Siyasət

Əliyev: "Bu, xalqımıza qarşı misli görünməmiş hərəkət idi"

27 Avqust, 2025

Foto: president.az

Azərbaycan prezidenti İlham Əliyev ilk dəfə olaraq Rusiyada iki azərbaycanlının ölümü və digərlərinin həbsi ilə bağlı gərginlikdən danışıb.

Səudiyyə Ərəbistanının “Əl-Ərəbiyyə” telekanalına müsahibə verən Əliyevə Rusiya-Azərbaycan münasibətlərindəki gərginlik barədə sual verilib.

Ötən ilin dekabrında AZAL təyyarəsinin qəzaya uğramasına toxunan Əliyev mövzunu Rusiyada azərbaycanlıların öldürülməsinə gətirib.

"[AZAL təyyarəsinin vurulması] əlbəttə ki, bizim ikitərəfli münasibətlərimizdə ciddi məsələdir, lakin biz əlaqələri gərginləşdirmək istəmirdik. Bəli, bu, xalqımızı məyus edib, qəzəbləndirib və qəmginliyə salıb. Biz gözləyirik, gec və ya tez istintaq başa çatacaq. Lakin sonra Rusiyada azərbaycanlılara qarşı səbəbsiz hücumlar başladı. İki insan qətlə yetirilmişdir və digərləri işgəncələrə məruz qalmışlar. Sonra da rəsmi məlumata görə, onların ürək tutmasından öldüyü bildirildi. Hətta onlar, deyilənlərə görə, 20 il bundan əvvəl cinayət törədiblərsə, onlar insandırlar, onlarla belə davranılmamalıdır. Bu, nə münasibətdir? Onların sırasında Azərbaycan vətəndaşları, Azərbaycan mənşəli Rusiya vətəndaşları da var idi. Bu, bizim xalqımıza qarşı misli görünməmiş hərəkət idi. Münasibətlərin korlanmasına görə məsuliyyət bizim üzərimizə düşmür. Biz yalnız konstruktiv və hüquqi şəkildə cavab veririk, lakin heç vaxt bizə qarşı təcavüz əlamətlərinə və təzahürlərinə, yaxud hörmətsizliyə dözməyəcəyik."

Rusiya və Azərbaycan arasında münasibətlər ötən ilin dekabrın 25-də AZAL təyyarəsinin qəzaya uğramasından sonra pisləşib. Azərbaycan prezidenti İlham Əliyev təyyarənin Rusiya ordusu tərəfindən vurulduğunu iddia edib.

Bu ilin iyununda isə Rusiyada azərbaycanlılara, ardınca Azərbaycanda rus vətəndaşlara qarşı reydlər və həbslər başlayıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

OCCRP: Azərbaycan Belarusdan aldığı silahlarla erməni dronlarını məhv edib

Netanyahu: "Erməni soyqırımı"nı tanıyıram

"Qarabağ" futbol klubu Çempionlar Liqasının qrup mərhələsinə yüksəlib

"Polis hicabı başımızdan çıxardı, zorlamaqla təhdid etdi"

"ChatGPT"-nin intihar etməyə kömək etdiyi yeniyetmənin ailəsi şirkəti məhkəməyə verir

Azərbaycanda ilk dəfə kriptovalyuta üzərinə həbs qoyulub

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Siyasət

OCCRP: Azərbaycan Belarusdan aldığı silahlarla erməni dronlarını məhv edib

28 Avqust 2025

Foto: mod.gov.az

Azərbaycan Belarusdan aldığı havadan müdafiə sistemi ilə İkinci Qarabağ Müharibəsi zamanı erməni dronlarını məhv edib. Bu barədə Mütəşəkkil Cinayət və Korrupsiyanı Araşdırma Layihəsinin (OCCRP) avqustun 26-da dərc etdiyi məlumatda bildirilir. Xəbərə əsasən, Belarusun özəl silah istehsalçısı olan "Tetraedr" şirkəti Azərbaycanı zenit-raket sistemlərini modernləşdirməyə imkan verən avadanlıq və xidmətlərlə təmin edib. Bu məlumat OCCRP və tərəfdaşları – Ermənistanda "Hetq" saytı və mühacirətdə olan belaruslu jurnalistlərin yaratdığı "Buro Media" tərəfindən əldə edilən, şirkətə məxsus eksklüziv fayllarda öz əksini tapıb. "Tetraedr"in bir daxili hesabatında qeyd olunur ki, Azərbaycan tərəfindən alınan hava hücumundan müdafiə sistemi 44 günlük müharibə zamanı Ermənistan dronlarının məhv edilməsində “fəal...

Davamını oxu

Siyasət

Netanyahu: "Erməni soyqırımı"nı tanıyıram

28 Avqust 2025

Foto: Yonatan Sindel

İsrail baş naziri Benyamin Netanyahu "erməni soyqırımı"nı tanıdığını deyib. ABŞ-dən olan erməni və assuriyalı əsilli aparıcı Petrik Bet-Deyvidin "YouTube" verilişinə qonaq olan baş nazirə bu sual ünvanlanıb. Netanyahu cavabında yanlış olaraq İsrail parlamenti Knessetin soyqırımının tanınması barədə qətnamə qəbul etdiyini bildirib. Bet-Deyvid məhz baş nazirin özünün soyqırımını tanıyıb-tanımadığını soruşduqda, Netanyahu cavab verib: "Tanıdım. Buyurun." Knesset bir neçə dəfə "erməni soyqırımı"nın tanınmasını müzakirəyə çıxarsa da, bunu qəbul etməyib. Dünyada 30-dan çox ölkə 1915-23-cü illərdə Osmanlı dövləti ərazisində ermənilərə qarşı qətliamları "soyqırımı" kimi tanıyıb. Netanyahunun açıqlaması İsraillə Türkiyə arasında münasibətlərin gərgin olduğu dövrə təsadüf edir. Türkiyə Osmanlının varisi kimi "erməni soyqırımı" iddiasını...

Davamını oxu