Siyasət

Azərbaycan mətbuat azadlığı indeksində 180 ölkə arasında 171-ci yeri tutub

30 Aprel, 2026

252

Reuters

“Sərhədsiz Reportyorlar” beynəlxalq mətbuat azadlığı təşkilatı (RSF) Dünya Mətbuat Azadlığı Günü münasibətilə növbəti illik hesabatını yayımlayıb.

RSF bildirir ki, 180 ölkədə mətbuat azadlığının səviyyəsini ölçən indeks ümumilikdə dünyada bu sahədə geriliyin baş verdiyini göstərir.

Belə ki, indeksin ölçüldüyü son 25 ildə ilk dəfə olaraq ölkələrin yarısından çoxunda mətbuat azadlığının vəziyyəti “çətin” və ya “çox ciddi” olaraq qiymətləndirilib. Müqayisə üçün, 2002-ci ildəki indeksdə ölkələrin cəmi 13,7 faizində vəziyyət bu cür hesab olunurdu.

Azərbaycan isə 23,95 balla ötən il tutduğu 167-ci yerdən 171-ci pilləyə qədər geriləyib.

Qonşu ölkələrdən Gürcüstan 21 pillə geriləyərək 135-ci, Ermənistan 16 pillə geriləyərək 50-ci yerə düşüb. Türkiyə 163-cü, Rusiya 172-ci, İran isə 177-ci pillələrdə qərarlaşıb.

İlk üçlüyü ardıcıl olaraq Norveç, Hollandiya və Estoniya tutub. ABŞ isə 64-cü pillədə yer alıb.

Ən yüksək irəliləyişə Suriya nail olub. Ötən il ən son pillədə qərarlaşan bu ölkə 36 pillə irəliləyərək 141-ci yerə çıxıb. Bu, 2024-cü ilin dekabrına qədər hakimiyyətdə olan Bəşər Əsədin çevriliş nəticəsində devrilməsindən sonra jurnalistlərin fəaliyyəti üçün şəraitin yaxşılaşması ilə izah olunur.

"Toplum TV" əməkdaşları da daxil olmaqla Azərbaycanda 30-a yaxın jurnalist həbsdədir. Beynəlxalq və yerli hüquq müdafiəçiləri onları siyasi məhbus kimi tanıyır.

Jurnalistlər qaçaqmalçılıq, vergidən yayınma, qanunsuz sahibkarlıq da daxil olmaqla bir neçə maddə ilə ittiham olunurlar. Özləri isə ittihamları qəbul etmir, hakimiyyətin sifarişi ilə həbs olunduqlarını bildirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Yeni dövlət proqramı Azərbaycanın ərzaq təhlükəsizliyini təmin edə bilərmi?

FT: “Fransa Azərbaycandakı vətəndaşlarının azadlığı müqabilində Usmanovdan sanksiyaların götürülməsini istəyir”

Kəlbəcərdə əmək müqaviləsiz işçi çalışdıran şirkət 20 min manat cərimələnib

Komitə: “İqbal Əbilovun işgəncə şikayəti araşdırılmayıb, prokuror məhkəməyə gəlməyib”

ABŞ elçisi ilə görüşdən sonra razılıq: Belarus 25 “siyasi məhbus”u azad edəcək

Almaniyada hərbi aviabaza yaxınlığına dron düşüb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

FT: “Fransa Azərbaycandakı vətəndaşlarının azadlığı müqabilində Usmanovdan sanksiyaların götürülməsini istəyir”

16 Sentyabr 2026

president.az

Fransa Azərbaycanda həbsdə olan vətəndaşlarının azad edilməsi müqabilində rusiyalı biznesmen Alişir Usmanovun sanksiya siyahısından çıxarılmasına digər Avropa İttifaqı (Aİ) ölkələrini razı salmağa çalışır. “Financial Times” danışıqlardan məlumatlı üç mənbəyə istinadən yazır ki, mümkün razılaşma Rusiyanın Ukraynaya müdaxiləsinə görə tətbiq edilmiş sanksiyaların uzadılmasını ləngidir. Qəzetə görə, Fransa və Slovakiya Usmanovun siyahıdan çıxarılmasını tələb edərək sanksiyaların daha 12 ay uzadılmasına veto qoyub. Danışıqları davam etdirmək üçün sanksiyaların müddəti bir həftə uzadılıb. Rəsmi Paris iddiaya birbaşa cavab verməyib. Fransalı diplomat isə ölkəsinin milli təhlükəsizliklə bağlı narahatlığını və Usmanov məsələsində müraciət edən beynəlxalq tərəfdaşlarına müsbət cavab vermək istədiyini bildirib. O, Parisin Rusiyaya təzyiqin artırılmasını...

Davamını oxu

Siyasət

Komitə: “İqbal Əbilovun işgəncə şikayəti araşdırılmayıb, prokuror məhkəməyə gəlməyib”

16 Sentyabr 2026

sosial media

Sentyabrın 15-də Sabunçu Rayon Məhkəməsində həbsdə olan akademik tədqiqatçı İqbal Əbilovun Bakı İstintaq Təcridxanasında fiziki və mənəvi işgəncəyə məruz qalması iddiası ilə bağlı verdiyi şikayətə baxılıb. Bu barədə İqbal Əbilovun Hüquqlarını Müdafiə Komitəsi məlumat yayıb. Komitənin bildirdiyinə görə, iclasda qarşı tərəfin nümayəndəsi və prokuror iştirak etməyib, şikayət üzrə prokuror tərəfindən araşdırma aparılmayıb. “Əbilovun vəkili Rövşanə Rəhimli bunu əsas gətirərək məhkəmədən növbəti iclasın təyin olunmasını və şikayətin araşdırılmasını istəyib”, - komitə bildirib. İ.Əbilov məhkəmədə hadisələrin necə baş verdiyini danışıb və məhkəmədən Bakı İstintaq Təcridxanasında olduğu müddətdə təhlükəsizliyinin təmin edilməsini istəyib. O, məruz qaldığı rəftarı üzərində talış dilində yazı olan köynək geyinməsi...

Davamını oxu