.

Yerli medianın yazdığına görə, Ryan əvvəlki proseslərdən birində Fransaya işlədiyini etiraf edib və lazımi səviyyədə müdafiə olunmadığına görə Fransa hökumətini günahlandırıb.

A.Məmmədli isə proseslərdən birində Ryan və fransız kəşfiyyatçıları ilə tanışlığını danmasa da, “tələyə salındığını” deyib və onlara hər hansı məlumat ötürdüyünü inkar edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Fridrix Merts: “Şimali Koreya bütün Avropanın azadlığını təhdid edir”

“Amnesty International” Bəhruz Səmədovun azadlığa buraxılmasına çağırıb

“Novaya qazeta” fəaliyyətini dayandırdığını açıqlayıb

Mask ABŞ-dəki aralıq seçkilərə 445 milyon dollardan çox vəsait ayırıb

Ağaəli Yəhyayevin ailəsi: “Hicabla bağlı müraciətindən sonra onunla əlaqə saxlaya bilmirik”

CNN: Dünyanın ən böyük kriptovalyuta birjasına tarixin ən böyük kiberhücumu edilib

Redaktorun Tövsiyələri

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Məhkəmə

5 milyonluq qaçaqmalçılıqda ittiham olunan digər vəzifəlilər də ev dustaqlığına buraxılıb

5 Oktyabr 2026

e-huquq.az

5 milyon manat dəyərində siqaret qaçaqmalçılığında ittiham olunan bir sıra vəzifəli şəxslər həbsdən ev dustaqlığına buraxılıb. APA-nın xəbərinə görə, oktyabrın 2-də Bakı Ağır Cinayətlər Məhkəməsində hakim Kamil Əliyevin sədrliyi ilə baş tutan prosesdə bu barədə təqsirləndirilən şəxslərin vəsatətləri təmin olunub. Onlar Bakı Hövsan Beynəlxalq Ticarət Dəniz Limanının direktoru Rəşad Daşdəmirov, liman xidmətinin rəisi Zaur Haşımov, limanın briqadiri Fərrux Haqverdiyev, Dövlət Gömrük Komitəsinin Bakı Hövsan Ticarət Dəniz Limanı Gömrük postunun rəisi Fərid Usubov, həmin gömrük postunun inspektoru Heydər Eyvazlı və digərləridir. Məhkəmənin növbəti iclası oktyabrın 23-nə təyin edilib. Sözügedən şəxslər ötən ilin dekabrında həbs olunublar. Onlar Birləşmiş Ərəb Əmirlikləri və İrandan...

Davamını oxu

Məhkəmə

Fərid İsmayılov: “Ədaləti meyvə-tərəvəz kimi satan mantiyalı kölələr mənim üçün məhkəmə görüntüsü yarada bilməzlər”

3 Oktyabr 2026

VOA

“Toplum TV işi” üzrə həbsdə olan jurnalist Fərid İsmayılov Məhkəmə-Hüquq Şurasına açıq müraciət edib. O bildirir ki, Umbakı Penitensiar Kompleksi məhkəmə və hakimlər barədə işlətdiyi ifadələri təhqir sayaraq əvvəlki şikayətini Şuraya göndərməkdən imtina edib. Jurnalistin açıqlamasını və açıq müraciətini təqdim edirik. "Umbakı Penitensiar Müəssisəsi Məhkəmə-Hüquq Şurasına ünvanladığım şikayəti göndərməkdən imtina edib. Buna səbəb kimi Bakı Apellyasiya Məhkəməsinə “kolxoz”, hakimlərinə isə “bazarkom” yazmağım göstərildi. Mənə bu sözlərin təhqir olduğunu deyən rəsmilərə bu sözlərin “təsvir” olduğunu desəm də, qəbul etmədilər. Ona görə də MHŞ-yə açıq müraciət etmək məcburiyyətindəyəm: “Diqqətinizə çatdırıram ki, apellyasiya şikayətimin məqsədi Avropa İnsan Haqları Məhkəməsi üçün formal prosedurdur. Yerli məhkəmələrdən...

Davamını oxu