Region

Gürcüstan hökuməti ATƏT-i yerli seçkilərə dəvət etməyəcək

19 İyun, 2025

Foto: OC Media

Gürcüstanın baş naziri İrakli Kobaxidze ATƏT-in Demokratik Təsisatlar və İnsan Haqları Bürosunun (DTİHB) müşahidəçilərinin oktyabrda keçiriləcək yerli seçkiləri müşahidə etmək üçün dəvət edilməyəcəyini açıqlayıb.

Kobaxidze ATƏT/DTİHB-ni yerli seçkiləri müşahidə etməyə dəvət etməyin "standart təcrübə" olmadığını deyib.

O, ATƏT/DTİHB müşahidəçilərinin 2021-ci ildə keçirilən yerli seçkilərə dəvət olunmasını "istisna hal" adlandırıb və qeyd edib ki, o zaman bu seçkilər bir növ parlament seçkiləri mövzusu ilə bağlı idi.

"Yerli özünüidarə seçkiləri sağlam və lazımi şəraitdə keçiriləcək. Ona görə də bizim yerli seçkilərlə ATƏT/DTİHB-ni yükləmək həddindən artıq olardı”, - o əlavə edib.

ATƏT 2006-cı ildən bəri 2014-cü il istisna olmaqla Gürcüstanda bütün yerli seçkiləri müşahidə edib.

Kobaxidzenin açıqlaması Böyük Britaniyanın Tbilisidəki səfirliyinin hökuməti ATƏT-i dəvət etməyə çağırmasından sonra gəlib.

“Gürcü xalqının istəkləyi demokratiya və azadlıqdır. Biz ümid edirik ki, Böyük Britaniya-Gürcüstan əməkdaşlığı, eləcə də Gürcüstanın Avropa institutları ilə əməkdaşlığı bundan sonra da bu məqsədlərə töhfə verəcək”, - səfirlik bildirir.

Bəyanat Britaniyanın Gürcüstandakı vətəndaş cəmiyyəti qruplarını, o cümlədən seçicilərin maarifləndirilməsi fəaliyyətlərini və yerli seçki müşahidə qruplarını maliyyələşdirməsini müdafiə edir:

“Gürcüstan hökumətinin özü əvvəllər bu fəaliyyəti dəstəkləyib. Biz indi onun “təbliğat və ekstremizmi” maliyyələşdirmək kimi təqdim olunmasını rədd edirik. Gürcüstan qanunvericiliyi vətəndaşların monitorinqini nəzərdə tutur ki, bu da seçkilərə peşəkar və şəffaf nəzarətin vacib hissəsidir”.

Bu açıqlama Gürcüstanda oktyabrda keçiriləcək seçkilərin azad və ədalətli olmayacağına dair geniş yayılmış inamın fonunda verilib.

Keçən oktyabrda keçirilən parlament seçkiləri zamanı yerli müşahidəçilər və media nəticələrin legitimliyini şübhə altına alan xeyli pozuntu sənədləşdiriblər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

ABŞ tələbə vizasında yeni şərt qoyur: Sosial media hesabları açıq olmalıdır

Putin Zelenski ilə görüşə hazır olduğunu deyir

Gəncədə 15 yaşlı məktəblinin intihar etdiyi bildirilir

Azər Qasımlının məhkəməsi vəkillərindən xəbərsiz keçirilib

Azərbaycanın axtarışa verdiyi erməni milyarder həbs olunub

Xamenei: “İran xalqı heç vaxt təslim olmayacaq”

Redaktorun Tövsiyələri

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

Region

Azərbaycanın axtarışa verdiyi erməni milyarder həbs olunub

18 İyun 2025

Foto: tert.am

Erməni milyarder biznesmen Samvel Karapetyan iyunun 18-də Yerevanda həbs olunub. Onun hakimiyyəti zorla ələ keçirməyə çağırışda ittiham olunduğu bildirilir. Vəkilləri bildirib ki, Karapetyan ittihamı qəbul etmir. Karapetyanın saxlanılması son zamanlar Baş nazir Nikol Paşinyanla Erməni Apostol Kilsəsi arasında davam edən qalmaqal fonunda baş verib. Milyarder kilsəni açıq şəkildə dəstəkləyib. O, iyunun 17-də müsahibəsində kilsənin yanında olduğunu bildirib və siyasətçilər vəziyyəti həll etməsələr, "kilsəyə qarşı kampaniyanı dayandırmaq üçün öz üsulları ilə müdaxilə edəcəklərini" deyib. Paşinyan sosial media hesabında Karapetyanın adını çəkmədən onun açıqlamasına cavab verib. "Fahişəxanalıqla məşğul olan 'ruhanilər' və havadarları birdən-birə niyə belə fəallaşıblar? Narahat olmayın, biz onları yenidən zərərsizləşdirəcəyik....

Davamını oxu

Region

Gürcüstanda daha bir müxalifət lideri həbs olunub

13 İyun 2025

Foto: Civil Georgia

Gürcüstanda daha bir müxalifət lideri həbs olunub. Bu, son 3 həftədə həbs olunan 3-cü müxalifət lideridir. İyunun 13-də “Dəyişiklik üçün Koalisiya”nın liderlərindən Nika Qvaramia Rustavi məhkəməsinin önündə həbs olunub. Qvaramia daha öncə parlamentin istintaq komissiyası önündə ifadə vermədiyinə görə haqqında cinayət işi açılmışdı, lakin həbs qətimkan tədbiri seçilməmişdi. O, girov müqabilində azadlıqda qala bilirdi. Lakin o, 30,000 lari (təxminən 18,750 manat) məbləğində təyin olunan girovu ödəməkdən imtina edib və onun azadlıqda qalma müddəti iyunun 13-də başa çatıb. Daha əvvəl koalisiyanın digər liderləri Zurab Caparidze və Nika Meliya də eyni səbəblərlə həbs olunub. “Əgər bunun üçün həbsdə olmaqla bədəl ödəməliyəmsə, yaxşı,...

Davamını oxu