Siyasət

Fərid İsmayılov: “Bəyənmədikləri sualları verən jurnalistləri həbs ediblər”

22 İyul, 2026

106

VOA

“Toplum TV”nin həbsdə olan jurnalisti, 13 il həbsi istənən Fərid İsmayılov Milli Mətbuat Günü ilə bağlı ictimaiyyətə məktub göndərib.

Məktubu olduğu kimi təqdim edirik.

“Artıq 4 ildir ki, Milli Mətbuat Günü ərəfəsində Şuşa Qlobal Media Forumu keçirilir. Tədbirin təşkilatçısı olan hökumətin adı isə beynəlxalq mediada mətbuat azadlığının pozulmasında hallanır.

Tədbir iştirakçılarının peşə etikasının səviyyəsini isə verdikləri suallardan görmək mümkündür. Peşə etikasına hörmət edən heç bir jurnalist bu hökumətin təşkil etdiyi media tədbirində iştirak etməz.

Forumu 2023-cü ildən bəri təşkil edən hökumət elə həmin ildən öz ölkəsində müstəqil medianın həbsinə start verib. Forumun məqsədi aydındır: həbsləri pərdələmək. Amma əbəsdir. Burkina-Faso mediasında Azərbaycanla bağlı yazılan məqalə heç kimə maraqlı deyil.

Tədbiri TV-də izləyərkən hökumətin “Gillette” reklamçılarının ümidinə, onlara möhtac qalmasına təəssüfləndim. Bu səbəbdən V Şuşa Qlobal Media Forumunun Azərbaycan həbsxanalarının birində keçirilməsini təklif edirəm. 30-a yaxın jurnalistin tezissiz sualları ilə rastlaşacaq hökumətin, pozitiv tərəfdən baxsaq, tədbir üçün xərcı çıxmayacaq. Yetər ki, cəsarətli olsunlar. Onsuz da bəyənmədikləri sualları verən jurnalistləri həbs ediblər.

Yekunda bayram münasibətilə “Əkinçi” ideyalarına sadiq qalan və bu səbəbdən həbs olunan həmkarlarımı təbrik edirəm”.

"Toplum TV işi" üzrə ümumilikdə 10 nəfərə cinayət işi açılıb. Onlar öncə qaçaqmalçılıqda ittiham edilsələr də, sonradan ittiham ağırlaşdırılıb.
İyunun 8-də Bakı Ağır Cinayətlər Məhkəməsində prokuror təqsirləndirilən şəxslərə uzunmüddətli həbslər istəyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Yeni dövlət proqramı Azərbaycanın ərzaq təhlükəsizliyini təmin edə bilərmi?

FT: “Fransa Azərbaycandakı vətəndaşlarının azadlığı müqabilində Usmanovdan sanksiyaların götürülməsini istəyir”

Kəlbəcərdə əmək müqaviləsiz işçi çalışdıran şirkət 20 min manat cərimələnib

Komitə: “İqbal Əbilovun işgəncə şikayəti araşdırılmayıb, prokuror məhkəməyə gəlməyib”

ABŞ elçisi ilə görüşdən sonra razılıq: Belarus 25 “siyasi məhbus”u azad edəcək

Almaniyada hərbi aviabaza yaxınlığına dron düşüb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

FT: “Fransa Azərbaycandakı vətəndaşlarının azadlığı müqabilində Usmanovdan sanksiyaların götürülməsini istəyir”

16 Sentyabr 2026

president.az

Fransa Azərbaycanda həbsdə olan vətəndaşlarının azad edilməsi müqabilində rusiyalı biznesmen Alişir Usmanovun sanksiya siyahısından çıxarılmasına digər Avropa İttifaqı (Aİ) ölkələrini razı salmağa çalışır. “Financial Times” danışıqlardan məlumatlı üç mənbəyə istinadən yazır ki, mümkün razılaşma Rusiyanın Ukraynaya müdaxiləsinə görə tətbiq edilmiş sanksiyaların uzadılmasını ləngidir. Qəzetə görə, Fransa və Slovakiya Usmanovun siyahıdan çıxarılmasını tələb edərək sanksiyaların daha 12 ay uzadılmasına veto qoyub. Danışıqları davam etdirmək üçün sanksiyaların müddəti bir həftə uzadılıb. Rəsmi Paris iddiaya birbaşa cavab verməyib. Fransalı diplomat isə ölkəsinin milli təhlükəsizliklə bağlı narahatlığını və Usmanov məsələsində müraciət edən beynəlxalq tərəfdaşlarına müsbət cavab vermək istədiyini bildirib. O, Parisin Rusiyaya təzyiqin artırılmasını...

Davamını oxu

Siyasət

Komitə: “İqbal Əbilovun işgəncə şikayəti araşdırılmayıb, prokuror məhkəməyə gəlməyib”

16 Sentyabr 2026

sosial media

Sentyabrın 15-də Sabunçu Rayon Məhkəməsində həbsdə olan akademik tədqiqatçı İqbal Əbilovun Bakı İstintaq Təcridxanasında fiziki və mənəvi işgəncəyə məruz qalması iddiası ilə bağlı verdiyi şikayətə baxılıb. Bu barədə İqbal Əbilovun Hüquqlarını Müdafiə Komitəsi məlumat yayıb. Komitənin bildirdiyinə görə, iclasda qarşı tərəfin nümayəndəsi və prokuror iştirak etməyib, şikayət üzrə prokuror tərəfindən araşdırma aparılmayıb. “Əbilovun vəkili Rövşanə Rəhimli bunu əsas gətirərək məhkəmədən növbəti iclasın təyin olunmasını və şikayətin araşdırılmasını istəyib”, - komitə bildirib. İ.Əbilov məhkəmədə hadisələrin necə baş verdiyini danışıb və məhkəmədən Bakı İstintaq Təcridxanasında olduğu müddətdə təhlükəsizliyinin təmin edilməsini istəyib. O, məruz qaldığı rəftarı üzərində talış dilində yazı olan köynək geyinməsi...

Davamını oxu