Siyasət

Britaniya daha bir azərbaycanlıya sanksiya tətbiq edib

12 Sentyabr, 2025

Foto: açıq mənbə

Böyük Britaniya Rusiyanın Ukraynanı işğalı ilə əlaqədar daha bir azərbaycanlıya sanksiya tətbiq edib.

Sentyabrın 12-də Britaniya hökumətinin saytında dərc olunan 100 yeni sanksiya Rusiya prezidenti Vladimir Putinin "gəlir mənbələrini məhdudlaşdırmağı" hədəfləyir.

Sanksiyalar Rusiya neftini daşıyan 70-dən çox gəmi və Rusiya ordusunun təchizatına kömək edən 27 şirkət və 3 şəxsə qarşı tətbiq olunur.

Şəxslər arasında Türkiyədə yerləşən "Mastel Makina" şirkətinin azərbaycanlı direktoru Şanlıq Şükürov da var. Digər iki şəxs isə Çində yerləşən "Shenzhen Blue Hat" şirkətinin rusiyalı sahibləri Elena Malitsikaya və Aleksey Malitskidir.

Bəyanatda göstərilir ki, bu şəxslərin rəhbərlik etdiyi şirkətlərin istehsal etdiyi elektronik avadanlıqlar "Putinin Ukrayna xalqını öldürmək üçün qəddarcasına istifadə etdiyi Rusiya dronlarında, habelə "İsgəndər" və "X-101" raketlərində geniş istifadə olunur".

Eyni gündə Kiyevdə Ukrayna prezidenti Volodimir Zelenski ilə görüşən Britaniya xarici işləri naziri İvet Kuper də yeni sanksiyalardan danışıb.

"Sanksiyalar Rusiyaya qarşı iqtisadi təzyiqi artırmaq və onun bu qanunsuz müharibəni maliyyələşdirmək üçün can atdığı həyati əhəmiyyətli pul axınlarını kəsmək məqsədi daşıyır. Bu sanksiyalar Birləşmiş Krallığın təhlükəsizlik dəstəyimizlə yanaşı iqtisadi təzyiqi gücləndirmək və Ukraynada ədalətli, davamlı sülh üçün müttəfiqlərlə birlikdə apardığımız işin növbəti mərhələsini təşkil edir", - o deyib.

Sanksiyalar Rusiya ilə əməkdaşlıq edən Çin, Hindistan, Türkiyə və Tailand şirkətlərini də əhatə edib.

Sanksiyalara aktivlərin dondurulması və səyahət qadağaları daxildir.

Bu, Britaniyanın Rusiya işğalına görə azərbaycanlılara qarşı ilk sanksiyası deyil.

Bu ilin mayında Britaniya hökuməti Rusiya enerji sektorunda çalışmış bir neçə şirkət və beş azərbaycanlıya sanksiyalar qoyub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Son 4 ildə dinlənən hər 10 dərsdən 7-də "tədrisin keyfiyyəti zəif olub"

Belarus 52 "siyasi məhbus"u azad edib

Albaniya baş naziri süni intellektlə işləyən "bot"u nazir təyin edib

Yeni taksi qaydalarına etiraz: “Niyə sərnişin seçim azadlığından məhrum edilir?”

Əsgər ölümünə görə həbsdə olan komandir və tibbi xidmət rəisi azadlığa buraxılıb

Simonyan: "Azərbaycanda mağazalarda erməni malları olacaq"

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Siyasət

Belarus 52 "siyasi məhbus"u azad edib

12 Sentyabr 2025

Foto: açıq mənbə

Belarus hakimiyyəti müxtəlif ölkələrdən olan 52 məhbusu azad edib. Bu addım ABŞ nümayəndə heyətinin Minskə səfərindən sonra atılıb. Qərar 1994-cü ildən ölkəyə rəhbərlik edən prezident Aleksandr Lukaşenko ilə ABŞ prezidenti Donald Tramp arasında əldə olunan razılaşmanın bir hissəsi olaraq təsvir olunur. Azad olunanlar arasında Belarusdan olan həmkarlar ittifaqlarının rəhbərləri, jurnalistlər və fəallar var. Eyni zamanda, altı litvalı, iki latviyalı, iki polyak, iki alman, bir ingilis və bir fransız da azad olunub. Lakin hələ də 1000-dən çox "siyasi məhbus" Belarusda həbsdə qalır. Bunun qarşılığında ABŞ Belarusun “Belavia” aviaşirkətinə tətbiq olunan bəzi sanksiyaların yumşaldılacağını bəyan edib. Nəticədə, şirkət təyyarələri üçün ehtiyat hissələri...

Davamını oxu

Siyasət

Albaniya baş naziri süni intellektlə işləyən "bot"u nazir təyin edib

12 Sentyabr 2025

Foto: Albanian Times

Albaniyada süni intellektlə işləyən "bot" nazir təyin olunub. Albaniyanın baş naziri Edi Rama bildirib ki, "nazir" dövlət satınalmalarına rəhbərlik edəcək. O, qərarı hökumətdə korrupsiyanı azaltmaq məqsədilə izah edib. Diella" (albanca "günəş" deməkdir - red.) adını daşıyan "bot" ilkin olaraq bu ilin yanvarında vətəndaşlara dövlət xidmətlərindən onlayn istifadə etməyə kömək etmək məqsədilə yaradılıb. "Diella" "e-Albania" portalında istifadəçilərə məsləhət verir, onlara səsli mesajlar vasitəsilə dövlət xidmətlərinin təxminən 95%-nə rəqəmsal şəkildə çıxış əldə etmək üçün lazım olan bütün bürokratik işlərdə kömək edir. ""Diella" ictimai tenderləri 100% korrupsiyadan azad etməyə kömək edəcək”, – Rama sentyabrın 11-də bildirib. Ramanın sözlərinə görə, "Diella" dövlətin özəl şirkətlərlə...

Davamını oxu