Siyasət

Aİ Azərbaycanın neft emalı zavoduna sanksiya tətbiq edib

4 Sentyabr, 2025

Foto: starrafineri.com.tr

Avropa İttifaqı (Aİ) Türkiyədə yerləşən, Azərbaycana məxsus "STAR" adlı neft emalı zavoduna sanksiya tətbiq edib.

Bu barədə "OC Media" sentyabrın 4-də Aİ sözçüsünə istinadən xəbər yayıb.

Məlumatda bildirilir ki, sanksiya nəticəsində sözügedən zavodun emal etdiyi məhsullar Aİ ölkələrinə idxal edilə bilməz. Buna səbəb isə zavodun Rusiya xam neftini emal etməsidir.

Sanksiya bu ilin iyulunda Aİ-nin Rusiyanın Ukraynanı işğalı ilə əlaqədar qəbul etdiyi 18-ci sanksiyalar paketi çərçivəsində qüvvəyə minib.

Sanksiyalar paketində məhsullarına idxal qadağası qoyulan 26 qurumun adı çəkilib. Onların arasında Çin, Honq-Konq, Hindistan və Türkiyədə fəaliyyət göstərən 11 logistika şirkəti qeyd olunsa da, neft emalı zavodları ayrıca göstərilməyib.

Lakin "OC Media"nın sorğusuna cavab verən Aİ sözçüsü Anitta Hipper Azərbaycan dövlət neft şirkəti SOCAR-a məxsus "STAR" zavodunun da həmin paketə daxil olduğunu təsdiqləyib.

Hipper vurğulayıb ki, məqsəd Rusiyanın neft gəlirlərinin kökünü kəsməkdir.

“Bu addım Rusiyanın xam neftinin hər hansı formada Aİ bazarına çıxmasının qarşısını almağa yönəlib və Rusiyanın müharibə aparmaq imkanlarını getdikcə zəiflətməyi hədəfləyən Aİ strategiyasının bir hissəsidir”, - o qeyd edib.

"STAR" neft emalı zavodu əvvəl də diqqət mərkəzində olub. Azərbaycan 2023-cü ilin sonlarında zavodun kreditlərini ABŞ banklarından Rusiya kreditorlarına köçürüb və tankerlərini Rusiya xam neftini daşımaq üçün yenidən təchiz edib.

2024-cü ildə ekoloji nəzarət təşkilatı "Global Witness" bildirib ki, "STAR" zavodunda emal edilən xammalın böyük hissəsi Rusiyadan gətirilərək Aİ-yə ixrac olunub.

Nəqliyyat məlumatları da göstərib ki, 2024-cü ilin əvvəlində zavodda emal olunan xam neftin 90%-dən çoxu Rusiyadan gəlib.

2024-cü ilin ilk rübündə "STAR" zavodu təxminən 1,2 milyard dollar dəyərində Rusiya nefti idxal edib. 2023-cü ilin tamamında isə bu rəqəm 500 milyon dollar təşkil edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

"Aclıq vaxtı məni həşəratlarla dolu otağa saldılar"

Bəhruz Səmədov yenidən aclığa başlayacağını deyir

Fərid İsmayılov 27 yaşını həbsdə qeyd edir

Putin: Azərbaycanla münasibətlərdə problemlər var

Bəhruz Səmədov barədə hökm qüvvədə saxlanıb

Avstraliya İlham Rəhimova sanksiya tətbiq edib

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Siyasət

Putin: Azərbaycanla münasibətlərdə problemlər var

4 Sentyabr 2025

Foto: AFP

Rusiya prezidenti Vladimir Putin ötən ilin dekabrından Azərbaycanla ölkəsi arasında gərginləşən münasibətlər haqda ilk dəfə danışıb. Çinə səfərinin yekununda rusiyalı jurnalistlərin önündə çıxış edən Putinə Azərbaycanla münasibətlər haqda sual verilib. Rusiya lideri münasibətlərdə problemlərin olduğunu etiraf edib. "Ölkələrarası münasibətlərdə hər zaman mövcud vəziyyətdən, siyasi konyunkturadan yaranan suallar olur. Problemlər var, amma bu gün prezident İlham Əliyevlə salamlaşdıq, iki-üç kəlmə danışdıq. Əsaslı münasibətlər və onları inkişaf etdirmək üçün olan qarşılıqlı maraq hər şeyi yerinə qoyacaq", - o deyib. Həmin gün 20-dən çox liderlə birgə hərbi parada baxmaq üçün Pekində olan Putinlə Əliyev ayaqüstü salamlaşıblar. Rusiya prezidentinin mətbuat katibi Dmitri Peskov isə...

Davamını oxu

Siyasət

Avstraliya İlham Rəhimova sanksiya tətbiq edib

3 Sentyabr 2025

Foto: açıq mənbə

Avstraliya hökuməti Rusiya hakimiyyəti ilə yaxınlığı olan şəxslərə maliyyə sanksiyası və səyahət qadağası tətbiq edib. 14 nəfərin yer aldığı siyahıda azərbaycanlı biznesmen İlham Rəhimov da var. Avstraliya hökuməti şəxslərin sanksiyaya məruz qalmasına səbəb kimi onların Rusiyaya "iqtisadi və ya strateji əhəmiyyəti olan bir fəaliyyətlə məşğul olmaları və ya funksiya yerinə yetirmələrini" əsas gətirib. Siyahıda, həmçinin, "Ural Dağ-Metallurgiya" şirkətinin həmtəsisçisi Andrey Koziçin, Moskva merinin müavini Maksim Liksutov, Tatarıstanın keçmiş prezidentinin oğlu Radik Şaymiyev, media meneceri Kristina Potupçik var. Rusiya prezidenti Vladimir Putinin dostu olaraq tanınan Rəhimov 1999-cu ildən Rusiyada daşınmaz əmlak biznesi ilə məşğuldur. Rəhimov 2005-ci ildə Putin tərəfindən "Azərbaycan və...

Davamını oxu