Siyasət

Əli Ləricani: "Tramp 'Öncə Amerika' şüarını 'Öncə İsrail'ə dəyişib"

2 Mart, 2026

117

Foto: Reuters

ABŞ prezidenti Donald Tramp martın 1-də "The Atlantic" nəşrinə deyib ki, İran hakimiyyəti ali lider Seyid Əli Xameneinin öldürülməsindən sonra ABŞ ilə danışıqlara getmək istəyir.

“Onlar danışmaq istəyirlər və mən də danışmağa razılaşmışam, ona görə də onlarla danışacağam. Bunu daha əvvəl etməli idilər. Çox praktiki və asan edilə bilən şeyi daha əvvəl etməli idilər. Çox gecikdilər,” - o qeyd edib.

İranın Milli Təhlükəsizlik Şurasının katibi Əli Ləricani isə "X" səhifəsində Trampın iddiasını təkzib edib, hakimiyyətin ABŞ ilə danışıqlara getməyəcəyini yazıb.

O, başqa bir paylaşımında Trampı bölgəni "xəyalpərəst fantaziyaları ilə qarışıqlığa sürükləməkdə" ittiham edib.

"O, xəyalpərəst hərəkətləri ilə öz uydurduğu "Öncə Amerika" şüarını "Öncə İsrail"ə dəyişdi və ABŞ əsgərlərini İsrailin ambisiyaları üçün qurban verdi", - o qeyd edib.

Fevralın 28-i səhər saatlarından ABŞ və İsrail İrana zərbələr endirməyə başlayıb. Hücum nəticəsində İranın ali lideri, Baş Qərargah rəisi və müdafiə naziri də daxil olmaqla bir sıra rəsmi şəxslər öldürülüb.

ABŞ Mərkəzi Komandanlığı martın 1-də bildirib ki, hərbi əməliyyatlar çərçivəsində üç ABŞ hərbçisi həlak olub.

İranın Qırmızı Aypara Cəmiyyəti isə martın 2-də bu ana qədər İran ərazisində ümumilikdə 550-dən çox insanın öldüyünü xəbər verib.

İran və ABŞ uzun müddətdir İranın nüvə proqramı üzrə danışıqlar aparırdı. ABŞ İrandan nüvə sənayesini tamamilə sıradan çıxarmağı tələb edirdi. İran isə nüvə silahı əldə etmək niyyətində olmadığını və nüvə proqramının mülki məqsədlər üçün nəzərdə tutulduğunu deyirdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İttifaq: “Yenilənmiş siyasi məhbus siyahısında 322 nəfərin adı var”

“Toplum TV işi”: Hakimin davranışına etiraz edənlər zaldan çıxarılıblar

Zelenski: “Rusiya Qara dənizdə Azərbaycan vətəndaşlarının da olduğu gəmini dronla vurub”

İlham Əliyev YAP-a müddət məhdudiyyəti olmadan rəhbərlik edəcək

Hesabat: “Sentyabrda məhkəmə pozuntuları və həbsxana şəraiti ilə bağlı şikayətlər davam edib”

Bu il Azərbaycanda azı 44 hərbçi qeyri-döyüş şəraitində vəfat edib

Redaktorun Tövsiyələri

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Siyasət

İttifaq: “Yenilənmiş siyasi məhbus siyahısında 322 nəfərin adı var”

6 Oktyabr 2026

sosial media

Azərbaycanın Siyasi Məhbuslarının Azadlığı Uğrunda İttifaq oktyabr ayı üçün Azərbaycanda siyasi məhbus kimi tanınan şəxslərin siyahısını yeniləyib. Yenilənmiş siyahıda 322 nəfərin adı var. Bu, ən son mayda yenilənən siyahıdan 6 nəfər azdır. Hesabata əsasən, son dörd ayda siyahıdakı 28 nəfərin həbs müddəti başa çatıb və azadlığa çıxıb. Onların arasında Azərbaycan Xalq Cəbhəsi Partiyasının fəalı Zamin Salayev, işçi hüquqları fəalları Elvin Mustafayev və Ayxan İsrafilov, satirik şair İbrahim Xudayi və 19 inanclı fəal var. Lakin eyni dövrdə müxalifət və vətəndaş cəmiyyətinə mənsub bir sıra şəxslər və inanclı fəallar məhkum edilib. Siyahıda yer alan məhbuslar 12 qrup üzrə qruplaşdırılıb. Siyahıya görə,...

Davamını oxu

Siyasət

“Toplum TV işi”: Hakimin davranışına etiraz edənlər zaldan çıxarılıblar

6 Oktyabr 2026

Toplum TV

Oktyabrın 5-də Bakı Apellyasiya Məhkəməsində “Toplum TV işi” üzrə növbəti məhkəmə iclası keçirilib. Hakim Zəfər Əhmədovun sədrliyi ilə keçirilən iclasın əvvəlində təqsirləndirilən şəxslərlə hakim arasında mübahisə yaranıb. Demokratik Təşəbbüslər İnstitutunun (IDI) əməkdaşı Ramil Babayev Z. Əhmədovun danışıq tərzinə və məhkəmə zalındakı mikrofonların işləməməsinə etiraz edib. “Siz burada özünüzü hakim kimi aparmırsınız, küçə uşağı kimi aparırsınız. Heç kimə danışmağa imkan vermirsiniz, hamının sözünü kəsir, təhqir edirsiniz”, - Ramil Babayev deyib. Buna cavab olaraq hakim R. Babayevin məhkəmə zalından çıxarılmasına göstəriş verib. IDI əməkdaşları Əli Zeynal və İlkin Əmrahov da etiraz olaraq zalı tərk ediblər. Daha sonra müdafiə tərəfi hakimin davranışı, təqsirləndirilən...

Davamını oxu